... زيــــن البنــــات ...

[أميرة نجد]

صح لسانك يالعرجاني

فعلا قصيده رائـــــــــعه

دمت
أمـيـرة نـجـد

[العرجاني محمد]

صح الله بدنك يااميرة نجد..شرفتيني بمرورك ياالغالية

[الفرس]

المشاركة الأصلية كتبت بواسطة العرجاني محمد

السلام عليكم ورحمة الله وبركاته ....مساكم الله بالخير جميعا .

متواضعة من وحي الخيال ..أتمنى أن تحوز على رضاكم .

أبدا بذكر إللي فرض على الملأ فرض الصلاة= إللي خلق نفسي ويدري بما وراها ودونها
بسمه نسمي ونبتهل يالله بإيمان وثبات= في لحظة(ن) فيها الملأ تخلف جميع ظنونها
تعمنى سود الذنوب الحاضرات الماضيات=وترجف ركوني من الندم لا من ذكرت مجونها
ثورة عقل مدري جهل مدري ! وماقد فات مات=أمسي أمتطي سود الذنوب واليوم أنا مرهونها
جيتك إلهي لك ضعيف وأيقنت إن مابه نجاة=إلا برحمة من لدنك علي تهل مزونها
أدعيك يارب السماء وبكل الأسماء والصفات=ترزقني بتوبة قبل روحي تغادر كونها
وأنا خطاي وزلتي ماهيب في أمور عايبات =نفسي عن دروب الردى أحدها وأصونها
لا نيب قفاي الرفيق وإن ماحصل مني غناة=فالكلمة العوجا عليه مانيب اجر ألحونها
ولاني بنقال الكلام ولاني بسماع الوشاة=وناس(ن) طبايعها كذا ! الله يكون بعونها
أنا عناي وعلتي يشدني زين البنات=ونفسي على عشق البنات يوزها ملعونها
لا عرضت خطوا الهنوف إللي لها بالحسن ذات=خطر(ن) على قلب الخطا لا تنقله بردونها
أضيع لا شفت البرد يطوقه جمر الشفاة=وأتوه لا شفت الوصوف إللي قليل(ن) لونها
وهذي سواتي قبل أعرف إن الحسن له سيدات=وإن الدلع حرفة ويا قٌل الذي يجيدونها
والجادل إللي سطرت في خاطري أغلى الأمنيات=ياليتها ليلي وأنا ياليتني مجنونها
من شافها ياربعها ينقل لها مني وصاة=أنا ترى ستر(ن) لها ودرع(ن) لها وياااا عونها
بس تلتفت لي جعلني مااذوق حزن الناعسات=إللي دواها مايشافي من غميق طعونها
وتراعي إللي من الجفا ما ذاقت عيونه مبات=ونفسه على عيش الجفا يا ذلٌها ويا هونها
إلى متى ياالغالية وأنا أرتجي لم الشتات =وإلى متى وسدرة غلاك عني تميل غصونها
فهل علمتي بأنني من غير ماأشعر يافتاة=مهذري(ن) بإسمك وأصيح : لعيونها لعيونها
لعيون من ذقت الهوى من كفها عذب(ن) فرات=إللي على طول المدى مابيحت مكنونها
لعيونها ولو هي تبيها بالشجاعة والثبات=من دونها أثني ولو كل العرب يبغونها
لعيونها ولو هي تبيها بالسخاء والمكرمات=أسوق روحي والثمن لمعة براق سنونها
لعيونها ولو هي تبيها بالأدب والفلسفات=يا ويش سقراط الغلا ومن أنت ياأفلاطونها
لعيونا ماقد مضى وماقد حضروماكان آت=لإنها حياتي كلها وهي شكلها ومضمونها
لبيه ياللي في الحنايا لك قصور مشيدات=يامفرجة هم الحياة ومفرحة محزونها
لبيه ياوجة(ن) طفولي للبراءة به سمات=سبحان خلاق(ن) جعل كل السحر بجفونها
ولبى النحر لا من برق من خلف سود(ن) ضافيات=لا خلت براقه عنى . روحي يزيد جنونها
ويالبى والله ماتعلق وأخفته ضافي العباة= إليا أقبلت وإلا أدبرت ياااا عزتي لمفتونها
ليش الجفا وليش البعد يافاتنة الفاتنات=وأنتي ملكتي مهجتي ميدانها وركونها
أما أحضنيني بالغلا ولمي ضلوع(ن) عاريات=وأدري ترى العشقة ذبح ديانها مديونها
وإلا بلاش من الغلا وماقد مضى عديه فات=عجزت من كثر الصبر ونفسي قصرت شطونها
فمن شافها ياربعها يثني لها من الوصاة=إن طولت في بعدها (فـ عذراً ) ترى بآخونها
لإني أنا وبكل صدق أمووووت في زين البنات=ونفسي على زين البنات يوزها ملعونها

وسلامتكم

محمد العرجاني

قصيده اكثر من رائعه

يعطيك العافيه عليها يامحمد

تقبل تحياتي

[مهرة النسيان]

اشكرش يالفرس على رفع القصيده ..

وهذي ماطحت عليها معني قريت للعرجاني كثير وعجبني ..

صح لسانك يالعرجاني مليون مرة قصيده رووعه

ودفع البلا مبرز الخيانه اذا ابطت ههههههههههه

لاهنت وربي يسلمك ..

[عـسـاه خـيـر]

الشاعر محمـد العرجاني . . . صح الله السانك

دائما جـزل ومتميز . . . بانتظار روائع الشاعر

دمت بخير

[العرجاني محمد]

اشكرك اختي الفرس على الرد على هذه القصيدة القديمة ومجرد بحثك عنها اعتبره شرف كبير لي


شرفتيني بمرورك وتعليقك ..لا هنتي

[العرجاني محمد]

يامرحبا يامهرة النسيان ..وصح الله بدنك مليااااااااار


قولي لي وش نسوي معكم ..

جربنا معكم الحب والوفاء ما نفع قلنا خلنا نوريهم العين الحمراء



تشرفت بمرورك ياالغالية

[العرجاني محمد]

عساه بخير .........تشرفت القصيدة وراعيها بمرورك الأكثر من رائع

مليووووووووون شكر لك على هذا المرور