خبرة سنيني \\ من الذي شيّب وهو مابعد شاب بعد طول غياب واعذرونا على القصور

[ماجد حمد الزيد الخالدي]

اضع بين يديكم هذه المتوضعه وارجوا ان تنال شيئا من رضاكم واستحسانكم ويعلم الله انها احب بناتي الى قلبي

قال الفتى الي حايم براسه الشيب=راعي القـــــــوافي ان قـال اباتـوب كـذاب
وصيتن من ذيب تسند على ذيب=والذيب يشكيله من الجرح بقنــــــاب
يا عاقـلا يــــاخـذ بـلـب الــمكاتيب=ومازل منهـا يجدعـه دون مـا عتــــــــــاب
خطيت لك مـن واقـع النـون تهذيـب=ولخصت لك خبرة سنينـي بـلا حســـــاب
هـادوك خذهـا واول النصـح ترغيـب=سيف الفتى نصفه ونصفن تـرى كتـــــــاب
ولا خير في رجلـن عديـم الشواهيـب=حمرن تـزف المـوت لاثـارت انشــــــــاب
ومنـلا ثنـى ساقيـه عنـد الكتاتيـب=الموت خيرن له وتالـي الفتـى تـــراب
ومنـلا جمـع ثنتيـن عند المناكيـب=صبرن وحسن الظن فـي رب الاربـــــاب
خسـر الثـواب ولانفـع شقـه الجيـب=افلـس مـن الدنيـا وبالاخـرة خـــــــــاب
ومنلا نفـع ربعـه فـلا يذكـر بطيـب=ولا يشـرب دلالـه كريميـن الانســـــــــاب
يعيــش منبـوذن لمـا راسـه يشيـب=ييبس كمـا تيبـس بملهـاب الاعشـــــاب
ومنلا تواضـع شـاف تالـي الـعواقيـب=يجيه وقتـن يقهـره عكـف الاشنـــــاب
ون اجتمع عكف الشوارب علـى طيـب= افزعلهـم وايـاك مـــــــــــن ردة الـبـــــاب
ون جاح ربعـك كـايداتـن فـلا تغيـب=عنهـم وخلـك بينهـم مثـل العـقـــــــــاب
وقـت الرخـى كلـن يلبـي المــطاليـب=ولا يصمل الا الحر في وقـت الاكـــــراب
عشنا وشفنـا مـن الليالـي اعاجـيـب=تدعي حليم العقـل يعـوي لـه اقنـــــاب
وا كثرهـم حولـك قرايـب واجــانـيـب=ون عزت حدهم ماوقـى عنـك ذبـــــاب
مادمـت ميسـورن فكلـن بـك يهـيـب=ون اعسرت تلقـى المخاليـق اغضـــــاب
ترقى ومعك يرقـون فـوق الــمراقيـب =ون طحت خلـو جثتـك نهـش لكـــــلاب
ومنـلا توقـع دوس درب الـعـذاريـب=زلت خطاه ولـو نـوى خيـر ماصــــــــاب
خذها مـن معدّي عســـير الـمعاطيـب=من الـذي شيـب وهو مابعد شاب
نصيحة تشرى بغالي المذاهيب=يعدّها الحيين للي بالاصلاب
ان طحت لاترجي سـوى عالـم الغيـب=الواحـد الـي مـن ترجـاه مـاخـــــــــاب
منشي الرياح الـي تسـوق السواكيـب=الي نصر عبـده علـى جنـد الاحـــــزاب
الـي بـعـث نــوح(ن) وداود وشعـيـب=ومنقـذ ابراهيـم مـن نـار الاحطـــــاب
لاتجزع ان جالك مـن الوقـت ترهيـب=ولا تفـرح بشمسـن تواليتهـا غيــــاب
واعلم ترى ماخطاك ماكان ليصيب=ولاصابك الا اللي كتب لك به تصاب
من عاش مات وكل حي(ن) يبي يغيـب=وجميع مـن فـوق الاراضيـن لتـــــــــراب
ويـن المهلـل سالـم او وينـه كلـــيـب=وين الخلاوي ووين شامـان وحجـاب
وين الفديـع او وينهـم شالـح وذيـب =وين اجودن بن زامل ووينـه ذيـاب
قـد جاهـم الـي مـاتـرده تسابـيـب=ولا واحـدن منـه تشـاوى ولا طـاب
المـوت يامهفـي الوراعيـن والــــــشيـب=كانك تبي حلقـي فانـا اقيـف بالبـاب
يامـوت انـا مشلـت هـم الـرعابيـب=ولا غمضت عيني على دنـي الارغاب
يامـوت انـا ماريـد مـال ومكاســـيـب=ولاني بمزهوفن علـى عنـق الارقـاب
همي عظيم ولايشيلـه سـوى الذيـب=الـى علـى نطـح المهاليـك رغـاب
قولـوا سفيـه ولا يحسـب العواقيـب=وقولوا فلـت عقلـه ولا تنفـع اطبــاب
وقولوا هروجـه حكـي ليـل وتكاذيـب=وقولـوا خيالـه جامحـن مابعـد تـاب
قولوا... ومن في خاطره صوتـن يجيـب=عمر الوحش ماعثـر خطـاه سنجــاب
باكـر يجيكـم علـم ذيبـن ولـد ذيب =مايردعه طاغـوت ومرجـف ومرتـــاب
لي همتن يخسى حمـل همتـي هديب =وتخسى المبانـي والبواخـر والهضـاب
تعجز مصر والشام صيـن وسرنديب =تشيـل ذاك الـي حملتـه ونـا شـاب
همي يعود المجد تاليه لــــعريب =ونجمع على صهيونن جيوش الاعراب
الى متى نصــبر على الــذل والعيب =ويدوسنا الي ماحسب للملا حساب
ابكـي علـى ربعـن قوانيـص للطيب =وابكـي بنـي عـم وبعيديـن واقــراب
ابكي العرب في عاليات الــــمصاليب=وابكي عليهم كل ماحل الغيـــاب
بالعين مالوم البصر لوهو يعيب =والقلب مالومه ولوهو بعد ذاب
وين العريعر وين هبس الــمعازيب =وين اخو عينا اللي للارواح جذاب
او وين زيدن مانفع فيه تطبيب=ومانع اسد غابن عن الغاب
قد غاب من بعد عز الدار دار المواجـــــيب =في ظل مقرن سيف الإسلام غــــــــلاب
له مخلب يشبع به الضبع والـــــذيب =وياما تعشن برتغاليّ واجنــــاب
ينطح عدانا ماحسب للــــــــعواقيب =ولا أرسلهم مندوب للصلح بكتـــــــاب
يوم الكريهة شيب الكفر تشيـــــيب =كم علج أستليث رجع تقل سنجـــــــاب
وسعدون! رد الترك وأضحوا مطالــيب =وبراك حراً ماترك للعجم بـــــــــاب
ودار الزمن والوقت جتله اعاجـــــيب =عقب المعزه قام يلسن لنا الداب
لاتفتخر يامعرب الجد تعــــــــريب =ولا تقول انا من نسل ذلال الاصعـــــاب
الي عليه العلم في عالم الغيب=شربوا حمام وعنهم قفل الباب
يافلان لو جاحتك بيوم مناكــــــيب =لاتنتخي يافلان بطوال الاشنـــــــــاب
لاتنتخي ياتايه العقل بعــــــريب =صايل عليهم كافر وصاروا هباب
شد الرحايل يم ربعن مكاســـــــيب =العز ما يبنى بلا ضرب الارقــــــــاب
من يطلب العليا عن الذل والعـــيب=لو انقتل سبعين كرة فلا تـــــــــاب
خطو الرجل لاغار كغارة الـــذيب =والبعض تيساً ثورته زبل وتـــــــراب
ياذيب قل للي رضى بحالة عريب =يلبس خمار وفوق المتون جلبـــــــاب
ياذيب أنا راسي قد أشعل به الشــــيب=ومعدود بين الناس من جمع الاشبــــاب
ياذيب جاء وقتاً تدابي الجنـــاديب =وإلا نقزت ياذيب ما طار العقــــــاب
ياذيب وش ترجى بدار(ن) بها الـــذيـب=يرعى مع الطليان من كسو ال تــــراب
ماهم على خبرك قحاقيحِ عــــريب=لامقرنن فيهم وقد مــــــــــات خطًاب
مقرن ابن زامل بن غرير ماجـــــيب=مثله ولا مثله بعربين الانســــــــاب
أرض العرب تبكي لها ون ونحـــــيب=دنس ثراها كل علـــــــجن بن كــــلاب
مالومها تصرخ تشلق بها الجـــــيب=أضحت هدف كل علج عات(ن)و نهاب
الحر يأبى الذل وعاهدك يـــــاذيب=دارن طغت بالذل مالي لها إيـــــــــاب
وا جرحي اللي كل ماقلت بيطيب=جدد صوابه وانفتح داملن طــاب
دنيا تـــقلب بالبشر كــــالدواليب =ساد اللكع والسيد صاروبها هباب
والـــكلب صاير لابسن له جــلد شيب=والذيب نسل الــــذيب يركع للــــغراب
واكبر هم بماجد مناجي الذيب=ولد حمد بن زيد من صلب الاذياب
تمت كما جرح(ن) عصيّن فلا يطـــبيب=في كبد اخو خضرا قديمن ولا طاب
ماجد الزيد=نشرت في 2 جماد الثانية 1428

[فهد بن محسن]

الاخ الشاعر

ماجد الزيد

صح الله لسانك ولا هنت على كتابة هذه الرائعه

تحياتي لك

[عـسـاه خـيـر]

لاهنت يا الذيب على هذه القصيده الجزله يا جزل.

[شبيب بن فنيس]

والكلب صاير لابسن له جلـد شيـب
والذيب نسل الذيـب يركـع للغـراب


كفو يا ماجد الزيد


وصح السانك على القصيده يا السنافي ولاتحرمنا جديدك

[الفرس]

نصيحـة تشـرى بغالـي المذاهيـب

**************************يعدّهـا الحييـن لـلـي بـالاصـلاب

ان طحت لاترجي سوى عالـم الغيـب

*************************الواحـد الـي مـن ترجـاه ماخـاب

قصيده في قمة الروعه ..والابداع ..

وان دلت على شي دلت على شخصك ..

تقبل مني التحيه .. واعجابي بابياتك ...

[بندر العجمي]

صح لسانك على القصيدة الجزلة




والله لايشينك وننتظر جديدك طال عمرك



اخوووووووووووكـ

[سرحان الفكر]

ارحب ياماجد ولاهنت على الرائعه

صح لسانك مليون والله لايشينك

سرحان الفكر

[سعود الخويطري]

ماجد الزيد الخالدي




صح الله لسانك ولاهنت مليار




حضور جزل . . . ودرة رائعه سلمت يمناك وسلم بوحك





وتقبل سلامي واشواقي

[ماجد حمد الزيد الخالدي]

المشاركة الأصلية كتبت بواسطة فهد بن محسن

الاخ الشاعر

ماجد الزيد

صح الله لسانك ولا هنت على كتابة هذه الرائعه

تحياتي لك

اخي الفاضل فهد اشكرك على مرورك طال عمرك وصح الله بدنك والله لايهينك
تقبل ودي واحترامي

[ابومحمد الشامري]

صح لسانك يا السنافي وفي انتظار جديدك