بسم الله الرحمن الرحيم
هذا الموضوع منقول من منتدى شبكة قبيلة آل مره
سوف أعرض القصائد التي قيلت في ابن فطيس وعزالله يستاهل الناموس ابو حمد :
وهذه قصيدة الشاعر : عبدالله بن صالح البناء الغفراني المري
بسم الله أبدا وأبدع القيفـــاني= واللـه يعافيني ولا يبلااني
اليوم بدعي ما يشـابه بدعي = متسلطن ٍ جـدا ً علي شيطاني
سلطة طنـا .. ماهيب سلطة خيبه= قلـته .. ويا جعل الردي يفدااني
أعسف شياطيني .. وأداري قولي= من خوف نقاااال الحكي يقفااني
ذي عادتي وإن كان ماهي عاده= اللـه يعاقبني ولا يحماني
ذي عاااادة ٍ وأخذتهاا من ربعـي= واللـه يطول عمـر من رباااني
ربعي هل الطولاااات مابه شـِكـّه= إمزبنين المنكسـر والجااااني
على العدا علقم .. وشر ٍ منـزل= وعلى الرفيق .. أحلى من الوِداني
تشـهد لنا دااااار ٍ عجـز يقربها= لا مسلم العالم .. ولا النصراااااني
آلااااااد مـرّه .. هم عصابة راسي= والصلب يامي .. والفخـذ غفراااني
اليوم يالمرقاااااب أنا متعنصـــر= ومجهز ٍ درعي .. وسرج حصاااااني
من دووون ربعـي لو أقطّع روحي= ما همــّني عرررقي ولا شريااااني
ومن لا احترم ربعـه .. جفوه اصحابه= ومن لاااا يدسـّم شاربـه .. ما بااااااني
كـل ِ وأخـذ حقــّه بوقت ٍ فااااااايت= والشـاهد اللـه .. كلكم إخوااااااااااني
وما دامهاا يالمسلمين إحميـــــّاااا= لا صاح يامي .. تعتــزي نجراااااااني
عجميـّها .. يدخل على ياميهـــاااااا= كل ٍ يقووول : إن المـدى ميداااااااااااااني
اليوم .. يوم إبـن فطيـس المــري= يستـاهل محمد .. رفيع الشــــاني
عزااااااه يا رقمي على الفــاتوووره= ما عـاد لي شــف ٍ على خلاااااااني
ابفصله عشـــان عين محمـــّد= وعشاااان عيـن ٍ تكرررم الاعيااااااااني
أنشهــد إن الاجووودي يستـــاهل= والا العمـر وإن طااااال والله فاااااااااني
يالمنتدى حطـّوا بـِنر لـــ محمـد= من حقي أطلب حقــّي الوحدااااااااااني
حطــوا بـِنر على مقااااااام محمـد= لايـق عليـــه وموقفـه إنسـاني
حطوووه بأعلـى المنتـدى لاهنتوووا= إما بـطيب .. أو بالدراهم عااااااااااااني
حقي على حبيـّب وكل اعضااااااااااءه= تصمييييم واحد لاااايق ومليااااااااااااااني
يستــاهله ذااااك المحيييط الهاااااادي= اللي بوسطــه لولو .. ومرجاااااااني
والخــاتمه صلوا صلااااااة محمـد= والله يقووويكم .. وصح لسااااااااااااااااني
==============================
وهذه قصيدة الشاعر : حمدان المري
تكفون يا آل مرّه كعام المعادين = يا أهل الفخر وأهل السيوف الصقيله
إن ما تكاتفتوا على العسر واللين= في ذمتي إنها وصم عار وفشيله
وأنتم قبيلة عز روس السلاطين= اللي إلى ثقل الحمل ترتكي له
ذ ألحين قوموا يا المطلاليق ذ ألحين= قوموا مع ( إبن فطيس ) بـأية وسيله
محمد ابن فطيس شاعر ملايين= واحد وبلحاله يمثل قبيله
الكل يكتب لـ( أربعه والثلاثين )= ويركي على التصويت ويشد حيله
ويا ( أهل قطر ) تصويتكم يعتبر دين= مثلكم اللي يستحق الجزيله
ويا اهل الجرايد والصحف والعناوين= علم قطر في كف من هو يشيله ؟
إلى لهيتوا عنه ما حن بلاهين= وراه لين يذب راس الطويله
ويا ( أهل الغويبه ) عزوتي في الميادين= يا نصرتي لـأشتب راس الفتيله
إلى اجتمعتم كلكم في الدواوين= كلٍ يصوّت لين يفنى حصيله
حلفت ورب البيت وأخواني اثنين= نرهي على التصويت في كل ليله
( محمد ابن فطيس ) شاعر ملايين= واحد وبلحاله يمثل قبيله
=============================================
وهذه قصيدة الشاعر : علي ال دريميح المري
قواكم الله باهل الطيب بالخير= وش حالكم يالابتي والمعونه
امابعد.باسوق جزل التعابير = من هاجس(ن)مايتفق والمهونه
وكلن دلى دلوه على جمة البير= ورجل(ن)بلا لابه اتشتت اظعونه
ومحمد ابن فطيس في الجبهه امغير= وان كان خلان الرخى يتركونه
فلا اختفو ربع الرخى خير ياطير= مادام ربعه في المواقيف عونه
يبشر بنا ويسوق جزل التباشير= ويرقى بنا العليا ويشهر امتونه
حنى اربوعه في اليال المعاسير= هل ماقف(ن)كل الملأ يعرفونه
يوم الحميا في اتفاق الطوابير= طابورنا يقصر هل الشر دونه
وذلحين ساعة حمد خير وتياسير= فظل(ن)من الي امته يرتجونه
وقد الحميا باتفاق الاشاوير= وربعي كفو والظن مايخلفونه
وتكفون ياربعي ومن دون تأخير= تصويتكم للقرم لاتذخرونه
وترى الهدف ماغير حرف(ن)بتسطير= الى قناة ابو ظبي ترسلونه
لاتحسبون ريال ولاّ دنانير= المال مايخلد لمن يجمعونه
ومن كان في محمد يحسب المخاسير= يالله جعل فقره يحّفر اعيونه
===========================================
وهذه قصيدة الشاعر: فهد بن حمد آل صويليح الهتيلي المري
يا شاعر المليـون مسيـت بالخيـر= برنامجك غطى على كـل الأقمـار
مضمونه اللجنة وصوت الجماهيـر= وعنوانه الميـدان مـا بيـن شعـار
والله فرق بين الهلـل .. والدنانيـر= والفرق واضح لاصبح ايمين ويسار
ومن يبغي المعنى وزيـن التعابيـر= عليه : بابن فطيـس لـراد يختـار
شاعر يفوق الوصف في كل تصوير= وزود ٍ على ذا من هل العرف والكار
ابيه .. وجده من جبـال ٍ مشاهيـر= بياطره وان كـان للشعـر بيطـار
ومتسلسل ٍ من رووس قوم ٍ مناعيـر= تعرف مجانيهـا مواكيـر الأحـرار
صبيان الأبحح .. لا لتقن الطوابيـر= وشبت فتيلتها .. وعج الرمـك ثـار
أبشر بفعل ٍ مثـل فعـل المعاصيـر= يجتث رووس القوم ثم يخمـد النـار
ماقول فيهم : من فعل سالم الزيـر= أقول : بن الزير مـن فعلهـم غـار
تاريخهم يعـرف ولا فيـه تقصيـر= العزوه اللي تكرم الضيـف والجـار
وقدام .. لاختم هاضني تالي عصير= غرون سبى حالي وانا منـه محتـار
واونس بصدري مثل ضرب المناشير= عزي لـبن صويليح كان الزمن جار
رد البرى يابوحمـد وادبـل السيـر= الضيقة اللي مرتك .. جات تكـرار
======================================
وهذه أبيات للشاعر : محمد بن هادي آلـ بخيتـــّه الغفراني المري
اليوم ماهوب يوم اقدع تنفجل= بكره ثلاثاء عقب ذا اليوم الاثنين
أرسل رساله عالاقل ثم توكل= ان كان ماتقدر وترسل ثلاثين
سفيرنا في الشعر قال وتجّمل= ولا بقا الا دورنا يالميامين
الذات تنبذ وأطيب الفعل يندل= ووقت الحميّا حل وأنتم مديحين
أنا أشهد انها فزعتن تلزم الكل= وحنّا لفزعة لابتي مستعدين
===========================
وهذه أبيات للشاعر : ناصر بن عبدا لله آل مرعي الغفراني المري
اللي مايرسل عند ربعه تخجل= لوكان طيبه مايل بالموازين
لوانه من أول عزيزمبجل= اليوم يصبح من حساب الرديين
قلته وفارسنا حشا ماترجل= مادام ربعه كلهم مستعدين
يامرسل الرقمين بالله عجل= ماباقي دون الوعد كون يومين
============================
وهذه أبيات للشاعر : ناصر بن عبيد الودايع
اظغط على ارسال الرساله وسجل = رقم ثلاثه واربعه بس رقمين(34)
واعطيك رقم المستلم لاتعجل = من فضلك ارسلها على الرقم ذلحين
تسع اميه وتسعين رقمٍ مسجل= قدامها سجل اثنين وثمانين(82990)
نفعة بني عم الصبي ماتوجل = من لانفع ذلحين مافاد بعدين
=============================
وهذه أبيات للشاعر : راشد بن عامر ال طفله الفهيدي المري
يامحمد أرقى سنود وماقفك عالي = والله يجملك من فزعة رسايلنا
ولا أنت لو بالقصايد تحتمي التالي= والله ونعم وكفو بك ياممثلنا
والله مادام فالجوال الأرسالي= يالشركه أن تشتكي من كثر ماأرسلنا
=============================
وهذه أبيات للشاعر : ناصر آل مرعي الغفراني المري
يامرحبا عد ماقد هل همالي= بكل منهو على الايميل راسلنا
يستاهل ابوحمد موقفكم الغالي= وانا ترى مفرح قلبي تواصلنا
قصيدكم يالنشاما يشرح البالي = وفزعتكم تعلم اللي كان يجهلنا
ولاهي غريبة على ذربين الافعالي= موقف مشرف لتالينا مع أولنا
مرية لاشتبك رجلي وخيالي = عزي لمنهو نهار الهوش قابلنا
ماهو بهرج نسولف به على الخالي= حنا جمال إلى ثقل الحمل شلنا
=============================
وهذه أبيات للشاعر : هندي بن ناصر ال هندي الغيثاني المري
يستاهل الصوت منهو في العلى العالي = محمد اللي بتمثيله يشرفنا
وفعالنا لاصطفق جالن مع جالي = نقدم على القوم ماوالله تهاونا
مريه انجبت شيخان ورجالي= دزو الرسايل وهذا يوم وقفتنا
===============================
وهذه أبيات للشاعر : ناصر المرعي الغفراني المري
يبشر بعزه عريب العم والخالي = الفارس اللي على الساحة يمثلنا
جاته رسالة ضميري قبل جوالي = يستاهل قلوبنا معها رسايلنا
واللي بخل بالرسالة ماله الوالي = ياجعله الفقر من يبغى تخاذلنا
حييت ياللي بديت بزين الامثالي = ابشر ويبشر وحن نفعل الى قلنا
اترك صبين مهو يفعل الى قالي = لانبغي انعامله ولا يعاملنـــــــا
ومن لانفع في الصغيره يابري حالي = لاكبرت المشكله والله ان يهملنا
هذا اللي قدرت أجمعه لكم وأتمنى التوفيق لــ بن فطيس وصح الله اللسنت الشعار وبيض الله وجيهم على المشاركه وتشجيع ابن عمهم
واللي بقولــــه : تكفون يا ربعي لا تخلون ابن فطيس اليوم يومكم .
18-03-2007, 03:25 PM
العرض العادي
المواضيع المتشابهه
