الـهآتـف الـمـجآنــي /...

[المااسه]

من ثـلاث سنـين وأكثر والقـدر يحداني
عنك يا طِـبّ الخفـوق المشتهـر بأوجـاعـه

وأنت عنـّي حـدّك اللى حـدّني وأقصـانـي
أمر من ربـّك ولا للرب غـير الطاعـــــــه

والبـلا إنـك كل ليـل تشوف كـل أخوانـي
إلا أنـا ما كان لي حظ ٍ طويل ٍ بــــــــــــــااعه

وإن لقيتـك ما عرفتك وأنت لو تلقـاني
ما انت عارفني ولو نجمـي تشوف إشعـاعــه

لين صحـّـاك القصيد اللى بعد صحــّـاني
وجيتنــي مثـل الشمـال وهفهفة ذعذاعـــــــــــه

عاد تـدري ؟؟ جـد والله؟؟ أنـت عـالم ثـاني
محتـويـه الطيب الأول في جميـع انـواعـــــــــــه

مرحبا مليون والله يا بعـد حـِـيـّاني
أنت وينــك؟؟ لعن أبو حي الهـوى وأتبـاعـــــــه

سـوّد الله وجـه تـاريخ الزمـان الفـاني
قـد حـرمني مـن لقـاك ولـذّتـه وإمتـاعـــه

علــّها خيـرة ودفعـة شـر يا وجـداني
عنـّـي وعنـّـك وعـن روح الغـلا الملتاعــــه

حـوّل بـ قاع الخفوق الموحش الوحداني
وأسقـه دمـوع السحـاب وعيـد لي مربـاعـــه

عــّـل تفـداك الرخوم وعـّلهـا تفداني
وقـّف الساعـة هنـا يا جعلهـا أبـرك سـاعـــه

ليـن أفـكّ حروف صـوتـك وأتركه يقرانـي
وأقنـعه منـشان يكتبنـي وأزيد إقنـاعــــــــــــه

ياجلالة صولجـان الوالي العثمـاني
كان ما لك كل قلبي ؟؟ لك ثلاث أربـاعــــــــــــه

ياروا قلبي بطلـّة وجهـك الربـّاني
ويا ظمـا عينـي لغمـزة عينـك اللمــّـاعـــــــــــه

بـك شفافية لحـن بيتهـوفـن الألمـاني
وبـك قسـاوة باتـعِِ وسلالتـه بتـّاعــــــــه

عـــلّ يفداك القصيد اللى يقول لسااني
وإن بغيـت تجدده حــط الجمـر بأصباعـــه

وفـل مجدولك وغــنّ ويرتقـص شيطاني
وإن رقـص جاته شياطين الشعـر منصـاعه

وجـدّد الفنجال وإفتـح لي بكـت دخـاني
ومـدّها لي في شفاك وعطني الولاعــــــه

وخلـّني ساعـة زمـن كان الولي أحيـاني
وأنـت لا حسيـّت بالضيقـة قبـل هالساعــــــــه ؟؟

ماعليك إلا تجيـب الهـاتـف المجــّاني
ولمــّس إصبعـك الردايـل وأرفـع السمــاعـه

للشاعر / مطلق النومسي

[ناثرة الورد]

.. السلام عليكم ورحمة الله وبركاته ..

{ شُـكـرتي لـروعـهـ الاختيار المميـز و الـرائع ..

دمـتي بهـذا التميـز ~

[عليل المحبه]

ياروا قلبي بطلـّة وجهـك الربـّاني
ويا ظمـا عينـي لغمـزة عينـك اللمــّـاعـــــــــــه

ياسلام

صح السان النومسي

المااسه

ماتنقلين لنا الا مايشبه اسمك
بجماله واناقته


الف شكر

[المااسه]

المشاركة الأصلية كتبت بواسطة ناثرة الورد

.. السلام عليكم ورحمة الله وبركاته ..

{ شُـكـرتي لـروعـهـ الاختيار المميـز و الـرائع ..

دمـتي بهـذا التميـز ~

تسلمين..ومشكوره على المرور

[المااسه]

المشاركة الأصلية كتبت بواسطة عليل المحبه

ياسلام

صح السان النومسي

المااسه

ماتنقلين لنا الا مايشبه اسمك
بجماله واناقته


الف شكر

العفو ..
والاجمل من القصيده .. مرورك المميز

[شامخه بعز ابوهاااا]

حـوّل بـ قاع الخفوق الموحش الوحداني
وأسقـه دمـوع السحـاب وعيـد لي مربـاعـــه

مطلق مبـدع ك شـاعر له آسلوبه وطريقته الخاصه في كتآبه الشعر

والمـاسه مبدعه بـ كل حـآلآتـهـآ ..

[المااسه]

شامخه بعز ابوها..
مشكوره ع المرور المميز

[ع ـقد م ـنثور]

عــّـل تفـداك الرخوم وعـّلهـا تفداني ..
وقـّف الساعـة هنـا يا جعلهـا أبـرك سـاعـــه ..


عز الله صـآدق ..


لآهنتِ عالقصيده الآكثر من رائعـه ..

[المااسه]

لاهنتِ ع المرور ..

[king الوادي king]

الماسه لاهنتي على النقل المميز وجعلش تسلمين