تغطية شبكة مجالس العجمان لحفل يام في الكويت بمناسبة فوز محمد بن فطيس بشاعر المليون

[ابومحمد الشامري]

السلام عليكم ورحمة الله وبركاته

الاخوة والاخوات اعضاء وزوار شبكة مجالس قبيلة العجمان نقدم لكم تغطية المجالس لحفل قبيلة يام في دولة الكويت والذي اقامه الدكتور عايض بن راشد ال عذبه المري بمناسبة فوز شاعر المليون محمد بن فطيس المري.
حيث اقيم الحفل الليلة يوم الخميس الموافق لتاريخ 22 / 3 / 2007 وحضر ابناء قبيلة يام هذه المناسبة العزيزة على القلوب حيث عمت الفرحة ارجاء دولة الكويت واليكم التغطية.


راعي الحفل الدكتور عايض بن راشد ال عذبه المري

بداية سوف نقدم لقاء قصير مع راعي الحفل الدكتور عايض بن راشد المري:

س: ما هو شعورك يا ابو راشد بفوز يام بشاعر المليون ممثلة بالشاعر محمد بن فطيس المري؟

ج: حقيقة شعور لا يوصف ويعجز اللسان بان نصف هذه الفرحة والحمد الله على هذا النجاح واللي حنا ملكناه ماهو شاعر مليون ولكن لقب ملايين العرب وشبه الجزيرة.

س: ما ذا تقول للجمهور الغفير الذي حضر الحفل للمشاركة بهذه الفرحة؟

ج: أقول بيض الله وجيهكم واشكر قبيلة يام كافة على هذه الفزعه الطيبة اللي ماهيب غريبة عليهم.

س: ماذا تقول لاخوانك في شبكة مجالس العجمان؟

ج: بيض الله وجيهكم على وقفتكم وتغطيتكم للحملة الاعلامية من بداية شاعر المليون حتى الان ، ولهم مني كل الشكر والتقدير والله يعطيهم العافيه على وقفتهم المشرفة في ذا الليلة اللي اشبه بالعرس.


الشاعر طلب رداد الظفيري
كلمة الشاعر طلب بن رداد الظفيري:

ابارك ليام وال مره عامة وال فطيس خاصة بفوز الشاعر الكبير محمد بن فطيس وهو ما يمثل يام بل يمثل كل متذوقين الشعر وهو ليس شاعر المليون بل شاعر المليار.
وقد جئت لكي اشارك يام فرحتها ونقل تحيات الشيخ فيصل بن سويط امير قبيلة الظفير ليام كافة ويبارك ليام ولابن فطيس بفوزه بشاعر المليون وختم بهذه الابيات فقال:

قبيلة ٍ ينسب لها محمد فطيس=ترفع لها عقل الرجال الأصيلة
تلبس مفاخر وإتعشى نواميس=لهاذي ولدها حيها من قبيلـة

وهاذي قصيدة طلب رداد الظفيري:

أحـــد ٍ ورا.. جمع الملايين يجري = وأحد ٍ تجي له للشليل وحذفها
رغم إنها أجمل من البيض تغري = غاية ملايين القلوب وهدفها
الله يا هي بأوسط الدم تسري = عند البخيل وكادح ٍ ماعرفها
من شم ريحتها بها حيل يدري = تأسر قلوب البشر وتعسفها
دوّرت لين إنه نضب كل حبري = عن شخص زاره طيفها.. ولاغترفها
أمشي وأدوّر وأسأل وطال صبري = حتى لقيت اللي تبوأ.. شرفها
حر ٍ أصيل.. وللجمالات يشري = فاز بشرفها وفي دقيقه صرفها
يبقى على بال الملايين يطري = محمد بن فطيس مقدم سلفها

قصائد قيلت في الحفل :

قصيدة الشاعر ذيب بن راشد الذيب :

الضاعني غنى بحلو ألحانه= مثايلٍ من فكرته وإلسانه
مثايلٍ يطرب لها المتذوق=تدخل بقلب المستمع وآذانه
مثايلٍ تبقى لجيلٍ قادم= همزة وصل تربطه مع جدانه
أغوص في بحرٍ عميقٍ هيره= وأجيب من لولوّه ومرجانه
أعرف بحوره زين وأميزها= غير البحور أجيد كل ألوانه
إليا سريت أسري على مسحوبه= وإليا سرحت أجرها هيجانه
ولي مع المنكوس باعٍ طايل= اللون ذا بالذات حن خلانه
أما التّرمل والحداء مفهومه= ذا كارنا لامن رقص شيطانه
ومنهج نمر عندي وانا بيطاره=القلب بيته والصدر بركانه
أما الهلالي لو يطول أو يقصر= أهندسه وأتعب على بنيانه
أكيد أنا محسوب ضمن الخمسه= لكن مع أولهم أنا لي خانه
أغوص في بحر المعرفه وأنتج=إبيوت شعرٍ كلها رنانه
لامن وقفت بموقفٍ له هيبه=لاجاتك إبيوتي تجي مليانه
زكوني إربوعي وأنا شاعرهم= والحر ما ينهض بلا جنحانه
قدمت نفسي نايب وزكوني=عند الشيوخ وعند كل العانه
من الكويت الغاليه للوادي= وأجنبي لنجران للكرعانه
ربعي مواقفهم إتشوّش راسي= يطرب لهم فكري وأهد إعنانه
ياميةٍ يردون لحياض الوغى=ما اقول قول الا على برهانه
كم زوجوا بأفعالهم من شينه= في عين خاطبها تجي فتانه
ياتي ولدها في الرجال إميز= مثل القمر لاجاك وسط أقرانه
أكبر دليل ان الدويشِ فيصل= من طيبنا غطى على عمانه
حنا سلاطين المجالس حنا= حنا رحاة للعدا طحّانه
يوم الحرايب في الحسا شعّاله= حنا هزمنا الترك في ميدانه
دستورنا ذبح الجبان الخاين= ما اهتزت له ذباحه وإدفانه
يامن بنا الخايف ونمّن خوفه= يامن بنا غصبٍ على عدوانه
سقنا بحد السيف غصب وقوه=قمت سنام المجد حن عنوانه
يعيش الضعيف والقصير بضفنا= بوقتٍ كثير الناس به هلكانه
من كان عنده شك يرجع للورا= ويشوف تاريخ الامم بعيانه
هذا كلام الصدق ياهل الذمه= قبل أنطقه موزون في ميزانه
ماهوب كلام إشويعر متغطرس= البيت ما يبنى بلا عمدانه
ما أذم وافي الخصايل لِلّه= كلن على حقه رفيع شانه
كلن على حده وانا لي حدي= كلن يحد القوم من حدانه
الزود كثره نقص مابه شكه= مانيب من اللي يرخص لحصانه
أرجو المعذره يا النشاما منكم= شاعر(ن) وأمثل لابةٍ بطرانه

قصيدة محمد بن مانع بن شلحاط في الحفل زودها بنا الشاعر مشكورا:

بأسم من يسند عليه الأعتماد=جل شان الفرد ذو العرش المجيد
ابتدي بأسمه وانا مشيي إحياد=مأتنقى فالكلام الا الفريد
اتحاشى الهرج واخشى الانتقاد=لين اوردها على منهج لديد
والسلام يفوحبه ريحة قناد=فأحتفال ٍ بهجته فرحات عيد
عند ابن شليل يجمعنا الوداد=وكل ناموسن خذينا فيه ميد
ياقبايل يام يزهانا الشداد=وبأسم يام يلين فولاذ الحديد
كل دارن جالنا فيها مراد=فالزمن هاذا وفالعصر التليد
حن حمول الجيش وسروج الجياد=انتسلطن في اصطفاق ام العبيد
وحن هل الابل يوم حزات الطراد=نحتميها لانكْل ولانبيد
نحكم الصحراء فحزات البراد=والنذر لوزاد مايطرى الشديد
وان خذانا الزود غثينا البلاد=ثم حكمنا المدن وامات الجريد
ماعلينا من رشيد ولا رشاد=نشبه الي تلتهب هل من مزيد
ان هدينا ضلنا ملحً وزاد=وان غضبنا باسنا باسن شديد
المرظف لاحكم فالقوم ساد=واخو لجعه ماعلى عزوته سيد
نوخو نعرات منْحّل القياد=وانّصغو هومات اهل الارياء بقيد
وان طغى يايام موقفنا وزاد=جمعنا من حد نجران ٍ يزيد
وجمعنا فالصبح ولا فالهجاد=يطحن الدنيا بخف ٍ مايهيد
ترفع البيضا بذكرن مايباد=من عصر حمدي . الى عبدالحميد
كاتب التاريخ دوّن بالمداد=لين لقّنْ بأسمنا القلب البليد
يام معناها : المشوك والزناد=والبيارق : سلمت من أيد لأيد
يام معناها : الشموخ الا وكاد=والبيارق : ركزت في كل حيد
يام معناها : التميز والرشاد=والبيارق : طيلة العمر المديد
يام معناها : العلو والانفراد=والبيارق : من حفيد الى حفيد
وليلنا ذا اليل من ظمن العياد=ناخذ البيرق لنا بأسم القصيد
بيض الله وجه من وقف واشاد=بالكلام الي بني عمه تريد
اثبت انه من بنو شكله استاد=بالثقافه . والرزانه . والنشيد
والمعرفه . والاساليب الجداد=مرجعيه . وبرفيسور . وعميد
ابن فطيس احيا مشاعرنا .وفاد=ناس من شعارها ماتستفيد
فوق يامحمد وللعليا جواد=غير شعرك فعلك الطيب يزيد
بيرق اكبر روس ياطير الهداد=هات غيره تشبح للجدبد

ولقد شارك الشاعر فلاح بن حذيان ايضا بقصيدة في الحفل فقال:

اما كذا ولا اعتزال=إمن القصايد والقصيد
يالي تدور للجزال=فرايد الفكر الفريد
الشعر عندي ارتجال=مانيب اعدلها وعيد
ارقى على روس الجبال=وعن الجزاله مانحيد
النصرو صعباً فالمنال=الا على البأس العنيد
دارت رحاها والرجال=اتبان فالوقت الشديد
لادقة طبول القتال=نفرح وكن اليوم عيد
انطوع الصعب المحال=من ظربنا نفري الحديد
ثنتين مافيها جدال=يالموت يالنصر الاكيد
ياميتن على العيّال=لاعال ماله من شريد
وقتن مضا ولا نزال=افعالنا اكبر رصيد
وفي وقتنا الحالي مثال=اقوله وعقلي رشيد
ابوحمد حقق محال=ويامن ولدها مايحيد
عدى على روس الرجال=الين جاب الي يريد
بيرق شواهيق الجزال=جابه وانا اكرر واعيد
اما كذا ولا اعتزال=إمن القصايد والقصيد

قصيدة الشاعر : بدر بن حمد آل مخلص اليامي:

على الله توكلنا على مضمرات العيس=وعلى الله نحث نفوسنا والفخر قدام
شباب وشيبان وغزايه وفريس=بالإسلام والإ قبل ما يأتي الإسلام
سلاطين يام دون قصر الفخر حريس=برمح ٍ وخيل وجيش ومصقل وحسام
لنا ساس ما يحتاج رفعه ولا تاسيس=ركونه على روس زعما وانهوت حكام
مثبت وعزة وقمته فوق صنن ابليس=جذوره بالأرض وهامته للسحاب خطام
بنوه الجدود موسعين الحدود وليس=هناك أي داعي للهزيمة والاستسلام
حن اصل الحمية والمواقف وليه نقيس=مافيه احد قد التحدي ولا الأقدام
رفع روسنا في الوقفة محمد بن فطيس=وعلي الطلاق ان آل مرة إتنومس يام
بني عمنا اللي يقدسون الظفر تقديس=لهم فوق مشراف النقي مركز وخيام
مدارس رجال درسوا نسلهم تدريس=على الفزعة اللي تجعل المعتدين تظام
هم اللابه اللي كرسوا جهدهم تكريس=يلين اصبح المجد لسلاطين يام حزام
وفي الختم قولوا ترفع البيض لبن فطيس=راع الوقفة اللي جملت صلب جدي يام

قصيدة الشاعر : جابر بن عامر المري:

بارك الله صبي جابها=ذى طبيعه مدامه صلب يام
والصحيفة قريت كتابها=والغمامه تسوث لنا غمام
اعتلى فوق ثم غنابها=مثل حر ٍ على المشراف حام
اشهدنك جنيت اتعابها=لين جاتك تخطى بنتظام
ثم وقف قال أنا خطابها=يوم هزه على العذرا هيام
نقشت بالكفوف خضابها=من غلانه تطوح باللثام
ليله ٍ غردت بصحابها=كلهم يستحقون الوسام
ليله ٍ حاسبين حسابها=وأنتم الدرع في يوم الزحام
من حضر سد عن غيابها=مرحبا عد همال الغمام

قصيدة الشاعر سعد بن سريع الهاجري :

شالجديد بفوزكم ذا يا خوالي=من قديم الوقت وانتم فايزينا
ياحرارن عشقكم كسب المعالي=ما شبك مخلابكم غير السمينا
كاسبين الطيب بالماضي وتالي=متعبين اللي ينافسكم سنينا
ياغريرن تنطح الشم العوالي=لا تداحم صاحب الجنب المتينا
فالختام أقول لا جالي مجالي=لو يلين الصب "يامن" ما تلينا

قصيدة الشاعر : سالم بن عيد بن الرتيبان العجمي:

هاض القصيد وجبت للشعر عنوان= شعرن جديد (ن)ينكتب بالدواوين
لاهان منهو صوت اليوم لاهان= للشاعر ابن الشاعر ابن السلاطين
كفه على مد الجزيلات برهان = ماهمه اقروش ورصيد وملاين
خمسمية الفن روحة صوب يتمان= وخمسمية الفن روحت للمعاقين
يمحمد ابن افطيس ذى العلم نيشان= يذكر على لسان العباد المصلين
والبيرق الي حامله ذرب الايمان = كنها بيارقنا لجونا المعادين
للخيل فرسانن ولضد شجعان = وسيوفنا تشهد عليها الميادين
وختامها مني تحيه وعرفان= على القبايل عد نبت الرياحين

مقر الحفل


شعار من الحفل على سيارات الجمهور


بيرق شاعر المليون الذي صممه ابناء قبيلة يام خفاقا في الحفل


ابن لواء المري يلقي كلمة في الحفل


صفوف العرضة






حمد بن مبخوت ال جرابعة المري بين صفوف العرضة




خالد بن مدعث ال حبيش يلعب بين الصفوف

الصغار اصروا في دخول الملعبة
( خالد بن مدعث مع حسين بن مانع بن شلحاط )

[ابومحمد الشامري]

راعي الحفل الدكتور عايض بن راشد ال عذبه المري


راعي الحفل ورقصة بالسيف


زامل الوعلة في دخوله للحفل








راعي الحفل يستقبل الزامل مع كبار ال مره


شاعر الزامل يلقي القصيدة




عبد الرحمن بن علي ال فاضل ال عذبه مشاركا في الحفل

[ابومحمد الشامري]

فاضل بن علي ال فاضل ال عذبه مشاركا في الحفل


من اليمين فالح بن خميّس بن عسكر ال ضاعن والشاعر طلب رداد الظفيري و محمد بن خميّس بن عسكر ال ضاعن وراشد بن رحيان ال ضاعن


كبار ال عذبه




متعب المري وابتسامة لعدسة شبكة مجالس العجمان




من اليمين ناصر بن محمد بن خميّس العسكر واخيه خالد


من اليمين مشعل بن نباش ال شامر وابيه فهد بن نباش


من اليمين الدكتورالرويس ال مشعل ال غفران المري والدكتور حمد بن علي ال عبيد ال غفران المري

[ابومحمد الشامري]

من يسار الصورة جابر الكريبي المري مع جمهور الحفل


عريف الحفل عليان بن صالح المري وبجانبه راعي الحفل اثناء القاء كلمة الحفل.







لافتة مجالس ال مره في الحفل


رئيس تغطية حفل يام مترك العمره الشامري ممثل ادارة شبكة مجالس العجمان


مترك العمره متوسطا ابناء ال مشعل الغفران

مع تحيات
ادراة شبكة مجالس العجمان

[العنود بنت تركي]

والله يستاهل المحيط الهادي

يعطيك العافيه يابو حمد

وسلمت يمناك

وعساك عالقوه

[مهرة النسيان]

لا اله الا الله ,,,
وش ذا التغطيه الاكثر من رائعه ,,
شي يثلج الصدر بصراحه شوف الفرح يعم الجميع في هالعرس الحقيقي للشعر’’
ولاهان الدكتور عايض والله يقويه
واما تغطيه المجالس بصراحه كن حن في قلب الحدث,,
شي رائع ولاهوب غريب على اخواننا في الكويت ,,
والله زاد حبي للكويت ,,
وماقصرت بوحمد على هذه التغطيه المميزة فعلاااااا
يسعدني ان اكون اول من مر من هنا ..

[المرزوقي]

مااااااشاء الله


باااارك الله فييكم يالادااره على هالتغطييه الطييبه

ويستااهل ابن فطيس الفوز والف مبروووك له ولكافة ياام

وماقصر الدكتور عايض بهالحفل الطيب


تحيتي لك يابوحمد ولاهنت

[G3.KuT]

مشكورين على التفاعل والتبادل
ويستاهل الزين كله ابن فطيس

لمركز الاول

ولتوفيق له دايما
وسلام وحب واخلاص

[راعي الحرشاء]

بيض الله وجهك يا ابو حمد على التغطية الرائعة تسلم يا القرم

[محسن بن فطيس]

ابو حمد الشامري


بيّض الله وجهك على مجهودك الجبار وعلى التغطيه الشامله

نقلت لنا الصوره وكأننا نعيش وسط الحدث



تحياتي لك واحترامي