أهدي قصيدة للي بعدك

[(((العجمي)))]

أهدي قصيدة للي بعدك

سافرت ناوي أترك الضيق لحظات
لقيت طيفك بالسفر محتريني

حاولت أبعد عن خيالك مسافات
الله حسيبك وين مارحت فيني

غيرك نسيته ماطرى كل حزات
إلا (أنت) دايم بالدقايق تجيني

مدري القصايد فيك وش ممكن تكون
لاصرت صفحة بالغلا مالها طي
مابيك تسأل كيف أغليك وشلون
الحب كله فيك أشوفه شوي
يكفي أشوفك كل شي بهالكـون
ويكفي أشوف الكون دونك ولاشي


ياويل قلبي لو تناساك
لحظة

الموت احسن من حياته
بلياك

حكمت قلبي وانت
مقياس نبضه

وادخلتني من عالم الحب
دنياك

طيفك يعني يسهر
الليل وحده

والفكر لو يختل مااظن
ينساك


افرح إذا شفت الفرح في محياك
وتضيق بي الدنيا إذا شان بالك
أعطيك عمري يا عسى من فداياك
وش هي حياتي ما تساوي رضالك
جعل الولي يا صاحبي دوم يرعاك
وجعل الفرح في كل الأيام فالك

[الفرس]

لاهنت على الاختيارات الرائعه يالعجمي ..



وقابلين كل ما منك ...

[الملكة]

العجمي..شكراً لك..
اسمح لي اهدي هذي البيت للقبلي..الفــــــــــــــــــــــــــــــرس..
افرح إذا شفت الفرح في محياك***وتضيق بي الدنيا إذا شان بالك

[(((العجمي)))]

الفرس

الملكه

شكرا على المرور

وبدورى اهديكم هل القصيده

محرق عمرك في حسافات وجراح وحنين واشواق وغرام ونصاحه

العود لولا حامي الجمر مافاح والليل طوله ينتهي في صباحه

الى متى والصدق يسري ويجتاح وصدرك وقلبك نازفات جراحه

واصبح مقر اتعاب والام واتراح ولا فيه حلم تنتظر ما استباحه

لوكل جرح له مداوي وجراااح ماشفت جرحي حي عقب الجراحه

دربك خضر واحلامك البيض مفتاح يا لابس ثوب الوفا والصراحه

احساسك الصادق تمناه الارواح ولا شفت مثلك بالرضا والسماحه

اصبر عسى ما تشتكي منه ينزاح وتشعر عقب ضيق الفضا بانشراحه

الصبر مفتاح السعاده والافراح ومن لا يذق الصبر ماذاق راحه

عمر الندم ما رد للعمر ماراح ولا حد ربح لاصار دمعه سلاحه

عطني همومك يا هوى البال وارتاح بوحك لمن يغليك لذه وراحه

ولا ينتهي عمرك حسافات وجراح وامال واحلام وحنين ونصاحه

للشاعر :محمد بن ابراهيم

وسلامتكم

[الشيخه]

العجمى

لاهنت على المبادره الطيبه واستلم منى :

لولا الشجاعه ما عرفنا وش الخوف
يارمز عشاق القلوب النظيفه

غلاه ما خلا من القلب سرجوف
عشان احاتى وقت دربى وخيف

الساعه الى دون همساته اطوف
احسها ساعه عذاب وسخيفه

اكبر طموحات العمى نعمه الشوف
واكبر طموحى معه لحظه ظريفه

اليا متى وحنا من ظروف لظروف
اشواقنا حيه والايام جيفه

شاعر ومتمكن وعاشق وملهوف
شارى وصالك فى ربوعه وصيفه



تقبلو منى خالص التحيه

الشـــــــــــيـــــــخه

[(((العجمي)))]

شاعر ومتمكن وعاشق وملهوف
شارى وصالك فى ربوعه وصيفه


الله عليش يالشيخه صح لسانش ولاهنتى على المرور وبدورى اهديش

هالقصيده ان شاء الله تحوز على رضاش

قالت تحبني قلت انتي ولا غير \\\ زولج تراعيله وتهواه عيني



قالت تغير وقلت شلون ماغير \\\ عليك يانبع الوفا يا ضنيني



قالت وسري قلت والله في بير \\\ محدن عرف وشبين قلبك وبيني



وان جاك من صوبي خطيه وتقصير \\\ من واجبك ياوفيه سامحيني



وليا زعلتي قلت هاج المعاذير \\\ تبسمي مدي ايدج ساعديني



ياعمري الي فيه كل التباشير \\\ انتي ترا انتي بس شمعت سنيني



قالت احبك ثم تصبح على خير \\\ الله واعلم وقتها وشصار فيني

للشاعر :فهد الطاثوب

وتقبلى تحياتى