المشاركة الاولى

[فهيد بن عصيدان]

سلامُ عليكم ,,

أشكر الأخ / بندر بن اخضير على الدعوه الكريمه وهذه المصافحه الاولى .,

وصلتني هذه الدرّه من الشاعر المبدع / طاحوس بن محمّد بن طاحوس ال محفوظ ,,

؛

؛

الا ياهل المرقاب نادوا بـن عصيدان=تقـول القصيدة لازم فهيد يقراني
سلامي على شاعر مغاير فصيح لسان=يغرّد بشعره خارج السّرب وحداني
جزالة وأصالة لاقت اعجاب واستحسان=قويّ المعاني واسع الفكر ملياني
رصين العبارة شاعر محـنّك وبطران=أدوّر قــصيده وأتــلذذهْ لاجاني
قريته وتابعته بحبّ و شـغفْ وادمان=أحـسّ بقصيده مثل دمّي بشرياني
يقولون وش علمك بشخصه بلا نكران .؟=وأنا حدّ علمي فيه (عجمي سليماني)
أعرفه على (محمّد حـمد) ماني بغلطان=وأنا خـابر انّ (فهيد) هو جده الثاني
انا ماني مجامل و لا قــلتها فسقـان=قريت القـصيد ومدري لوين وداني .؟
عجبني قصيده قلت أقدم له البــرهان=وأقـدم تحيـاتي وشكري وعرفاني
سلامي على شاعر مغاير فصيح لسان=يغرد بشعره خـارج السّرب وحداني

؛

؛

طاحوس بن طاحوس


وهاذا ردّي المتواضع ,,

؛

؛

أنا كلّ ماجيت أتعوّذ من الشيطان=عرضلي بليس إمع الهواجيس وأغواني
وشوّشتْ ., وإستلّيت سيف ., وركبت إحصان=وخلّيت سيفي يبرق ., ويصهل إحصاني .!
وقامت هواجيسي تكافخ بلاجنحان=وتغزّلت في بنات الأفكار بلعاني
ولي مدّه إمن أهل القصيد الجزل ضميان=ولكن جذبني بارقٍ ناض وأحياني
سقت غيمته قيفاني ., وسيلت قيفان=وربّع قصيدي وإستهلّيت قيفاني
طربتْ ., وتهيّضتْ ., وبغني وأنا طربان=وأشيّد إبيوت العزّ ., وآكوسر ألحاني
على صوت شاعر من بني عمّي العجمان=برد الصدى له يوم صوّت وناداني
وصلني السلام الذرب والشكر والعرفان=وله أرسل ثناي وزود شكري وعرفاني
عسا الله يقويني بردّ وبيوت إسمان=على شانه أسرف في مديحه على شاني
يقول إنني : (شاعر مغاير فصيح إلسان)=ومدح شعري وسمّى جدودي وسمّاني
هلا مرحبا باللّي لفاني على العنوان=قصيده .، وعجّز قافي وعجّز إلساني
إبيوته تخدمه كنّها هدهد إسليمان=وإهو عندها ماكنّه إلا سليماني .!
ياطاحوس إبن طاحوس ماشا الله الرحمن=على أندر قصيدٍ مبطيٍ منّه وجاني
ببدّيك وإمبدّا على إفلان إبن علاّن=وخلّيت غيرك : رابع ., وثالث ., وثاني
لابالله فيما قلتلي منته إبغلطان=على الشّايب اللي قلته ., وقلت جدّاني
هذا وأنت من ربعٍ لهم فاللّوازم شان=(محافيظ) ريف الضيف ., والجار ., والعاني
وحنّا بني عمٍ على سلسلة جدان=وشيبانك إيعدون من ضمن شيباني
وسلّم ., وأنا ويّاك حسبة ربع وإخوان=وصح الله إلسانك ., وصح الله إلساني .!

؛

؛

فهيد بن محمّد

[الرسام]

الله الله

إبيوتـه تخدمـه كنّهـا هـدهـد إسليـمـان=وإهـو عنـدهـا ماكـنّـه إلا سليمـانـي .!

صح السان بن طاحوس ولا هان

وصح السانك و عز الله انه تعرض لك الشيطان

لا هنت رديه ممتازه ورائعه


احترامي

[حـــوران]

يقول طاحوس :

سلامي على شاعر مغاير فصيح لسـان=يغرّد بشعره خـارج السّـرب وحدانـي
جزالة وأصالة لاقت اعجاب واستحسان=قويّ المعانـي واسـع الفكـر مليانـي
رصين العبارة شاعر محنّـك وبطـران=أدوّر قصـيـده وأتـلـذذهْ لاجـانــي
قريته وتابعته بحـبّ و شغـفْ وادمـان=أحسّ بقصيـده مثـل دمّـي بشريانـي

كن طاحوس يقرأ اللي في خاطري

؛
؛
ويقول فهيد

إبيوتـه تخدمـه كنّهـا هـدهـد إسليـمـان=وإهـو عنـدهـا ماكـنّـه إلا سليمـانـي .!

ااااالله الله عليك


ونكمل مع الأبداع

ياطاحوس إبن طاحـوس ماشـا الله الرحمـن=علـى أنـدر قصيـدٍ مبطـيٍ منّـه وجانـي
ببدّيـك وإمبـدّا علـى إفـلان إبـن عـلاّن=وخلّيت غيرك : رابـع ., وثالـث ., وثانـي
لابالله فيـمـا قلتـلـي منـتـه إبغـلـطـان=على الشّايب اللـي قلتـه ., وقلـت جدّانـي
هذا وأنت مـن ربـعٍ لهـم فاللّـوازم شـان=(محافيظ) ريف الضيف ., والجار ., والعاني
وحنّـا بنـي عـمٍ علـى سلسـلـة جــدان=وشيبانـك إيعـدون مـن ضمـن شيبـانـي
وسلّم ., وأنا ويّـاك حسبـة ربـع وإخـوان=وصح الله إلسانـك ., وصـح الله إلسانـي .!

اي بالله صح الله لسانك





االله االله عليك يابو محمد

يسعدني إني قريت مثل هاذه الشوامخ في منتدانا

وعزالله انها من أقوا الرديات اللي سمعتها هالفتره في جزالتها وأنشهد إنكم وافيين ..

وبيّض الله وجيهكم ,, أمتعتونا بقصيد راقي وذرب وسمين


ونعم وسبعة أنعام بكم جميع

ويامرحبا بك مرة ٍ أخرى .. وصح الله لســانك



لك الموده والتقدير

إخيـك

[مهرة النسيان]

صح لسانك وصح لسانك وصح لسانك ..

وصح لسان طاحوس ابن محمد وجزاه الله خير على دفعك لهذه الردية

الرائعه ..

ومررحبا بك في مجالسنا مليون ..

[البركان الثائر]

الاخ الشاعر فهيد
جزل وانا قريت لك عدة قصايد
فيها من الجزاله والعمق في المعني
والقصيدتان جزال
من الشاعر طاحوس ومن الشاعر فهيد

[ابومحمد الشامري]

طاحوس بن محمد وفهيد بن محمد ال عصيدان صح لسانكم قصائد ورديات جزلة لا هنت يا ابو محمد وفي انتظار جديدك يا السنافي

[النـادر]

بارك اللع فالصوت

وبارك الله فالصدى

كلاكما راقين وجزلين

واضافه تثري بلاشك

تقبلا اعجابي

النادر

[عـسـاه خـيـر]

طاحوس بن محمد وفهيد بن محمد ال عصيدان صح لسانكم قصائد ورديات جزلة لا هنت يا ابو محمد وفي انتظار جديدك يا الشاعر.

[راشد العتل]

صح لسااااااانك بومحمد على الجزله

وصح لسااان طاحوووس

وياهلا ومرحبا فيك بومحمد في مجالس العجمان ولاهان ابن خضير على الدعوه ..

[فهد بن محسن]

الاخ الشاعر

فهيد بن عصيدان

يامرحبا بك ومسهلا في مجالس قبيلة العجمان

ونشكر الاخ بندر بن خضير على دعوتك للمشاركه هنا

والله يحييك والله لايهينه على الدعوه

وصح الله لسانك يابو محمد

وصح الله لسان الشاعر طاحوس على القصيدة الجزله

تحياتي للجميع