مساجله شعريه .......

[لبيك]

الحـب والـود والاهـآت تجذبنـي=والوقـت ميـال والاشـواق فياضـه
والشوق لا غاب لوصالـه يخاطبنـي=من يعرف الحب ما يسلم من اعراضه

[نيَـة فراق ..!]

هلّت دموعي ، وانت عينك [ تقوّى ] ..!
حبست دموعك .. مات جفنك / ينادي


هذا مجرّد [ طاري البع ـد ] هوّى :
دموع عيني ، وانكسارة / فؤادي ..!

[لبيك]

يا ترفه عليّه نذر عيّا يجيني نوم=على كلمتك سهران حتى طلوع الشمس
أناديك وتقولين لي يا ( حلال القوم )=وأنا من ( حلال القوم ) ما نمت من قبل أمس
على بهجتي فرحة أمقصّر عداه اللوم=وفي خاطري شرحة فضا وأنطرابة عمس

[شيخة الغلا]

سرى بي هاجس الذكرى .. على متن الخيال .. وهام = يــرد الـذهـن لأيــام تعدتـنـي لياليـهـا
أضم الطيف بعيوني .. وأعانـق سـاري الانسـام= واردد نغمـة الماضـي علـى قلبـي .. وأغنيهـا
ألا يا ليل ..يا ليل الغريب اللـي سهـر مـا نـام= تذكـر لـه عـل بعـد المسافـة عيـن يغليـهـا
أمانه يا قمر .. يـا سـاري بالليـل خـذ سـلام= وصبه شـوق فـي عيـن الـذي عينـي معنيهـا
حنين الولف .. ياهل الولف .. يجلب للقلوب هيـام = ومن يجـرح قلـوب الولـف .. لابـده يداويهـا
اغني للقلـوب .. اللـي عزاهـا بالحيـاة أحـلام = وارد الشان .. لاهـل الشـان .. بأولهـا وتاليهـا

[خالد وبس]

انا وانت .. حتى لو نكابر .. نظل احباب = وكلٍ مع الثاني .. مولّع .. وهايم صح !

[شيخة الغلا]

حاجتي لك ماهي حاجة حبيب لحبيب= انت قبل الغذا والما وضمن الهوى .. !!
ياكسجين النفس ذبّ العروق وتطيب = كل عرق .. فقدك اربع دقايق .. ذوى

[خالد وبس]

اون .. من طاري الغرام الموجع = وتبرد عظامي من حرارة دمي !

[شيخة الغلا]

ياحبي الاول وياحلمي ويامسك الختام= ماوالله يعاني ويتعب من غيابك غير انا

[لبيك]

أغنيةٍ لا أتصل هاتفك غنّيتها=لو كان ماني بفاضي للطرب والغنا

/
/
/

بنتٍ تمرّ الضلوع وبيتها بيتها=ما غيّرتها السنين وما تغيّرت أنا

[شيخة الغلا]

^ رووووعه الهواجس راويه والمهوجس ذاوي والبحر محباس والقافيه محبوسـه بيني وبين النقا والشموخ يساوي والزمان يلقن الصابرين دروسـه