قصيدة مانع بن زريق العجمي.. في خواله الدواسر

[دوسري واغلي يام]

بسم الله الرحمن الرحيم


يقول :

تغنيت باسم اعجيم جدي وجـدي يـام = ومن ديرة الدامر بسـوق القـدم يمـه
الى وادي العود الفحل دوسر الضرغـام = راع الوادي المسمى مهو وادي الرّمـه
ظنا زايد وتغلب اتحط العلـوم اقسـام = كلام عليـه الحلـف والنـذر والذمـه
تعنا الشريف لدارهـم معتليـه اعـرام = وردت عزاويـه بعـد جورهـم ياامـه
تعدا القبايـل ساكنـه يبتحـص قـدام = وبعد ماوصلهم قصوا اشنابـه وكمـه
فهم مزبن الساطي وهم ملتجا المنضام = وهم فزعة المضهود هم نقـوة الامـه
وهم ملتقا الهاشل وهم نصرة الاسـلام = وهم مدت المحتاج هـم للخـوي دمـه
وهم حكمة المجلس وهم عزوة الزهـام = وهم ضحكة الحجان هم للعـدو غمـه
وصاة الرسول ابجارهم طبقت باحكـام = وكنه يخص الدوسـري خيـرة الامـه
يسوقون جار البيت لو صابته الاسهام = ويدله غريب الـدار معهـم ولا همـه
ووسم العصا ما احدٍ سبقهم عليه اشمام = اهنا الفرق يااللي تحفظ العلم واتضمـه
هل البل حماة الغرس لو ركزت الاعلام = حما دارهـم لوجّـرت الضـد ملتمـه
أبمدح الدواسر شرهتي تلحـق الاقـلام = وحبرك أبمدح الدوسري ياقلـم شمـه
يفوح العطر بكتابتك مع صبا الانسـام = هل المدح لهم المدح واللاش له ذّمـه
سلامي لديرتهم واهلهـا سـلام اهيـام = تحيات مشتاق اللقـاء طـاوي العّمـه

وسلامتكم ومن غير قصور في باقي القبايل
منقول

[عجميه الرس]

دوسري واغلي يام



صح لسان قايلها وسلمت يد ناقلها

[ابوراشد]

لاهنت يالدوسرى على الموضوع الطيب وتستاهلون المدح وصح لسان قايلها

[فهد بن محسن]

لاهنت يالدوسري على نقل هذه القصيده

وصح الله لسان ابن شلحاط

تحياتي لك

[الوافـي]

لاهنت يا الدوسري على نقل القصيده
وتستاهلون المدح

وصح لسان مانع بن شلحاط

تـقبل تـحياتـي

[دوسري واغلي يام]

اررررررررررررحبوووووووووووواااا

وماعليكم زود يالقروم وصح الله ابدانكم ولاهنتوا على الرد

[بدر العرجاني]

صح الله لسان مانع وسلمت يمين ناقلها

وقصيدة جزلة راحت لناس يستاهلونها

[عبدالله آل عامر]

صح لسان الشاعر مانع بن شلحاط

ويستاهلون المدح صبيان زايد

لاهنت يالدوسري وصحت يمينك على النقل

تحياتي لك؛؛؛؛؛؛؛؛؛؛؛؛؛

[محمد الشامري]

يستاهلووون المدح آلالاد زااااايد

صح الله لسانك يا الدوسري ولسان شاعرها ابن شلحاط

ولاهنت على النقل

قصيده وافيه في وافيين