الححبَ فيضَ صدور والشوقٌ ديرَهَ , #

[مانع الوعيلي]

الحب فيض صدور والشوق ديره
...................................... والقلب من جور المقادير محروق



كثر الأماني والليال القصيره
...................................... تعيشك في ضنك وتموت مخنوق



قالوا تحب وقلت للحب سيره
...................................... قالوا تعب ما بين عاشق ومعشوق



قلت التعب يحتاج صبر وبصيره
...................................... ولولا التعب ما حصلوا للهنا ذوق



وأنا هويت اللي بحبي جديره
...................................... ماهي على ما قيل من طارف السوق



في عينها سر البحور الغزيره
...................................... وفي خدها وهاج رعاد وبروق



ماهي صغيره بس ماهي كبيره
...................................... أصغر من التعظيم وأكبر من الذوق



وماهي طويله بس ماهي قصيره
...................................... مقعادها وقفة صغيره وغرنوق



وماهي بأميره الا ويش الأميره
...................................... تعيش بين الناس لكنها فوق



صحيح مطنوخه ومليارديره
...................................... وتسكن في أرقى حي واملاكها طوق



لكن تواضعها تواضع فقيره
...................................... على الأقل تقدر الحب والشوق



لو خيروني في بنات الجزيره
...................................... ما أخترت غير اللي كوتني على العوق



زينه وبنت شيوخ قوم ستيره
...................................... ياما اتلفت من زينها كل معلوق



وجدي عليها وجد من ضاع طيره
...................................... لا رده (المربا) ولا رده سبوق



صدقت قولت ما ورا الحب خيره
...................................... وكذبت قولت كل مطرود ملحوق



غيري عشق مخلوق من شان ديره
...................................... وأنا أعشق ديره علشان مخلوق




الشاعر
حمدان المري

[قمة طويق]

الله الله ,,,
شهآدتي في حمدآن مجروحه منذُ مبطي ,,,
الف شكر وتقدير لك خيووو ,,,

[عذاااب]

واااااااااااااااااااااااو روعه ... يسلموو يامانع على النقل

[مانع الوعيلي]

قمة طويق
عذاااااب
لاهنتوا على المرور الرائع ويعطيكم الف عاااااافية