يا ويل حالي

[شما]

واعيني اللي كل ماذعـذع مـن الغربـي هبـوب
يحلا لهـا لـون الغـروب اللـي يـذوب قبالهـا

ويا ويل حالي كل ما يحـلا لهـا لـون الغـروب
تطـري لـي الريـم اللعـوب وسالفـة ترحالهـا

وياجر قلبي كـل ماتطـري لـي الريـم اللعـوب
حرّمت امد ايدي على حاجـه وانـا مااقـوى لهـا

من سافرت ريم الغلا صديت عـن كـل الـدروب
ماهو قصـور ٍ بالعـذارى.. بـس ذيـك لحالهـا

من فارقتني ماخطف قلبي مـن الحـور محبـوب
ولا لقيـت الجـادل اللـي تستحـق احيـا لـهـا

لأن القلوب ان ماوفـت لأحبابهـا ماهـي قلـوب
والعشره اللـي ماتـرد الـروح مـا نسعـى لهـا

اما الوفاء اللي يستر الرجـال مـن كـل العيـوب
والا الجفاء اللي يستر عيوب العـرب فـرجالهـا

ما اقسى من فراق الجنوب الا فراق اهل الجنـوب
ويلي على اللي كـل مـا تزعـل تشـد رحالهـا

اللي مذيّرها العتب.. لا شبّـت بصـدري شبـوب
عيّيـت اراضيهـا وهـي عيـت تطـول بالهـا

كانت معي مثل النصيب يحدني من كـل صـوب
كانت دروبي مـن متاهـات الضلـل.. لظلالهـا

كانت هروبـي لا شعـرت انـي بحاجـه للهروب
كانت سماي اللي ليـا ضاقـت علـي ألجـا لهـا

ليه اتحدانـي وانـا فـي كـل الاحـوال مغلـوب
ليـه احرمتنـي مـن قهـر عـذالـي وعذالـهـا

ليـه اتجاهلنـي وانـا مانـي جبـان ولا كـذوب
ليه ارخصت دمعي وانـا اللـي مابكيـت الا لهـا

ماترحم اللي له سنه كنـه علـى النـار محطـوب
ماهزهـا دمـع الفقيـد اللـي بكـتـه اطلالـهـا

ماخافت تهدم السنين اللـي بنتنـا طـوب طـوب
مافكـرت تشفـق علـى حالـي وترحـم حالهـا

قولوا لهـا لـو مـا تـذوب انـا بخليهـا تـذوب
قولوا لها لو مـا عنـت لـي مستعـد اعنـا لهـا

اليا ادمحت لي هالخطا بدمـح لهـا كـل الذنـوب
وان جابت الحسنه معـي تبشـر بعشـر امثالهـا

افرش لها صدري وطن واجمع من ضلوعي شعوب
وارقـى لهـا مكانـه محـدٍ قـدر يرقـى لـهـا

ان كاني مخطي فانا مانـي خلـي مـن العيـوب
الذنـب يغفـر والبشـر تجـزا بقـدر اعمالـهـا

البعد قاسي والفـراق يضيّـق الصـدر الرحـوب
وانــا تعـبـت ادوّر الحيـلـه وارد احتالـهـا

قولوا لها ترجع ترى ماني على البعـد مغصـوب
والا تـرى نـذرٍ علـي انـه ماهـوب اشوالهـا

امـا تجنـب هالهبـال وتتـرك البعـد وتـتـوب
والا بتبشـر بالهبـال اللـي مـاهـوب اهبالـهـا

كافي زعل ترى الدروب مقفله مـن كـل صـوب
وانـا حملـت مـن الهمـوم انواعهـا واشكالهـا

يكفيني اني كل ماهبـت علـى صـدري هبـوب
تحـن عيـنـي للجـنـوب وتلتـفـت بلحالـهـا

والمشكله انـي كـل ماحنـت عيونـي للجنـوب
تطـري لـي الريـم اللعـوب وسالفـة ترحالهـا

وعز الله اني كل ماتطـري لـي الريـم اللعـوب
حرمت امد ايدي على حاجه وانا مـا اقـوى لهـا

من كلمات الشاعر حامد زيد