الجد يامي درع يضفي جنوبي

[راكان اليامي]

يانـود هبـي بالهبايـب نسانيـس=ويانحلة الاشعـار بالشهـد ذوبـي
يوم القصايـد نابيـات ومراميـس=قصيدنا عنـد الاصيـل محسوبـي
بيض الحبـارى مايفـرخ قرانيـس=اسمع كلامي وارفع العين صوبـي
والنـور ياشحـه بليـل الحناديـس=الله ولا وبـاب ٍ يــزود ذنـوبـي
مره يجي في ثوب وحش البحر نيس=ومره يجي مثل الهـوى والهبوبـي
وضاع النقاء بين اختلاف المقاييـس=وساق القدر الايـام تقفـل دروبـي
ياتاج كسرى وانت ياعرش بلقيـس=كرامتـي ماساومتـهـا جيـوبـي
اعف نفسي واسبر الدرب واقيـس=واحاول اصحح خطـاي وعيوبـي
ايوالله اني من بدو (..درّهم..) عيس=داري جنوب النجـم وانـا جنوبـي
من لابةٍ تظهـر نهـار المقابيـس=الجد يامـي درع يضفـي جنوبـي
لامن ضرب قرن الشياطين ببليـس=مثل الرعد فزعاتهم فـي القلوبـي
كسابـة العليـا كبـار النواميـس=لطامـة العايـل دهـاة الحروبـي
وانا احمد الله ماخذتني الهواجيـس=واثق ولاهميـت مـن عذربوبـي
واللي على درب المراجل مفاليـس=من بعد هذي قلـت يانفـس توبـي
صفوا الصفوف ومقدم المرجفة هيس=وانا لحالي واركـز احيـان ثوبـي
وان زاد جمع الدنفسـة بالدنافيـس=يبطـون والله بالغـدر ماغـدوبـي
ماعيش عيشة ليل خلف الكواليـس=يدرون بـي ولا عسـى مادروبـي

[ابن وعيل]

تسلم يابو سالم على القصيدة الجزله

لاهنت يالغالي


لك مني كل الاحترام

[ابومحمد الشامري]

لا هنت يا ابو سالم قصيدة رائعة وجزلة صح لسانك يا السنافي.

ابوحمد الشامري

[ذيب القوم]

اررررررررحب


صح لسانك ولالاهنت


ويعطيك الف عافييييييييييه



وتحياتي لك

اخيك : عبدالله اللزيزي

[فهد بن محسن]

الاخ \ راكان اليامي


صح لسانك يالسنافي ولا هنت يالغالي

تحياتي لك

اخوك \ ابو فيصل

[عبدالله الوعيلي]

لامن ضرب قرن الشياطين ببليس @ فزعاتهم مثل الرعد في القلوبي

لاهنت يا ابو ســـــــــــــــــالم وصح السانك

[عبد الله آل هندي]

صح لسانك وصح لسان الشاعر الكبير/عبد الهادي الخليوي
اختيار اكثر من رائع تُشكر عليه

الله يستر عليك يا عبد الهادي مهما ابتعدت ستبقى الاخ الاكبر والصديق الوفي ننتظر رجعته للنت

[راكان اليامي]

اررحب يابن هندي ووصح بدنك ياذيب وولاهنت على زياده المعلومات

[سعود الخويطري]

صح الله لسانك



وبيض الله وجهك يابوسالم



تقبل سلامي واشواقي

الخويطري

[راكان اليامي]

هلا وغلا ياسعود ووجهك ابيض يالغالي