قصيدة الســديــري : لعل قصرن مايجي له ظلالي

[ناصر الحطيم]

ياما هفابة من رجال مـدالي=ماكنهم ركبوا على قب الافراس
ولا قلطوهن صم الرمك للتوالي=كلن يبي من زايد الفعل نوماس
اخذت اعد ايامها والليالي=دنيا تقلب ماعرفنا لها قياس
المستريح الي من الهم خالي=ماهو بلجات الهواجيس غطاس
ماهو بمثلي مشكلاتة إجلالي=ازريت اسجلهن بحبر وقرطاس
حملي ثقيل وشايلة بإحتمالي=واصبر على مر الليالي والاتعاس
وارسي كما ترسي رواسي الجبالي=ولايشتكي ضلعن عليه القدم داس
يابجاد شب الضور وادن الدلالي=واحمس لنا يابجاد مايقعد الراس
وصبة ومدة ياكريم السبالي=يجذب لنا ربعن على اوكار جلاس
لاخاب ضني بالرفيق الموالي=مالي مشارية على نايد الناس
لعل قصرن مايجي له ظلالي=ينهد من عالي مبانية للساس

وســـلامتكم
قصيدة الســـديــري

[سعود الفيصل]

صح لسانك ولسان شاعرها
ولله درك يا الحطيم
ابدعت فيما نقلت
لاهنت يا الغالي وتقبل مروري
اخوووووووووووووك
سعود الفيصل

[ناصر الحطيم]

ولانت .. والله يعطيك العافية على المرور عزيز وغالي

[محمد الشامري]

الحطيم

صح الله لسانك ولسان شاعرها

قصيده تعتبر علامه من علامات الشعر

رائعه من رائع وناقلها اروع

لاهنت لاهنت ولاتحرمنا مثيلاتها يالسنافي