تـــــاك البيـــــر

[مانع الهميمي]

بسم الله الرحمن الرحيم


هذه آخر قصيدة كتبتها أتمنا أن تنال إعجابكم ورضاكم ، وكذلك أدعوكم لمتابعة جديدي عبر مجلة جـــــواهـــــر الإماراتية


ألا يالحمام اللي على جال تاك
البير
هنيك تغني من طرب ما انت
مجروحي

إلى أوحيت صوتك في عيوني الدموع تحير
ومن جور مابي قمت أجاريك
وآنوحي

دخيلك تكف غناك لا لا جزيت
بخير
وأنا خابر ن مالك بذا الطرق
مصلوحي

هنيل إلى ضاقت عليك الوساع
تطير
تفل الجناح أووين ما ودك
تروحي

وهني الذي يارد على جال تاك
البير
ويصدر ولكن شامت القوم ما
يوحي

يداوي جروح ن مبطيه مالها
تبرير
ودمها بسيف البعد والبين
مسفوحي

وياخذ مع اللي حولها سالفة
ويسير
لو إنه غدا صوته من البعد
مبحوحي

فلا ادري وش أبلغ ما يوفيه من
تعبير
سوى كل منا يكشف السر
ويبوحي

وإذا شفتني جالس وغرقان فـــ
التفكير
وبرق الحزن والهم بعيوني
يلوحي

ترى الناس في وادي وانا وسط واد ن
غير
بجسمي معاهم مير مع صاحبي
روحي

خذاها وروح من مقيله مراح
الطير
وقفا ولا بعد المقفــين
مربوحي

الشاعر/مـــــانع الهــــميـــمـــي

الريـــــاض

[مانع الهميمي]

صحت أبدانكم مقدمآ

[ناثرة الورد]

{ ابهرتنا بروعة ما تقدمه لنا ..

دمت ودام قلمكـ لا يكتب الا ما هو رائع دومـا ~

[الغروب]

‏مانع الهميمي

اشكرك على القصيدة الرائعة

ننتظر جديدك

لك تقديري.

[مانع الهميمي]

لا شكر ع واجب

أشر لك مرورك لا هنت

[بندر العجمي]

دخيلك تكف غناك لا لا جزيت بخير = وأنا خابر ن مالك بذا الطرق مصلوحي

هنيل إلى ضاقت عليك الوساع تطير = تفل الجناح أووين ما ودك = تروحي

وهني الذي يارد على جال تاك البير = ويصدر ولكن شامت القوم ما يوحي



ياسلااااااااااااااااااااااااااااااااام



ياسلاااااااااااااااااااااااااااااااااام





مانع الهميمي




صح الله لسانك والله لايشينك




قصيده جزززززززززززززله لشاااااااااااعر جزل وابدعت وبانتظارك دايم





اخيكـ

[مانع الهميمي]

لا هنت أخوي بندر

إنشالله بس تسمح الظروف بتواصلي مع هالصرح وجمهوره

[مانع الهميمي]

لا هنتوا إخواني أخواتي عالردود

[صاحب الكابرس]

صح الله لسانك

[مترك العمره]

شاعرنا القدير

يامرحبا والله ومسهلا

سعيدين بتواجدك العطر والعذب

وصح الله السانك على هذي الجزله التي عانقة سماء الابداع بمفرداتها العذبه

لله درك

ننتظر المزيد من هذا الون الجميل

تحياتي لك وتقديري