ياصغير السن قدرك طاحت أبراجه=الجرح خلى الصخر ينطق ونطقني
خلاص ماعاد تعني لي ولا حاجة=رح.. جعل ربي يوفقك ويوفقني
من بعد ماكنت نور القلب وسراجه=اليوم صرت الظلام اللي يطوقني
عطيتك أكثر من اللي كنت تحتاجه=أسرفت فـ ( الحب) ..لين الحب وهقني
خلاص.. مالي ومال الحب وإزعاجه=مالي ومال الدروب اللي تضايقني
تعبت اضم البحر واهدِّي أمواجه=تعبت أجامل و أشوف الوقت يسرقني
شكواي ل(اللي) عليه الضيق و إفراجه=اللي إذا شاء.. يرحمني ويرزقني
أما أنت يابو جبينٍ عقَّد حجاجه =لاعاد تسأل: علامك ما أنت طايقني
الناس كلٍ على دربه ومنهاجه=وأنا عن الناس مابه شي يفرقني
إلا أني أحب الصدق وأواجه=مخلوق والله على هالوضع خالقني
حتى رفيقي ضماد القلب وعلاجه=على كثر ما أتمسك فيه صدقني
لو أدري إنه مرافقني على حاجه=لـ (مسكه) حاجته.. وأقول : فارقني
الشاعـــر
فهد المساعــــد