تصميم شركة سبيس زوون للأستضافة و التصميم و حلول الويب و دعم المواقع

قحطان صلب جدي · #1 10-10-2005, 10:05 AM


	السلام عليكم ورحمة الله وبركاته أما بعد: أنا أخوكم قحطان صلب جدي عضو جديد على منتداكم منتديات العجمان وأتمنى أكون عند حسن ضن الجميع وان أساهم مع أخوتي العجمان في تطوير هذا المنتدى والمشاركة فيه بفعالية وهذا أقل شئ ممكن نقدمه لقبيلتنا العريقة هذه قصيدة في جميع القبائل السعودية .. أرجو أن تحوز على رضاكم واستحسانكم 8 يالله ياخالق اراضين وابحار ** الواحد المعبود رازق عبيده 9 الخالق الغفار علام الاسرار وفرق شعوب الارض في كل يده 10 وابدي واسولف من عذيبات الاشعار ابيات شعر والمعاني وكيده 11 اشري وابيع واعرف كيف بختار واختار من جزل البيوت الفريده 12 وذ كرتراث وعز وامجاد وافخار قبائل تومن بدين وعقيده 13 وصلت حضارتنا على سطح الاقمار ابنا الجزير والجزيره مجيده 14 في ظل حكام لهم فعل واشوار ال السعود اللي تفك الضهيده 15 نسل الزعيم الحاكم العادل البار مجدد امجاد الجزيره بجيده 16 حتى اصبحت حره وحنا له انصار في ظل اخو نوره هنوف سعيده 17 وصارت لابو تركي بطوله وتذكار والفخر والامجاد تبقى شهيده 18 وخلف لنا املوك لهم فعل واخبار الشعب واحد والقياده رشيده 19 والامن بانينه على ساس وجدار وقرو على العابث عقوبه شديده 20 وحنا حماة الدار من كل غدار وما همنا بطشه وخبثه وكيده 21 قبائل مالحقناهم اوعار وعشنا بهذي الدار عيشه رغيده 22 والحمد لله نحمده سر واجهار شعب تكاتف من سنين مديده 23 ودون الوطن جيش على كل معبار لارفرف البيرق ونادى عقيده 24 بشرق البلاد وغربها دوم حضار وارض الشمال اللي نفوده مديده 25 وارض الجنوب اللي تخيضر بالاشجار جزيرة فيها القبايل عديده 26 ارض بها قحطان وافين الاشبار وياعز منهم بالشدايد بسيده 27 واذكر عتيبه يوم للطيب مغوار لا ثارت الهيجا وقرب ضديده 28 وشمر هل الطولات والجود مقدار اهل الكرم واهل الفعول الحميده 29 وقوم اعنزه مروين الاخصام الامرار اولاد وايل من عصور عهيده 30 ومطير قوم تكرم الضيف لا زرار وياويل خصم في حراهم وعيده 31 واذكر قبيلة حرب يانعم الاخيار وتاريخهم يحكي سطور مجيده 32 وسبيع نعم القوم ووجيه الاسفار زبن الدخيل ليا زبن من طريده 33 واذكر قبيلة يام والطيب يندار اهل العلوم الوافيه والرشيده 34 ثم الدواسر تجعل الخصم منهار عيال زايد عز منهم سنيده 35 ثم السهول اللي لها الطيب مدرار وعن منهج العادات ماهي محيده 36 ثم اذكر العجمان حماية الجار والمرجله والجاه فيهم عتيده 37 واذكر بني مره طويلين الاعمار ما ينقد المري ولا له نقيده 38 ثم الهواجر لابة تقدح النار اهل الركاب اللي خطاها بعيده 39 واذكر بني خالد قبيلة وامار قوم لهم في المجد قول ورصيده 40 وبني تميم اللي لها الطيب مصدار بني تميم وكل فعل تجيده 41 ثم الزعوب اللي بها الخصم يحتار شجعان ماترضى سوا ماتريده 42 العازمي وافي وفي الطيب بيطار روحه على كل المصاعب صميده 43 ثم الظفيري في المصاعيب جبار والطيب والامداح باصله وطيده 44 ثم اذكر الاشراف بجلال واكبار اهل الحجاز اللي تفك الزهيده 45 ثم الهذيلي له مواقف ومندار راعي الفخر راعي العلوم السديده 46 ثم البقوم اللي لهم جيش وامهار ريف الضيوف ليا لفاهم وليده 47 واذكر ثقيف اللي لهم مجد وآثار ومهما حسبنا من كلام نعيده 48 وبلحارث اهل العز بشهود واقرار ا لحارثي ياطيب فعله وجيده 49 والمالكي معروف لا صار ما صار في موقف اهل الطيب يبذل جهيده 50 واثني تحياتي عدد وبل الامطار على سليم وكل خصم تكيده 51 واذكر جهينه هل مواقيف وادوار تلقى الجهيني راسم الطيب بيده 52 واذكر بلي والمجدله فعل واظهار وتاريخهم يحكي فعول فريده 53 وبني عطيه في المواجيب حضار قوم بوقت الجد قوم عنيده 54 ثم الحويطي والكرامه له اشعار ثم الشراري له فعول مفيده 55 ثم الرشيدي في الصعيبات صبار على علوم الطيب فعله يزيده 56 وباقي جنوب الدار والقاف مادار باقي على قلبي كلام واشيده 57 زهران نعم القوم في وقت الاضرار والخصم عينه من لقاها سهيده 58 والغامدي معروف له عزم واصرار راعي المراجل والعلوم المفيده 59 وشمران قوم والجمايل لها اطوار وبلقرن سم للقلوب النكيده 60 والاكلبي والمحلفي مابعد بار والحارثي طيبه وفعله يشيده 61 وبني شهر وبني عمر سيف بتار قوم على الاخصام نار وقيده 62 والاسمري والاحمري صيتهم سار بين القبايل والمواقف شهيده 63 واذكر عسير الهول ذربين الاذكار وابها احتموها فالسنين الشديده 64 وادهم والصيعر على حد الاقطار يحمون حد الدار من اللي يريده 65 وامشي مع الساحل مع جمله افكار رسمتها والطير زان اتغريده 66 وانزل على جيزان تاريخ واديار ورجال فيفا والقبايل عديده 67 وارجوا العذر واهل المواجيب عذار الي نسيته مانذكر في القصيده 68 الواهبي عدد ابيوته بالادوار من شاعر ماشل قلبه حقيده 69 شهران ربعي هم هل المدح والكار واهل الكند واهل السيوف الجديده 70 يوم البلد مايامن الزند لاثار زيزومنا ابن مشيط نعم الوليده 71 فالجهل شجعان وفي السلم تجار من بطن بيشه للتهم لارفيده 72 حبيت ابين موقفي بين شعار وارجوا سموحتكم على ذا النشيده 73 ماحب انافق واتعنصر تعنصار ولا ني باطيع اهل العقول البليده 74 ما كل من طب البحر قيل بحار وما كل من شل الفشق جاب صيده 75 فالشعر بستان به ورد وازهار واللي تعداها بيوته فقيده 76 واقولها في الشعر تكرار وامرار ضرف بلا عنوان يلغى بريده 77 وبعض السوالف له مواقف ومحضار وشعر بلا معنى لزوم نبيده 78 وصلوا على المرسول شفاع الابرار** محمد الهادي وقدوة عبيده

السهم · #2 10-10-2005, 10:14 AM

و عليكم السلام و رحمة الله و بركاته

مرحبا و الله و مسهلا بك يا أخوي قحطان

و حياك الله بين أهلك و اخوانك

و صح لسانك على ذا القصيدة الطيبة الكافيه و الوافيه

و نتمنى نشوف مشاركاتك معنا حتى تفيد و تستفيد.

ابومحمد الشامري · #3 10-10-2005, 11:10 AM

مرحبا الف بالاخ العزيز قحطان صلب جدي في منتدى مجالس العجمان حياك الله يا السنافي على الرحب والسعه.

أبو ناصر · #4 10-10-2005, 11:21 AM

ارحب ياقحطان صلب جدي

وحياك الله ويسعدنا انظمامك لنا

ونتمنى ان تفيد وتستفيد

العنيد · #5 10-10-2005, 01:39 PM

وعليكم السلام والرحمه يا قحطان صلب جدي ونعم والله الف مليوووووووون فيك وفي بني قحطااااااااااان كل ابيهم!!!

وصح الله لساااااااااااااانك الف مليووووووووووون على ذا القصيده الفنانه !!!!

وبما انك قلت ذا القصيده الي اعجبتني ... فــــــــــ انت معزوم على الفطور الليله عندنا انت وقبيلتك كل ابيها ... قل تم ويم ولا تردني !!!!!

وارررررررررررررررررحبووووووا في ذمتـــــــــــــــــــــي الف مليووووووووووووووون ارررررررحبوووووووووا!!!!!

ومرحبا والله عد ما مشى الديك حافي !!!!

::::أم راكان:::: · #6 11-10-2005, 01:23 AM

ياهلا ومسهلا

قحطان صلب جدي · #7 11-10-2005, 03:50 AM

يا هلا فبكم ولاهنتو جميع والله حرجتوني على الترحيب الجميل الي كفيتو فيه ووفيتو
هذا موشي جديد عليكم انتو اهل الكرم والضيافة ويشهد لها التاريخ

يوران · #8 11-10-2005, 08:13 PM

قحطان صلب جدي · #9 12-10-2005, 04:51 AM

ياهلا فيج الله يسلمج

السنافي · #10 13-10-2005, 01:24 PM

مرحبا الف بالاخ العزيز قحطان صلب جدي في منتدى مجالس العجمان حياك الله يا السنافي على الرحب والسعه.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مبارك عليكم الشهر.... وهدية لمجالس العجمان	فالح العاوي	مجلس التصاميم والجرافيكس	17	20-10-2005 06:02 PM
" مبارك عليكم الشهر " والسموحه جاءت متاخر	بنت ابيها	مجلس الترحيب والتهاني	18	10-10-2005 04:25 PM
امباركم عليكم الشهر جميعا	"بدر العجمي"	مجلس المحــــاورة والألغاز الشعرية	5	05-10-2005 11:12 PM
الشهر مبارك	علي العرام	مجلس الترحيب والتهاني	14	05-10-2005 01:34 PM
السلام عليكم	همسة غلا	مجلس الترحيب والتهاني	5	17-09-2005 12:47 AM

الذين يشاهدون محتوى الموضوع الآن : 1 ( الأعضاء 0 والزوار 1)

مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع