بالصوت ( وبران ال كليب ) من معقله بقطر

[راكان اليامي]

اترككم مع هذه القصيده
وبران ال كليب
فك الله سجنه من سجون قطر

يامراديم السحايب عل روس القلاع = علمي منهو فقدني بعلمي علميه
وانت ياهم كتمته بصدري لين شاع = هم وقت عند هاجس قصيدي باشتكيه
دك ليل الياس ياصاحبي لين الشعاع = ينطحك نور يبشر بصبح مقتفيه
سر من فكري ذلول تسام ولاتباع = ماقناها قوي شيخ تورثها النبيه
سرها وفجوج ربي على الضايق وساع = الفجوج اللي ماضاقت على غير السفيه
سرها للي تساءل عن امر الانقطاع = وقله اني سقت عقب البطا عذر وجيه
غبت لكن غبت مجبور واشتد النزاع = بين عقل يحتويني وقلب نحتويه
عذري ان الوقت شيخ الي جوّب يطاع = وان حكم حمكه بلا ليه يمشي يقول ليه
ليه مايمشي وحكمه غدا في ارض مطاع = مثل فرض الثار لاخ غزا في ثار اخيه
وقتنا اللي غصب لاقال نحسن الاستماع = وان طلبنا العهد شفناه له عهد نزيه
بعد ماكنا نسومه شرى فينا وباع = وبعد ماهويرتجينا غدينا نرتجيه
الين خلى البشت يومي على كتف الرعاع = والقبور تضيع من طيب سمحين الوجيه
وقله انه مايضيق على صدر الشجاع = كون دبارة رفيقه وموتة والديه
وقله اني باتوجد توجاد يذاع = لين يذكرني المغفل وينساني النبيه
ياوجودي وجد من ساق رجله للضياع = لين وصلت به على جال عد مايبيه
وياوجودي من ضيّعه وقته وضاع = بين حلم ماتحقق وحظ لك عليه
وياوجودي وجد من مد كفه للوداع = والوداع اقسى على النفس من سوم الوجيه
ودع ربوعه وقاعه وبدلها بقاع = قاع قوم مايبيها وهي ماهي تبيه
يرتكي لحمول كتفه بقدر المستطاع = ويتعجب من زمانه على ماصار فيه
عقب ماهو ينطح القوم ويعشي الجياع = والجمايل عند بابه تبشر من يجيه
صار يسأل ليه بالله يأم الاختراع = تجبرين الحر يصفق ليا ضاقت بايديه
يسأل وغيره تساءل عن امر الانقطاع = والشقى يسأل عن صدور سمحين الوجيه