الشاعر البركان الثاير .. تفضل ولاتهون

[فهد بن محسن]

الاخ الشاعر

البركان الثاير

اسعد الله اوقاتك بكل خير .. واسعد الله اوقات الجميع بكل خير

ودنا ناخذ معك شوط قصير طال عمرك .. قبل مانغيب عنكم فترة قصيرة ان شا الله


استلم طال عمرك

الوضع مزري وظن الوضع متدهور = وما الوم انا صاحبي البركان لاثور
وحسبي على اللي يخلي دمك يفور = والراس مرفوووع والرايات مرفوووعه

سلام الله على البركان لاثور على الشعار = ليا منه حظر في الملعبه تاقف جماهيره
وليا منه نواهم حطهم مابين غار ونار = عسى الله يكفي بشره عسى الله ياتي بخيره

تحياتي لكم

[ابو جابر المري]

يا سلام يا ابن محسن على ذا الطاروق انا بصفك من ذا الحين طال عمرك

[سعود الضاعني]

صح لسانك يا فهد بن محسن على ذا الابيات الجزلة وانا متابع لك طال عمرك ولا يهون البركان الثائر.

[البركان الثائر]

هلا بك وحياك الله لا هنت واستلم

الوضع طيّب وكل الناس مخبوره=واللاش يا صاحبي ما يعتبر شوره
لكن يبغي علي سطح القمر دوره=والراس مرفوع والرايات مرفوعه
هلا يا مرحبا البركان توّه يا فهد ما ثار=هلا بالشاعر اللي تعجب السامع تعابيره
عداك اللوم يا الطيّب وربعك يكرمون الجار=وحقك ما غدي له يا فهد لو حبّة أشعيره

[البركان الثائر]

ابو جابر المري لا هنت

[البركان الثائر]

ابن عجيمه الضاعني
لا هنت

[فهد بن محسن]

مرحبا ومسهلا يالبركان

استلم لاهنت

الناس راحت على ماقيل طرطاقي = ياجعل ربي يعوضني على الباقي
ولا انت شاعر وشعرك دايمٍ راقي = والراس مرفوع والريات مرفوعه

عسى الله ينصر المسلم عسى الله يدحر الكفار= وكني شفت انا الشيطان يضرب في مزاميره
تراك انته مهاجر ياولد وانا من الانصار = لزوم احشمك ..واقدرك.. يارجل في الديره

تحياتي لكم

[فهد بن محسن]

الاخ \ ابو جابر المري


الاخ \ ابن عجيمه ضاعني


الله لايهينكم على المتابعه ,, وتشكرون كل الشكر

تحياتي لكم

[البركان الثائر]

لا هنت يا فهد

راشد يقول الصبي وأن طاب من خاله=يا فهد هاذاك فنجالي وفنجاله
والبحر موجه يبي يصفق علي جاله=والراس مرفوع والرايات مرفوعه

تهيّض يا فهد وأقرب من الدله وشب النار=وطيري لا طلع للصيد محد(ن) قاضب(ن) سيره
ولو حنا تحالفنا ترانا نحكم الأشوار=تري الطيّب يقولون العرب يكرم مساييره

[جزيل العطا]

الله لا يهينك يا فهد بن محسن
والله لا يهينك يا البركان الثاير
وننتظر منكم المزيد