( رجلٍ يوزونه ويزعل من أخيه && ورجلٍ يّزعل من يحاول يوزه )

[سعد الهتلانى.]

قصيدة لخلف مشعان اعجبتنى وحبيت انقلها لكم

ياكثرهم لا قلت لك عرفت وجيه =
=ويا قلهم لا قلت قدر ومعزة
رجل تعزه بعد ما تلتقي فيه=
=ورجلٍ قبل لا تلتقي به تعزه
ورجلٍ ترزه بالمجالس مباديه =
=ورجل فلوسه بالمجالس ترزه
ورجلٍ يموت ولا يجيبون طاريه=
=ورجل يجي طاريه في كل حزه
ورجل ضعيف ويستفزه معاديه =
=ورجل كلام إعداه ما يستفزه
ورجلٍ يهزه بعض موقف ويشقيه =
=ورجل ماهوب ايات موقف يهزه
ورجلٍ تلزه يعترف لك بخافيه=
=ورجل على خافيه محدن يلزه
ورجلٍ يوزونه ويزعل من أخيه=
=ورجلٍ يّزعل من يحاول يوزه
ورجلٍ تكزه لازم إنك توصيه=
=ورجلٍ بليا ما توصيه كزه
ومن لا فرش للمرجله ماتغطيه=
=ومن لا يخز الناس محدن يخزه
ان كنت تعرفني فهي عرفة وجيه=
=من قال لك بالقلب قدرومعـزه

[المااسه]

يعطيكـ العافـيهـ أخــوي سعد
قصـيدهـ أكثر من راائـــــــعه
صح لســـان شاعرها ،، وتســــــلم يمينكـ

[شامخه بعز ابوهاااا]

ومــن لا فــرش للمرجـلـه ماتغـطـيـه

ومن لا يخـز النـاس محـدن يخـزه

ان كنت تعرفني فهي عرفة وجيه

مـــن قـــال لـــك بـالـقـلـب قـدرومـعــزه

قصيده رائعه وكلمات ذات معنى

لآهنت على النقل وتسلم يمينك

[زعيم باب الحارة]

صح لسان ابن مشعان

ولا هنت يا الغالي على النقل الرائع

[ناثرة الورد]

.. السلام عليكم ورحمة الله وبركاته ..

{ شُـكـرت لـروعـهـ الاختيار المميـز و الـرائع ..

دمـت بهـذا التميـز ~

[king الوادي king]

لاهنت على نقل القصيده وجعلك تسلم

[مواطن عادي]

صح لسان ابن مشعان

ولا هنت يا الغالي على النقل الرائع

[M!Ss LeGeNd]

صح لسانك ~

تسلم ع القصيده المميزه للشاعر المبد ع"خلف بن مشعان..

يعطيك العافيه