كم هم محبوسٍ ورا ظلوعي العوج

[عبدالله الحويله]

متواضعه للتواصل
اتمنى ان ترتقي لذائقتكم

كم هم محبوسٍ ورا ظلوعي العوج=لوكان في بوحه على الناس راحه
اصبر على حرقه ولو حاول يبوج=ظلوع صـدرٍ قاضبـاتٍ سراحـه
اخـاف لا تلقطـه نقالـه هـروج=اللي تحسب ان النميمه صراحـه
ويَذاع همي بين الاقراب ويـروج=وتصبح جميع اسرار قلبي مباحـه
والكل يفطن ساكن القلب عمهـوج=سبت نحول الحال هـذي رماحـه
افدع ومقرون الحواجب ومدعوج=والمشكله شوفتـه ماهـي متاحـه
مارد عبدالله من وصالـه الفـوج=الا الحيـا رده وديـن السماحـه
حلفت مسهج رجلي بدرب مسهوج=وحبل الرشى مايضهر الا قراحـه
ظلعي هو الشاطي وهمي هو الموج=لو زاد في لطمه فلا يـوم زاحـه

:
:
:
وسلامتكم

[سعود الخويطري]

عبدالله الحويله



مرحبابك الف وصح الله لسانك



قصيده وقاف وحضور جزل ولاعدمناك




وتقبل سلامي واشواقي

[الفرس]

اخوي عبدالله .. شاعريه بحته ..


كلمات قويه .. اسلوب راقي..


تقبل اعجابي بابياتك ..

وتقبل كل التحيه ..

[فهد بن محسن]

صح الله لسانك ياعبدالله

ولا هنت على هذه الرائعه

وتسلم

وننتظر المزيد

تحياتي لك

[عـسـاه خـيـر]

الاخ عبدالله

صح السانك على قصيدتك الرائعه

[هداج تيماء]

قصيدة رائعة صح لسانك يا الشاعر المبدع عبد الله الحويله

[ناصر البرغش]

ظلعي هو الشاطي وهمي هو الموج
لو زاد في لطمه فلا يـوم زاحـه



يا سلام يا سلام


صح الله لسانك يابو زنيفر


اعجابي ومتابعتي

[مسفر مبارك]

مرحبــا بك ياذيب وصح الله لسانــك والله لا يهينــك

[فهيد بن عصيدان]

الله الله

مبدع يبوزنيفر

صح لسانك

ولاهنت

[عبدالعزيز الشامري]

صح الله لسانك يالحويلة

قصيدة جزلة من راس جزل

تمنياتي لك بالتوفيق

ويا هلا ومرحبا بك