قصيدة ابن فطيس الأخيرة ((بعض العرب))

[عبدالله آل عامر]

رابط التحميل

بعض العرب حبـه يـوردك الجنـون=ولا يوصف لـه غـلاه احكـاك لـه
الموت جـاك وهـو تقلبـه الضنـون=ولا لك الا الصبر....وش وداك لـه؟
ان قلت ضايق..قال : هونهـا تهـون=مايدري ان ضيقتك لـه وبكـاك لـه
تقعد تحبـه وانـت ساكـت ومغبـون=يمكن بيوم يقال لـه مـا اوفـاك لـه
وكانك مشكك هو يمون .. او ما يمون=تخيّل ان عفـت الصبـر فرقـاك لـه
غلاه من فـوق الغـلا ماهـو بـدون=وحكاه سمعك يجبـرك بارخـاك لـه
ودك تحطـه فالعيـون مـن العيـون=وتبسط على رمضى الثرا يمنـاك لـه
وتظله من الشمس فـي ظـل الجفـون=ولا يمـر اذنـه سـوا لـبـاك لــه
وتسج مـن غيـره لونهـم يذكـرون=ومنين ما سجـت القـدم ممشـاك لـه
فلو ٍ يميلـه التـرف ميـل الغصـون=غصن ٍ ليـان ومكرمـه بسقـاك لـه
جديله الى اقفـى ستـر منـه المتـون=كنّـي بريحـه لالتفـت لدعـاك لـه
يزها الملابس ..اي لبس ..واي لـون=وفالليل وجهـه لا ظهـر قـداك لـه
كيك وعسل لكن ماهو فـي صحـون=ودعاك من عين الحسود اغطـاك لـه
الله لا يعطيـه نـاس س ينضـلـون=ويستر عليـه مـن النحـل لا ياكلـه
الوصف والتعبير في وصفـه يخـون=غير اطلب الله يستجيـب ادعـاك لـه
وعذال قلبـك فـي محبتـه يخسـون=سكينهـم عـن قطـع حبلـه حاكلـه
اللـي مـن لحـوم الاوادم ياكـلـون=وحلوقهـم دافـع الـبـلا متواكـلـه
ناس ٍ عن اعراض العرب ما يعرضون=ودايم علـى نفـس الشكـل والشاكلـه
فـي سلمهـم اولا بالاكـل الاقربـون=واطيبهم اللـي صيدتـه شكـواك لـه
يدعيهـم الشيطـان للذنـب ويجـون=هـذا يقـطـع لــه وذاك يواكـلـه
يا جعلهم فـدوة ثـر الغـض الفتـون=اللي على الدرب الطويل اخطـاك لـه
طيفه الى نـام البشـر زارك بهـون=وطيفك الى نـام البشـر سـرّاك لـه
حبه دفان ومقبـرة خضـر الطعـون=بيـن العظـام العـوج كنـك ناكلـه
اللي كـذا حبـه لـو تمـوت مغبـون=ولا لك الا الصبـر .. وش وداك لـه

[(الديحاني)]

عبدالله ال عامر ..


مشكور علي القصيده ..

ابن فطيس يستاهل ملايين ...

وانت تستاهل الشكر والعرفاان ....

[عبدالله آل عامر]

العفو وتستاهل الطيب أخ نصراوي

تسلم على المرور

[عيووشه]

رووعه هالقصيده

خياال والله

كل الشكر لكم

[عبدالله آل عامر]

العفو يا أخت عيووشه وتسلمين على المرور

[ولد السناعيس]

القصيده وراعيها مافيهم حيله

ربي يوووفقه .. أن شااء الله ..

وياعل المليوون فااله

لاهنت يالشيخ

[عبدالله آل عامر]

ولانت يا ولد السناعيس وبيض الله وجهك على الدعوة الطيبة

[مسفر مبارك]

بيض الله وجهك يا عبد الله

[عبدالله آل عامر]

ووجه يا مسفر

تسلم على المرور الطيب

[مزعلة النساء]

عبدالله ال عامر

لاهنت على اختيارك قصيدة المحيط الهادي الأخيره..

فعلاً امتعتنا فيها..لاهنت..

صح لسان الشاعر الكبير وشاعر المليون شاعر..

ابن فطيس..

ارقااا سنود يا ابن فطيس..

التصويت جاري وبكثافه..

كل الشكر لــ / لشخصك الكريم

كُن بخير