ياتايه الراي مالك فالردا حاجه

[عاليه الاخلاق]

السلام عليكم ورحمة اله وبركاته .

هذه قصيدة للشاعر علي بن سعود المري

واتمنى ان تنال اعجابكم واستحسانكم...

ياتايه الراي مالك فالردا حاجه = والرزق مضمون ياقطاع الارزاقي
ترا الحسد علة ماحصل اعلاجه = ماينقطع كود تقطع روس الاعناقي
بيت الحسد جعل يهدم عالي ابراجه = يصبح محله عقب مبناه رتاقي
ماهمني حاسد(ن) وجهه كما الصاجه = هذا اول العلم والله يعلم الباقي
والرفقه اللي عصاها دوم منعاجه = تذبل كما الشجره اللي خانها الساقي
ياشين بعض الكلام وشين مخراجه = ماكل شاره رماها كل تفاقي
امّا سبحت البحر لاعامت امواجه = اشره على قوّتي واشره على ساقي
والطرف قدله ليال النوم ماساجه = وعديت رجم(ن) طويل يتعب الراقي
واخذت فالرجم لي سجه وسوهاجه = وسرقني الوقت وثر الوقت سراقي
والنور يفجع ظلام الليل لاباجه = والصدق يفلج كذوب(ن) يدبل الطاقي
والعاج معروف ماهو يشبه الساجه = واحد وعشرين مايقرن بالارناقي

[ليــه يازمـــن]

قصيـــده رائـــعه

الله يعــطيكِ العــافيه

[ناثرة الورد]

{{ عزوتي دوسريه }}
,
,
آآبداع غير مستغرب
دمتـي بهذا الرقي
تقديري ..,

[عاليه الاخلاق]

المشاركة الأصلية كتبت بواسطة ليــه يازمـــن

قصيـــده رائـــعه

الله يعــطيكِ العــافيه

الله يعافيك ولاهنت على المرور بيض الله وجهك

[عاليه الاخلاق]

المشاركة الأصلية كتبت بواسطة ناثرة الورد

{{ عزوتي دوسريه }}
,
,
آآبداع غير مستغرب
دمتـي بهذا الرقي
تقديري ..,

لاهنتي على مرورتس تشرفت بحضورتس المميز