ظلم الزمان للشاعر مهذل الصقور.............

[دوس ابن كتامه]

بسم الله الرحمن الرحيم


جيـت أتظلـم سـيـدي وأطلـبـك لـفـت النـظـر

هل تنصف المظلوم من ظلـم الزمـان اللـي وطـاه

معـذور لـو جيـت أعتـذر غيـري تـعـذر وأنـعـذر

ماخطيـت لكـن الزمـان أخطـى وحملـنـي خـطـاه

حقٍ علي أصبر ومـن صبّـر علـى شـيء صبـر

والصـبـر لــو فـيـه الـمـراره مــن مـلــذات الـحـيـاه

على سفينة حبكم ظميان فـي عـرض البحـر

هـبـت علـيـه العاصـفـه ثــم انتـثـر مـاعــون مـــاه

يبّـس شفايـاه الظـمـا ولــي تصـبّـر مــا صـبـر

ولـي شـرب مــا البـحـر زاد الظـمـا عـلـى ظـمـاه

بـيــن الـبـدايـه والنـهـايـه لا إتـجــاه ولا مـفــر

يقـبـل ويقـفـي يستـديـر بــدون وجـهــه وإتـجــاه

والمـوت قــام إيــدارج التـابـوت لأبــواب القـبـر

والمـوج غاضـب والكفـن منسـوج بخـيـوط الـوفـاه

وحارت بعينه دمعته لوجـات فـي صلـد الحجـر

ذاب الحجـر كمـا يـذوب الكحـل فـي عيـن الفـتـاه

قطـع رجـاه مـن الحيـاه وبّـركـه حـكـم الـقـدر

بــارك كـمـا يـبـرك بعـيـر شــال حـمـل مــا قـــواه

مـا هـو بـوده يلفـظ أنفاسـه ولا حـولـه بـشـر

أمــــا صــديــق بـيّـحــه وإلا ولــــد عـــــمٍ بــكـــاه

وإلا عفيـفـاتٍ يـطــرَّنّ الـجـيـوب مـــن الـقـهـر

هذي رمـت عنهـا القنـاع وذي رمـت عنهـا العبـاه

علـى ظهـر سفينتـه يطـوي مسافـات العـمـر

مستوحـش وحشـة نبـي الله يونـس فـي دجــاه

فجأه وهو ساهي خطف عينه سنا برق ظهر

يبرق علـى بعـد المـدا ويضيـح فـي الغبّـه سنـاه

وحنـت مباكيـر الرعـود وهـب نسنـاس المطـر

ريح المطر يطرق وريـده والسحـب غطـت سمـاه

وأسقاه ربي من سحابه وأنجلى عنه الضجـر

وشـرب وصـدّر وأرتـوى وأبحـر عـلـى درب النـجـاه

وتذكـرت يـا ظامـر السرجـوف يـا تــرف النـحـر

يـا غايتـه ومـنـاه فــي دنـيـاه ويــا شمـعـة هــواه

أنت السفينه والبحر لي جـاك علمـي والخبـر

أنــت الظـمـا والـمـا بلـيّـا شــك وبــدون إشـتـبـاه

البارحـه لـك وأمـس لـك واليـوم وأيـام العـمـر

اللـيـل ليـلـك والنـهـار يـشـع مـــن خـــدك ظـيــاه

يابـو جديـل أشقـر مـثـل الشـعـاع إذا انتـشـر

والــلا كـمـا نـبـع الغـديـر الـلــي تـحــدر لـلـوطـاه



يابو حجـاج دارتـه تشبـه هـلال أتلـى الشهـر

والخشم سيف جّـرده حامـي السريـه مـن خبـاه

والعين نجديـه ترعـرع فـي محاجرهـا السحـر

ليسـجـت برموشـهـا جــرت فــؤادي مـــن عـــراه

خدٍ كما روض الزهر واللا قمـر خامـس عشـر

مـن استلـذ بحبـتـه حــوّل عـلـى جـمـر الشـفـاه

جمر الشفاة اللـي تواقـد فـوق و ضـاح الثغـر

مبسـمـك لا وا هـنــي مـــن قـبـلـه و الا سـقــاه

ياقـوتـةٍ فــي رقـدتـك كـنــه مـــبللها الـخـمـر

خمـر الثمـان ومـن طعـم خمـر الثمـان أدرك منَـاه

والعنق عنق الجازيـه لـي روّحـت حـل العصـر

لي روحت من بطن وادي وامرحت في اللي وراه

وتفاحـتـيـن بابـلـيـه فـــي بسـاتـيـن الــصــدر

الصـدر راوي والخصـر طـاوي كـمـا خـصـر المـهـاه

فخذك فخذ بكـر تغـض الطـرف وتحـب الستـر

والسـاق تحفـه عــاج لا مثـلـه ولافــي مسـتـواه

واخضـاب كفـك جنـةٍ خضـرا علـي ضفـة نـهـر

والـلا جـنـاح الطـيـر لأذهــب حــس قـنـاصٍ رمــاه

هذي وصوفك يا لطيـف الـروح يالظبـي العفـر

وأنـت الـذي ربـي علـى كــل المزايـيـن اصطـفـاه

وأنت الذي طيفك يسامرني على ضوح القمر

أوســده يمـنـاي وأقـلـب صفـحـة الـذكـرى مـعـاه

وقف ترى عمري بدونـك يـا بعـد عمـري هـدر

والـلا تعـال أودعــك وأكـتـب مـعـك لهـلـي وصــاه

وصاة مجنـون قضـى نحبـه وهـو يهـذي شعـر

يهذي بحب اللي غرس رمح المحبه فـي حشـاه

يا سيدي حلمك علي وأنا أعتذر عـن مـا بـدر

أصفـح عـن المذنـب ولا تسمـع دعايـات الـوشـاه

يـا ونتـي ونـة كسيـر عظـم سـاقـه مــا جـبـر

و إلا فونًـه الأسحـم اللـي طاردينـه مــن عـشـاه

وأنـا حصـان طمرتـه تعجـب عيونـك لـي عـثـر

يصـهـل صهـيـل الـعـز والـطـراد مــا يلـحـق مــداه

يـامـا علـيـك أجـــر ونّـــات العـشـايـا والـفـجـر

وأبـكـي كـمـا يبـكـي يتـيـم يكـسـر الخاطـربـكـاه

هـذا وانـا سيـدي جيـت أطلبـك لـفـت النـظـر

هل تنصف المظلوم من ظلـم الزمـان اللـي وطـاه


وسلامتكم......................

[عاشق العليا]

صح اللسان قايلها وناقلها