محاوره بين شليويح المطيري ومطلق الثبيتي

[الوتد]

محاوره شعريه بين شليويح بن شلاح المطيري ومطلق الثبيتي :

مطلق

يا شليويح المطيري صرت مثل السوسه=كل بيت تدخله تعرف مخازن حبه
لو أبوك الله حماه من أمك المنحوسه=كان صلي كل ليله ركعتين لربه

شليويح

لا تعلم كان عندك حاجة(ن) مدسوسه=كل جحر(ن) عارفين حيته من ضبه
ولو أبوك مطلق أمك ما أصبحت مركوسه=والسبب راسك المقرود وانت السبه

مطلق

جيت بالطاسه وودك تحلب الجاموسه=مير حطت فيج جرح(ن) ما انت لاقي طبه
وانت لو تعرف جميل الغرسه المغروسه=ما رميت اغصانها في نارك المشتبه

شليويح

ما نلومك لاقي لك كبسة مكبوسه=مير من يعطيك من زاده لزوم تسبه
انت ﻨيب لاقي لك صيدة(ن) مفروسه= قر فرسها ﻨيب والريع المرواس ﻨبه

مطلق

لو علمنا عن خفايا الخطة المدروسه=كان نهوي فوق راسك صبح بالمرزبه
وانت راسك بين نيبان الجمل وضروسه=والجمل يلعب علي العربان ما تلعبه

شليويح

الجنون بوسط راسك كلها محبوسه=ولو كويتك كان طابت رجلك المنصبه
الحرامي ما انت سارق مزهبه وفلوسه=لو تشيل الفرد والسكين تحت الجبه

مطلق

انت قدامي تشيل الراية المنكوسه=مير من يتبعك يضمي قبل ياتي غبه

شليويح

انت ضيف العرب بافكارم المعكوسه=كل ما قلت لك هات الملح جبت الشبه