بالصوت ( وبران ال كليب ) من معقله بقطر

[راكان اليامي]

اللهم امين وولا انت يابو مبارك

[ديمه]

ياوجودي وجد من ساق رجلـه للضيـاع
لين وصلت به على جـال عـد مايبيـه
وياوجودي مـن ضيّعـه وقتـه وضـاع
بين حلـم ماتحقـق وحـظ لـك عليـه
وياوجودي وجد مـن مـد كفـه للـوداع
والوداع اقسى على النفس من سوم الوجيه
ودع ربوعـه وقاعـه وبدلهـا بـقـاع
قاع قـوم مايبيهـا وهـي ماهـي تبيـه

هذه الابيات احفظها عن ظهر قلب

منذ اول سماعي لها

كل الدعوات لبروان

اللهم فك اسره

وعجل بالفرج

اخي راكان لا هنت على هذا النقل

[راكان اليامي]

هلا وغلاا ياديمه وتسلمين على الرد يالغاليه

[الغلا كله]

ودع ربوعـه وقاعـه وبدلهـا بـقـاع
قاع قوم مايبيهـا وهـي ماهـي تبيـه
يرتكي لحمول كتفـه بقـدر المستطـاع
ويتعجب من زمانه على ماصـار فيـه
عقب ماهو ينطح القوم ويعشي الجيـاع
والجمايل عند بابـه تبشـر مـن يجيـه
صار يسـأل ليـه بالله يـأم الاختـراع
تجبرين الحر يصفق ليا ضاقت بايديـه
يسأل وغيره تساءل عن امر الانقطـاع
والشقى يسأل عن صدور سمحين الوجيه

أنسان رائع ووقف وقفة نشمي مع عيال
وحسبي الله على من ضره وبعده من اهله

شاعر قوي باتقان قصائده وكانت تفتخر فيه الشاعره المرحومه / صدى الحرمان ويفتخر فيه الشعراء المميزين على وجه الخليج كافية....

قصيده جزله ...ومقصدها في قمة الشموخ

لاهنت اخوي الفاضل راكان اليامي

وبيض الله وجهك على ذي المشاركه القيمه

ولا تبخل علينا بجديد الشاعر وبران اليامي

يعطيك العافيه

اختك
الغلا كله

[راكان اليامي]

يامرحبا يالغلا كله وتسلمين على الرد

[زبن المجنا]

يامراديم السحايـب عـل روس القـلاع
علمـي منهـو فقدنـي بعلمـي علميـه
وانت ياهم كتمته بصـدري ليـن شـاع
هم وقت عند هاجس قصيـدي باشتكيـه
دك ليل الياس ياصاحبي ليـن الشعـاع
ينطحك نـور يبشـر بصبـح مقتفيـه
سر من فكري ذلـول تسـام ولاتبـاع
ماقناهـا قـوي شيـخ تورثهـا النبيـه
سرها وفجوج ربي على الضايق وسـاع
الفجوج اللي ماضاقت على غير السفيـه
سرها للي تساءل عـن امـر الانقطـاع
وقله اني سقت عقب البطا عـذر وجيـه
غبت لكن غبت مجبور واشتـد النـزاع
بين عقـل يحتوينـي وقلـب نحتويـه
عذري ان الوقت شيخ الي جوّب يطـاع
وان حكم حمكه بلا ليه يمشي يقول ليـه
ليه مايمشي وحكمه غدا في ارض مطاع
مثل فرض الثار لاخ غزا في ثار اخيـه
وقتنا اللي غصب لاقال نحسن الاستماع
وان طلبنا العهد شفناه لـه عهـد نزيـه
بعد ماكنا نسومـه شـرى فينـا وبـاع
وبعـد ماهويرتجينـا غدينـا نرتجيـه
الين خلى البشت يومي على كتف الرعاع
والقبور تضيع من طيب سمحين الوجيـه
وقله انه مايضيق على صـدر الشجـاع
كـون دبـارة رفيقـه وموتـة والديـه
وقلـه انـي باتوجـد توجـاد يــذاع
لين يذكرني المغفـل وينسانـي النبيـه
ياوجودي وجد من ساق رجله للضيـاع
لين وصلت به على جـال عـد مايبيـه
وياوجودي من ضيّعـه وقتـه وضـاع
بين حلـم ماتحقـق وحـظ لـك عليـه
وياوجودي وجد من مـد كفـه للـوداع
والوداع اقسى على النفس من سوم الوجيه
ودع ربوعـه وقاعـه وبدلهـا بـقـاع
قاع قوم مايبيهـا وهـي ماهـي تبيـه
يرتكي لحمول كتفـه بقـدر المستطـاع
ويتعجب من زمانه على ماصـار فيـه
عقب ماهو ينطح القوم ويعشي الجيـاع
والجمايل عند بابـه تبشـر مـن يجيـه
صار يسـأل ليـه بالله يـأم الاختـراع
تجبرين الحر يصفق ليا ضاقت بايديـه
يسأل وغيره تساءل عن امر الانقطـاع
والشقى يسأل عن صدور سمحين الوجيه



يا نعا وجهي نعاه
صح لسانه
ولا هنت يا اليامي راكان

[راكان اليامي]

اررحب يازبن المجني ولاانت يالغالي

[فهد بن محسن]

الاخ \ راكان اليامي

تسلم وبيض الله وجهك يابو سالم على نقل هذه القصيده للشاعر وبران

الله يكون في عونه ويفك اسره عن قريب

تحياتي لك

[علي العرام]

الله ينعى وجهي

لا هنت يا راكان على القصيده المؤثره جدا جدا وكل شوي اعيدها

تحياتي

[راكان اليامي]

ررحب يابو محسن ت وتسلم على الرد يالغالي