لتواصل .... من قلب

[" مــــابه جديــــد "]

السلام عليكم + صبحكم الله بالخير
لتواصل قصيده احبها

لا تعتذر مال الهجر منك تبرير=صدك بليا ذنب والله ظليمه
ماصارلي بعدك يفوق اي تصوير=تجددت كل الجروح السليمه
بعدك لعبي هاجسي والتفاكير=وقلبن جريح وروح صبن مهيمه
ماغير اسلي خاطري بالمشاوير=اروح ورجع والهواجس مقيمه
ياحبي الي بين بيض الغنادير=لك في عروش القلب قدرٍ وقيمه
ان كان صدك ماخذك عني لغير=روح ولو أن الخساير وخيمه
وفإن كنها عني خذتك المقادير=فالعفو عند المقدره فيه شيمه
يامرحبا والحب كله معاذير=تشفع لك أيام الغرام القديمه
يوم الهوى لازارني منك عصير=أضم في صدري من اجلك نسيمه
واليوم اصبر خاطر والجد تصبير=وأقول صدك عقب وصلك جريمه
ولا جاك مني ياهوى البال تقصير=مواقفي وياك والله عظيمه
(سخرتلك مشاعر الشوق تسخير=وأمطرتك بحبٍ تقفاه ديمه)
وظللتك بجفني وصارت مسافير=يوم الغلا بين النديم ونديمه
واليوم ماتنفع كثير المحاذير=وتفاقمت بين النفوس الحشيمه
وعسى سنينك روض عشب ونواوير=ومحدن لنفسه يرتضي بالهزيمه
أما تخاويني على الشر والخير=والسلامه منك راس الغنيمه

وسلامتكم : زايد المري

[حـــوران]

وعليكم السلام


سمعت منها ابيات بصوت (ادهم علي ) واعجبتني وقريتها كامله هالمره

جبتها على الجرح صح

صح لســانك , ولسـان زايد بن علي المري

سقطت كلمه سهو منك في الشطر الاخير(ولا السلامه منك راس الغنيمه)

لاهنت على التواصل الطيب والاختيار الرائع

[ناثرة الورد]

{{ لا تعتذر مال الهجر منـك تبريـر

صـدك بليـا ذنـب والله ظليـمـه }}

{{ مـابه جـديد }}

يعطيــك الــف عــافيه عـلي هالاختيــار الرائــع و المميــز ....

لا تحــرمنــا جــديــدك ....

تقبـــل ::

كل الشكــر و التقــدير ....

[" مــــابه جديــــد "]

حوران مرحبابك وصح بدنك ومن صوب البدليات عاد عليك شوي وكل الله من كثرها


لااهنت على مرورك الجميل

[" مــــابه جديــــد "]

ناثرت الورد الله يعافيك وصح بدنك


شكرا على المرور

[][ .. خــجــل .. ][]

(سخرتلك مشاعر الشـوق تسخيـر

وأمطرتـك بحـبٍ تقفـاه ديـمـه)

وظللتك بجفني وصـارت مسافيـر

يـوم الغـلا بيـن النديـم ونديمـه

الله الله !؟


صح لسآن شاعرها .. ويعطيك الف عافيه اخوي مابه جديد على النقل


تقبل مروري

[" مــــابه جديــــد "]

صح بدنك والله يعافيك ومروورك قبلناه



لااهنتي



تحياتي : فعلن مابه جديد

[! شيخـــــة المنتــــدى !]

واليـوم ماتنفـع كثيـر المحاذيـر
............وتفاقمت بيـن النفـوس الحشيمـه
وعسى سنينك روض عشب ونواوير
............ومحدن لنفسه يرتضـي بالهزيمـه


صـــح لســان شاعــرهـاااا ، وصــح نقـــلك
اختـرت فأبدعــت

تقبل مـــروري

[" مــــابه جديــــد "]

مرحبا صح بدنك


كلن حط بيت من القصيده اعجبه وانا بحط البيت الي معجبني

ان كان صدك ماخذك عنـي لغيـر=روح ولو أن خساير وخيمـه