بسم الله الرحمن الرحيم
السلام عليكم ورحمة الله وبركاته
>> بالـمـعـرفـة طـزيـن <<
لـشـاعـر : جـابـر هـايـف الـعـتـيـبـي
و اتمنا انها تنال اعجابكم و اتركم مع القصيده
مصير الحي يتلاقى تجي وأذكرّك بعدين
تذكر زين هالجمله ولك فائق iiتحياتي
على هونك أنا قلبي قسى لاتجرح iiالسكين
ترى ماني على خبرك أشوف الناس في ذاتي
ألف شكرًا على التجريح وبعتبرّه عليّه دين
وأنا لازم أسّد الدين بالكامل iiولاتحاتي
بحاول قد ماأقدر أرد الصاع لك صاعين
يجوز إنك بلحضتها تميّز ويش معناتي
لزوم أعلمك منهو أنا ولا أنته المسكين
بسيطه وين دربك وين وأنت بكل iiوجهاتي
لك الله لو تموت أبسئل الحانوت حطك وين!؟
بما معناه وين تروح وصرت أهم غاياتي
عليّه نذر ماأضحك وفوق النذر حلف يمين
ألين إنك تجي خاضع تحت رجلي لمرضاتي
قسم لعطيك درس بيوم ماتنساه عشر سنين
وأعيده لك بثاني يوم أجرب فيك قدراتي
أنا ماني قليّل شر والله ولا قصير يدين
وإذا ودي أعديها أعديها بمشهاتي
خطاي إني رفعتك فوق وأنت أبن الوحل والطين
كان المفروض من أول أراجع كل حساباتي
حسبتك الرفيق اللي على جور الزمان يعين
وجيتك يوم ضاقت بي وخابت كل هقواتي
ومدامك دست عشرتنا أجل بالمعرفه طزين
وتبقى حيّ بين الناس ولكن مت جواتي
لعلمك بس وأستوعب مايرفع قدرك القرشين
أنا رمز الفقر لكن بأسيادك علاقاتي
ترى الرجال ماهو بكثرت أمواله عن الباقين
ولاهو بشعرتين الوجه ولوطالت iiشنباتي
تعرف الرجل بأفعاله مثل السيف أبو حدين
بيعطي حق وياخذ حق وركز في عباراتي
ماعاب الفقر سيدنا محمد والغنى بالدين
كثير المال مايغني إذا فقري iiبحسناتي
بكلامي معك كبرتك وأنا لو أبترك نصفين
عليّ أهون ولاأوصخ بشخصك وجه كلماتي
حسافه ليتني ماجيت أدوّر أقرب iiالغالين
أجي هارب من أوجاعي وأطيح بيد معاناتي
ماعاد الصاحب الصاحب وكل الخلق في وجهين
حقيقه شفتها بعيني وتحكمها قناعاتي
فعلنا الطيب فالأقرب والأقرب صار فعله شين
والأقبح عذره من ذنبه إذا بيّنت شرهاتي
دمحنا ألف زله كلها من شان خاطر عين
عمى بالعين هذي كانها ترضى بإهاناتي
إذا هالناس دجاله أنا دجلت دجالين
ودجالين هالدنيا هم أصحابي وحبيباتي
أبي العب على الحبلين وأرقصك ع الحبلين
وساعتها تبي تركع على أقدامي وخطواتي
لأنك أنت تعرفني وتعرف ويش جابر iiزين
وتعرف أني شخصيه تطابق كل كتاباتي
وســـلامــتــكــم