الشاعر محمد ال عزبين يتخلص من سجن دبي ويرسل لفزاع وابن الذيب

[ابوذياب]

بسم الله الرحمن الرحيم

السلام عليكم ورحمة الله وبركاته



هذه القصيده قلتها بعد رحلتي الى الامارات العربيه بالاخص الى دبي انا والشاعر عبدالله ال عزبين ونصينا الشيخ حمدان بن محمد بن راشد ال مكتوم(فزاع) بند الشبا وانا اول مره في حياتي ادخل الامارات وضاري بمجينا لمعازيبنا ال سعود ان دخلوك ولا ماضروك وبعد مجينا للبوابه بحي ند الشبا قال الحارس ممنوع الدخول قلت له نبي واحد من الوزراء عندنا موضوع خطير وجايين من اجله ولازم يبلغ فيه حمدان حنا طبعا فالعشر الاواخر من رمضان المنصرم 1432هجري قال انتظر وجانا مطر عبيد راعي المرموم وبلغناه بالعلوم كلها العلم كبير وخطير قال انتظروا والخبر جايكم؟؟؟ وبعد مضي 10 دقايق جانا الدوريه واكان عسكرها لاينفهم منهم لانهم من اخواننا الجاليه البكستانيه وقال امشوو فقلت لهم حنا ننتظر مطر عبيد ولانا بماشين حتى يجينا منه خبر لانه قال ارقبوني وبعد دقايق رجع لنا العسكري فقال امرمن الضابط جيبو لنا جوازاتكم وقلت انا ابغي مطر وقال هذا الامر من مطر عبيد والشيخ حمدان يعلم بذلك وتم سحبنا بقوه ودون تفاهم وبعد التقييد ..ودقت جوال الشاعر محمد بن الذيب الاماراتي والقطري نبغا الفزعه من اليامي يقولون انه راعي فزعه ولاتجاوب ..



وانا حبيت ان الشيخ حمدان يسمع الابيات التي تتكلم عنه بما فعلو العسكر في ضيوف بيته ..



وانا الحقيقه من محبين الشيخ فزاع

ياواصل لدبي وصل لحمدان=هذا الكتاب ويستمع في معانيه
واسّمع معاني شاعر منك زعلان=لانك مثل ضلعً صعاب مراقيه
اشره عليك وشرهتي شرة احصان=وإللا على الرديان مالي مشاريه
جيناك فالعشر الاواخر مسيان=ناصين شيخً ينزع الفقر بيديه
جينا الخفير اللي على الباب زعلان=وعيا وقال الشيخ ممنوع تاتيه
قلنا نبا اللي يصل العلم يافلان=العلم كبر طويق والشيخ نبغيه
قال انتظر والعلم ياتيكم الآن= وجانا مطر عبيد واجب لداعيه
قال العلوم وقلت لشرق ضيفان= في لازمً ماغير حمدان يقضيه
من نجد جينا لشبا والوعد حان=وعط الخبر شيخً كبار هقاويه
قال ابشرو والعلم ياتيه عجلان= وبشاية الله ياصل العلم راعيه
مشا وجانا عسكر من بكستان= وخذو جوازات المسافر وياديه
وحط الحديد ابمعصمً يذبح الضان=ثم قلت ليه وقال ماعارف ليه
امر صدر والامر مافيه كتمان=من ولي عهد دبي لازم نمشيه
وقفت فالماقف وحاير وندمان=واقول من لايعرف الصقر يشويه
العلم ماضني درا فيه حمدان=حمدان غيث يحيي الارض ساقيه
كنه السحاب الى سقا الارض ودان=اللي هميت القشع يحييه يحييه
ونعت ياحمدان فالسجن سلطان=ابن الحرار اللي عريب مجانيه
ونعت يابن الذيب فالسجن منهان=وضعي خطير وباغي منك تنهييه
دقيت جوالك ماهو واحد اثنان=ثم قال عفواً قلت ياهيه ياهيه
ومن راعي المرموم حريت الاحسان=عسى يجينا عقب ظره حسانيه
وهاذي خصايص رحلتً وضعها شان=ولمحمد ابن الذيب نرسل مشاريه

بحفظ الله


رابط القصيده المنقوله
http://al-snam.com/vb/t6338.html

[وافي بن وافي]

يابو ذياب .. الحظ في بعض الاحيان=يمرض ولايلقا مداوي يداويه
حمدان هو حمدان في كل ميدان=سبعين نعمٍ كل ماحل طاريه
ومحمد بن الذيب من روس عجمان=حميّته من خلقته خلقةٍ فيه

نعم الحظ هو المسؤول عن ماحدث يابو ذياب وانت يارفيقنا ونعم وتستاهل العلوم الطيبه لأنك من اهلها والشيخ حمدان (فزاع) معروف عند الجميع اسم على مسمى واليامي كفو ساسه وراسه وعادكم خواله (ربعكم ال جابر ) مافيه كلام .. يعني من خذلك هو الحظ فقط .. ولن تكرر منه بإذن الله وتوفيقه ،، حفظك الله