روائـع للشــاعر محمــد ابـن الذيـــب !!!

[محمد الشامري]

بسم الله الرحمن الرحيم


هاذي طالت اعماركم مجموعة قصايد للشاعر الكبير هتلر الشعـر : محمد ابن الذيب ..

وطبعا اللي عنده زود على اللي عندنا لايبخل بها علينا ..

انا جمعت القصايد في موضوع عشان يكون اسهل للي يدور قصايد ابن الذيب ..

وهاذي القصيده الاولـــى ..

الشــاعر البنـــاتي

ماهوب كالأتـي ولا كالاتـي=اجيبهـا مثنيت(ن)مربـوعـه
والمومن اللي ماهو بمرأتـي=ماني بضامن سيفه وفاروعـه
اكسر عيون الشاعر البناتـي=واللي يفتل شاربـه فربوعـه
واوقف الحالي وريحي عاتي=والعب بحسبتهم وهم مجموعه
وش كان حال الشعر قدام اتي=سؤال ومحير كـذا مطبوعـه
مجلة(ن)ماهي تلامس ذاتـي=لاهي بمقروءه ولا مسموعـه
الـذ منشيتـات منشيتـاتـي=والبحر والابداع والموسوعـه
لكن صباح الخيـر يامولاتـي=فريد من تركيبه ومـن نوعـه
يالفارقه دايـم علـى البناتـي=والفاتنـه جدا"ولكثـر روعـه
لايسمع السلطان تصريحاتـي=يهل وضاح اليمـان ادموعـه
ياسيـدة حسناتـي وسيئاتـي=والشوق والفرقاء وكثر اللوعه
قرأنـي وانجيلـي وتوراتـي=والوصل من جدوله لي ينبوعه
تجبرني ارفع لسماء نظراتـي=مشاعري لمواصلك مدفوعـه
الله يعطينـي علـى نيـاتـي=ومن الرذيله والرداء مرفوعه
مبدع وبيت(ن)واحد من ابياتي=تفخر بنشراته كـذا مطبوعـه

وســـــــلامتكم

منقول من الاخ الشــاعر العوووود

[محمد الشامري]

مرقـــص دبــــي



قصيدة الشــاعر الامــاراتي جـــراح

مرقص دبي اللّي له القلب يرتاح =حتى سلاطين الجزيره تدلّه
لاصار ما في شربة البن مصلاح =غرشه من الويسكي بفنجال دلّه
وان كان يابن الذيب منته بمزاح =فانا عقدت الحبل وانته تحلّه
هذي بداية معرفتكم بجراح =إما شربت الكاس والا فخلّه

وهــذا رد شــاعرنا ابن الذيــب عليــه

ماهوب صح الله لسانك ياجراح =يكفي من العلّه ثلاثين علّه
أنته وحكامك هل الكاس لا لاح =والا سلاطين الجزيره لا بلّه
حكام نجد اللّي ورا هضبة رماح =ضلالهم مثل الجبال المضلّه
صغيرهم يلعب بكم لعب مسباح =ويسد فاه أهل القلوب المغلّه
إن مد كف الطيب ماهوب شحاح =والى تعزوا دولةٍ مستقله
مانيب أزكيهم من جا ومن راح =يمكن يجي في صفة القوم خلّه
وان كان هرجك لي ولا انته بمزاح =يما حلا بعض الحكي في محلّه
ما نشرب إلا البن الأشقر إلى فاح =والا حليب بكار في وسط ملّه
رجل وطموحي من ورا النجم لا لاح =أكبر من اني أشتهر في المجله
يكفيني من المعرفه والتمداح =إني إلى ضاقت علي قلت : يالله
الوضع ذا مزعجي ولا نيب مرتاح =بروح واخلي لك دبي كلّه

وســـلامتكــــم

منقوله من الاخ العارضـــي

[محمد الشامري]

تمغط بالغلا

انا ينتابني احساس وشعـور بقلـق واحبـاط=وانا يالله دخيلك من قلـق يدعـو للاحباطـي
وليفي سلم راسـك والبقاطـه شغلـة البقـاط=وانا مانيب بقوط ولاعلـي مـن كـل بقاطـي
ليامني بغيت اضحك معـاك شـوي لاتشتـاط=سوالفك الجميله تشبه الجلسه علـى الشاطـي
عليك الله واكبر من تمـوز الاولـي لشبـاط=تمغط والغلا في خاطر ابـن الذيـب مغاطـي
يابورمشن خبطني من قريب خبطـة المخبـاط=ونبط ضربته في اقصى الضمير الحي نباطي
على شان الهواوي والفراق القاز والمشخـاط=لو ان قلب الهواوي يشتعل من دون مشخاطي
ليامن قلت احبك من حدود الحرص للافـراط=تلفت لـي تلفـات الكبـر وتقـول خراطـي
وانا ياجعل ربي مايوفقنـي مانيـب بخـراط=غرامك في ضميري كنه الاجمـرة ارهاطـي
يااروع من كتابة شكسبيـر وفلسفـة سقـراط=غلطت او ماغلطت اللي سواتك يدمح اغلاطي
ولو تقبض علي شرطة دبي بنـادي الظبـاط=ترى القلب ادمنك وانت السبب لاصار متعاطي

وســـــــــلامتكــــــم

الكاتب : محمد الشـامري

[محمد الشامري]

مرثيــته في الشــاعره صــدى الحرمــان

وسر يا ليل وانته ليل وحسابك علـى السهـران=أعلمـك .. الحيـاه .. ومرحلتهـا الإنسيابـيـة
على وجه البسيطة..أفرق الماضي من المليـان=وأغني لي ببيـت وتنتحـر.. عشريـن حوريـة
وبعد هبّت على خشمي هبايب موسـم الأحـزان=تنحـرت القصيد..الـلـي تبكّيـنـي معانـيّـه
أنا عز الله إني..ما نسيتك يـا صـدى الحرمـان=لو إن مابه علاقـة غيـر حـب الخـي للخيـة
تجمّعنـا مساحـات الأدب..والحـزن والقيفـان=وتربطنـا تقاليـد العرب..والشيـمـه الحـيـة
كثر ما الهـم فـي قلبك..ديـون مالهـا ديّـان=أحس الكـون فـي عينك..حكومـة دكتاتوريـة
أشوف إن في قصيدك سلطة الحاكم على الرعيان=ولـو تزعل..حركـات التـذمـر الانفصالـيـة
أنا لي بنت فكر مـن وصلهـا علمـك مسيّـان=وطاها ما وطـى قلـب اليتيـم فـأمـه وبيّـه
لو أن ما يرهب الشجعان..لا من فرّوا الشجعـان=سوى صهلة خيـول القـوم ودمـوع السنافيّـة
أي والله ببكي وبنثر دموع المعرفة مـن شـان=تعابيـر الغلا..والقـلـب الأبيض..والمحنـيّـة
وأنا لولا الأحاسيس النظاف وصـادق الوجـدان=نحرت خيول دمعي..قبـل تاطىء..جفـن عينيـة
لو إن ما أنتي بعجمية تعازيها علـى العجمـان=لكنك في عيوني..أقـرب مـن الفيـن عجميـة
لو إن ما أنتي صحابية لها بين الصحابـة شـان=لكن عندك مـن أخـلاق..أم عمّـار الصحابيـة
لكن يا قلب ياللي فيك..غصـن يابـس وذبـلان=لا تبلـش فـي السنيـن المقبلـة والأولانـيـة
اهي مثل الأديب اللـي توفـى ظامـي وجيعـان=توفـى واكتفـت كـل القـبـور الإرتـوازيـة
وأنا مثل العزيز اللي يعـرف إن الفقيـر إنسـان=ولكـن عـذره مـن الله الأوّل..ثـم مخابـيّـة
وهي تدري ما فيه أقسى من مفارق ربى الأوطان=سوى اللي ينكر أن الجمر يحرق رجـل واطيّـة
وأنا اللي ما عرف نعمة تساوي نعمة النسيـان=ولولاها..غـدت كبـد البنادم..جـمـرة حـيـة
عليها من تباريـح الحـزن آيـة مـن القـرآن=ويلهم أهلها صبـر النبـي عيسـى و حواريّـة

وســـــــــلامتكــــــــــم

منقولــه من الاخ ابن مجحــود

[محمد الشامري]

قصيــده نثريــه لأبن الذيــب (( زخم الاحــداث ))

في زخم الاحداث وبين قسوة الذكور ولين الاناث ..

اشتدني من الاعماق ارتكاز بيت لنزار قباني .. وهو من المجني عليهم ولا الضالين وليس الجاني..

فقال : شعب اذا ضرب الحذاء برأسه .. صرخ الحذاء بأي ذنب اضرب ..

فصحى شاعر شعبي من غفوتــه وقال

سيدي ياشيخ الاســلام الآتي =من رحابه للسماء لأ ارضنا المنعفســه
مر زولك في عيوني وأمتلت نظراتي =ومن تلاشى صارت كبــار المعالم طفسه
ياصلاح الدين الايوبي لاطال سكاتي =عذري من سود الليالي كل أبيها جسه
كل يوم أون ظلم وتنتحر آهاتي =والعريس يموت ويكفن بليلة عرســه
في زمان العولمه والانكسار الذاتي =العروبــه صايعــه والشعــب ينكــح نفســـه

وانا مواطن عربي لست ذكــي ولست غبي .. واذا ذبحت ذبحتو ومثّل بجثتي بعد ذبحها ..

قيل وهل يضيــر الشاة سلخها بعد ذبحهــا .. ؟؟ !!

أنني عليل والذئاب في وطني قليل والكلاب يزيد نبحــها ..

أتعلمون أم تصدقون ؟؟!!

أنني وأعوذ باللــّه من أنني ..

لأنني أكتشفت وجه التشابه ولا غرابه بين .. حكام الغضب في ظل الواقع المرير ..

والكائنات في كوكب العجب ذات الذنب القصيــر ..

رغم الاختلاف في معنوياتهم المحبطــه وعدوانيتهم المفرطــه ..

فصرخت وأنا رجل وكان بي رجــس .. وامعتصمــاه ..

فأستشهدت أحدى أخواتي في القدس .. فأطلقت رأسي في خجل وأصبحت بلا شفــاه ..

ولاذكرت وعلي الحرام اني صــــادق الا صوت البنادق .. في وادي العجمان ..

بين متالع وجوده ومعركة كنزان ..

وهذه مناطق معروفــه والى مسامعكم غير مألوفــه وللحديث شجون ..

والحديث ذي شجون والى مئآربه اليه قد لاتفهمون لنا عوده ..

فسألت نفسي بحماقتي المعهوده وشراهة دودة القـــز ..

وهي دوده لها فائده قد لايحظى بها وزراء العرب وهم مجتمعون على مائــده .. !!

فسألتها .. ماسبب كره العرب واليهود وعاد وثمود واليوم المشهود ؟؟

فقالت ومالت وليتها عندما مالت ما قالت :
لأنك عربي أبي ..
فقلت : هذه أهون من خلعي لعباءتي فلن أغيــر هويتـــي ..
فقالت : غبي .. بل لأنك مسلم تقي .. وذو فكــر قبيــح ..
فقلت : غيــر صحيح .. أنني أؤمن بموسى صلى الله عليه وسلــم .. وأخــاه .. ولا أتكلم .. وأؤمن بالمسيح .. ومحمد نبــي ..
فقالت ومالت وليتها عندما مالت ماقالت :
لأنك .. أنســــان ذو لســـان وشفتـــــان ..
فقلت : أنقلـــب الى حيــوان واللـــّه المستعـــــان ..
فقالت : وماذا تريــد أن تكــون ؟؟؟
أتعذرون ؟؟ ..

أتريــد ان تكــون ثور أو حمــــــار ؟؟

قلت : لاخيـــار أن بيني وبين الحمار أختلاف في وجهات الانظــار ..

أريــد أن أكون ثور فأهيج فأثور ..

فقالت : وهل تجزم أو تســالم بأن ترضى رابطـــة الثيران في العالـــم أن يكون بينهــا ثور عربي مسلم ؟؟؟ !!

وســــــلامتكـــــــــم

الكاتـب : محمد الشــامري

[محمد الشامري]

صــدة المقفيـــن

انا بدي أغني طـرب والعـرب ممسيـن=لاكن قلبـي المرجـوج ضايـق ولا بـده
أيلا من تغدى خالـي الهـم أبـو قلبيـن=انا كبـدي تعيـف الغـدى جعلهـا الغـده
انا طرقي يرجـي زمانـه عسـاه يزيـن=ويلامن حصله قوت يومـه نسـى غـده
ياقلبي لامن ضقت أش الضيق للمسكيـن=ويادمعي لامن سلت أخ والمرجلـه هـده
وياعجمي لامنك طحت تكفى طيـح بزيـن=أبا طيحتك طيحت شجـاع ٍ ماهـوب وده
وانا مانيب غشاش و النـاس غشاشيـن=ولاجيبها مـن حـد والنـاس مـن حـده
لاكن علم اللـي يكتـب البيـت والبيتيـن=أيلا سنـع الضمـه تبلـش مـع الشـده
من البارحه واللي وراهـا ويـلا ذلحيـن=وانا الشاعر اللي يطـرق البحـر ويقـده
تقلدنـي الغـاويـن لاكــن شلغـاويـن=لونها بتقليـدي أيـلا غبـت مـع سـده
على الشيخ جاسم ودي أرسل كلامٍ زيـن=لاكـن موتـري مكينتـه تشتكـي حـده
ودور على جمسٍ ولاهـو مـن الألفيـن=لاكن خمسـه وسبعيـن ومغبـرن شـده
قد أستخدموه بشغلت القـات والهرويـن=من أول يوم أعصابر النـاس مـن شـده
ولافيـه ملكـيـه ولانـمـره وتأمـيـن=ومع بندر بن سـرور قـد راحلـه مـده
ولاهـو أبـو شكمـان لاكـن شكمانيـن=يحد الشبح بـس الشبـح ماهـو يحـده
ورفارفه حول البدي كنهـا مابيـن وبيـن=اليلامن شحطه ثنيـن راعيـه ثـم هـده
ردايف هنوفن تلبس الجنـز أبـو خطيـن=أبيهـا ماهـو مضـبـوط والأم مـرتـده
اسوقـه انـا والا حـدا خوانـي الغاليـن=على شان ياصل علم مـن شيـخ ويـرده
ترا الشيح جاسم بن حمد من عرفته ليـن=هـذا اليـوم ليـن أمـوت أغليـه ووده
ولي الفخر فـي كـل توقيـت والا حيـن=يمثـل تميـم أبحـزة الضيـق والشـده
هذا الأدمي مخلوق من نور ماهـو طيـن=يشاعرك من جده ويلا رضاك مـن جـده
ادور على شوفـه ولبـي وأقـول أميـن=وعلى صحته ورضاه حتـى علـى سـده
عسا السد فاول شوط يكسب ثلاثه ثنيـن=أشجع مع الجمهـور وانـا مالـي شـده
لاكن ياطويل العمر عن طعنـت السكيـن=مقامي عزيز ونفسي أكـرم مـن المـده
ترا اللي عند قصرك حقرني قبل شهريـن=ماهو من هل العليـا ولامـن هـل الـرده
ياشيخ الهوى لامر خضر الغصون تليـن=لاكنه لو يعـرض علـى الضلـع ماقـده
وانا بين عرق المرظـف وأبـن حثليـن=مانيب صلبين ويش خالـه ويـش جـده
لا رحت صوب دبي وان جيت صوب العين=انـا سمعتـي بيـن الرجاجيـل ممـتـده
لون الفقر وصدوف بقعا وضلـع الديـن=تـرد الكريـم أمـن المواجيـب وتـلـده
لاكن بالعزوم اللي لهـا القاسيـات تهيـن=نوطي على خشم أسـود الوجـه ونضـده
نحشم الصداقه وان فزعنا نجـي عجليـن=على موقفـن ماكـل رجـل ٍ يجـي قـده
ترا صدة المقفين عـادي وهـم مقفيـن=لاكن صدة المقبل الا أقبـل هـي الصـده
لاكنك طويل العمـر وانـا مـن الوافيـن=وذي ميزت العجمـان فـي كـل مسـوده

وســـــــــلامتكـــــــم

منقــوله من الاخ الشــاعر العوووود

[محمد الشامري]

يامطــولك يـا بــال

يا ماطولك على القهر والصبر والفتنه يابال=لوان بـه دمعـه اتسـر الحـال ماوفرتهـا
لاكن روس أهل الوفا ماتندفن بين الرمـال=فحولهامن فوق لارض وفوق لارض وتحتها
وياوقت ياللي لك ثمان سنين وديارك محال=ارضيت لك ناسن وناسـن جاتلـك وزعلتهـا
لاتنفعل وتضيق وتـزود علينـا الانفعـال=خل الفرح في ليلة الجمعـه يعانـق سبتهـا
والعزوه اللي في مجاورها ذرا ولها ضلال=تجبرنـي بوقفـه تنومسنـي الا وقفتـهـا
وقصيدتن ماهي تشرف موقفي بين الرجـال=ماليبهـا ودور اللـي تنـذكـر لاقلتـهـا
وقول بسم لله وهي تاتي من الراس أرتجـال=مثل المخيلـه يـوم خيـل مزنهـا خيلتهـا
موضوعها من واقعي ماهو من صلب الخيال=وان لفلفوهـا مدعيـن الحكـي مالفلفتـهـا
لون بـه قدامهـا وحـده معانيهـا أثقـال=قالوا وجيه الخيـر كنسلهـا وانـا كنسلتهـا
على حرارتها تفوحـن الغـواري والـدلال=وابكـي الشيبـان وانـا مابعـد كملتـهـا
لن الحدث يبغا لسانن طلق ووجيهن أطـوال=شروا الوجيه اللي تنومسني أيـلا نومستهـا
مثل ماقال أبن الشمالي في قصايده الجـلال=يوم أنتها شين الحجـاز وقـال لالا مانتهـا
انا من ال مره هل الردات والابـل الغـوال=وان كان في راسك حصاتن قاسيـه بينتهـا
وليا ذكرت أنكم خوالي شاش راسي يالخوال=وريحـت الغصـون المايـلـه وتحتـهـا
لأننا بني عم ومواقفكم مع ربعـي أجـلال=مواقفن لو ضاقـت الدنيـا علـي عينتهـا
ساعت ماردينا الشلايل صوبكم والدم سـال=جيتو وساعات النصر بقدومكـم ضمنتهـا
ونهار رديتو الشلايل داخل الـوادي شمـال=جينا مثل ماجيتو وهـاذي قضاهـا فختهـا

وســــــــلامتكــــــــم

منقــوله من الاخ الشــاعر العووود

[محمد الشامري]

قــد صيــح التــاريــخ يالعجمــان

ياضيوفنا بيض الوجيه السمحه النبل الكـرام=الليلـه العيـن الحزينـه ماحـن أمبكينهـا
يامرحبا ترحيبـة فيهـا غـلا ولا انسجـام=تكاثروهـا القـوم والعجمـان متشاوينهـا
الله خلقنـا درجـات وكـل انسـان مقـام=لكن قربه من عبـاده فـي تفـاوت دينهـا
والعين مدهال السهر والقلب مدهال الهيـام=والانفعـال اللـي يسببـه التفاعـل بينهـا
وشرف علامات السماحه فالوجيه الابتسـام=وعزها ضحـك أحجاجـك ساعـة ٍ ياشينهـا
يامعزز لصبيان يام بقدرتـك برجـال يـام=لازمت من فوق الرجال أستر علي من عينها
ون طاحت الدنيا على راسي ماخلتني حطـام=أصيح بقصى يام وعيوني علـى شبرينهـا
ياوجد حالي يابني عم السعد في كـل عـام=يوم المواتر خيل والموت الاحمـر تأمينهـا
اليا وقفنا مع طويلين الشبور أنشـق خـام=لمن عين ابن المرظـف أو لبـن حثلينهـا
والطنخه اللي صدق والفعل المحكحك والكلام=فعول ربعي يوم طاح أبن جلوي في عيينهـا
يوم أعتزينا والحراب مركزه والدرب شـام=صدورنـا مدهـال لطعنـات ومضرينـهـا
قد صيح التاريخ يالعجمـان مامنهـا سـلام=النصـر ولا المـوت قلنـا هاتهـا ثنتينهـا

وســـــــلامتكـــــــم

منقــوله من الاخ الــشــاعر العوووود

[محمد الشامري]

ســـوق شـــــرق

يا سليم ثنين قهوة تركـي وواحـد بكيـت=موشته لا سبيـل ابـن العراقـي لا مـلاه
استريت إن جيتك وإن روح الوقت استريت=قالها واحد من العالـم وانـا واقـف حـذاه
والتفت وقلت يا قلب التعاسـة وش بغيـت=لو غرامك شربة الدخـان ياحـي الشـلاه
البلا آلما يزعج الخافـق ونينـك فالمبيـت=لين يرفع لي اذان الفجـر وتقـام الصـلاه
اصلب من الكنكري إن خلطنـاه بالسميـت=صدمة الشيخان لا ذلوا .. لهم عيال الرعاه
والدفاع الصلب يكسره الهجـوم المستميـت=والشجاع اللي يقـارن مستـواي بمستـواه
ياهل الدوحه نصيحة كان رحتـوا للكويـت=جنبوا عن سوق شرق حسبنـا الله وعـلاه
فيه بنت الهاص طاغية ٍ على بنت السبيـت=وان لقاها شيبة الديمن تعثـر فـي عصـاه
من هنوف ٍ حبها قفى علـيَ ومـا دريـت=حطني في وجهـة المدفـع ولقانـي قفـاه
اتصل بـارك الله فيـك لا منـك فضيـت=والجهاز اللي تنادي لي معه عطنـي نـداه
ذا كلامك يوم اسمِّعك القصايد بيـت بيـت=في الصميم وكل بيت ٍ ازين من اللـي وراه
الله اكبر يوم وكدت لي الوعد وضويت جيت=من تولـن وبديتتـك علـى وادي الميـاه
انصدمت بعنف في مالا توقعـت وغدييـت=مع كاهل ما عرف طعم السعاده في صبـاه
كل ماقلت اللقـا قلتـي اصـول الاتكيـت=ما يجوز موعد العشـاق اسبـق لـه لقـاه
لو حجزتي لي جناح ٍ ملكـي وألا سويـت=اللقا لابـارك الله فيـك لوفـرض خـلاه
موقع في الأرض ما لج فيه ذكرى لوفنيـت=الظما والجـوع لعيونـك ولا زاده ومـاه
كن في قلبي مثل شجاره اجنـوط الونيـت=لا شحطها اللي ظروف الوقت باحثت خفاه
اطعنيني لاجل اقول آه أبوصالح لا حييـت=وان رحلتي ماطعنتيني بعـد مـا اقـول آه
سارع ما رحتي وأنا توي من الأعماق جيت=قلت اعشقك من جديد وماياست من الحيـاه
والحقيقة مابغيـت ابكـي ولكنـي بكيـت=سالـت ادمـوعـي عـلـى ذيــه وذاه
ادري ان ماعاد منها شي لكنـي استحيـت=تحسبين اني بدون احساس وان قلبي صفـاه
ان رحلتي والغلا له في ركون القلب بيـت=يحفظك من سخر الهدهـد لبلقيسـة سبـاه
لو ملكتي غطرسة هتلر وحنكة لـزا بيـت=ما تناسيتي ليالي الوصل والحـب وجفـاه
اندهـي واقولـك لبيـه ياروحـي فديـت=ضحكة كنها مساء الخير من حلـو الشفـاه
انتي انتي سبة الغـزو العراقـي للكويـت=ولو غزى صدام مرة ثانية بغـزي معـاه

وســـــــــــلامتكــــــــم

منقوله من الاخ راكان اليـــامــي

[محمد الشامري]

سياســة حـوحـو مثــل سياســة قيـص قيـص

ترى سياسة حوحو مثل سياسة قيص قيص=لكن مكافي اللي غاياته بررت وسايله
مابه يتيم الا اللذي ماله ولد عم خليص=ينوب عنه بالدهر وان ثقل حمله شايله
لأن السنين المقبله عويات ذيب ونبح نيص=والا الابوه والامومه مرحلات زايله
هيص ياقلبي في بساتين (الفلا) وانا بهيص=والفرصه العاديه تغطي عليها الهايله
والا (كولومبس)من ردى حظه ماجا شرقي خريص=كان اكتشف صخور الارض الصلبه من السايله
مراتع اللي مالك قلبي وله جرح غويص=يجتاحني بين الضلوع العوج وانا شايله
تعال يا اعذب من قصيد ابن غراب البن رميص=يامسبب هدرة بعير القلب ورغا حايله
يا أمتع من علوم القنص عقب البطا في اذن القنيص=وارق من وبل السحاب الا انتثر في القايله
ياروعة الشعر افـغراميات (سعد بن حريص)=بأسمعك بيت مهستر بي وانا اللي قايله
خليتني دمعه على خد الزمن فيها بصيص=من المآسي والكوارث والحروب الطايله
وانا حريص اني ما افرط فيك ولاني ابحريص=تبلشني بقلب يحايلني صبر واحايله
يامخترع (سياسة التهجير)والحب الرخيص=يامقشرة هالعشق وآه منه ومن عمايله
أصيح صيحات النذير وأون ونات القريص=وأيلا قدح برقك ورا حد السحاب اخايله
غير الغدر يوم اصلب عظامي وانا حالي نقيص=الهجن تقطع بيدها واكوارها متمايله
محّصت قلبي بالغلا وانته نتاج من المحيص=راعي الجميل يموت ماتنسى العرب جمايله
من كثر ماتملك خصوصيه بقلبي يالخصيص=ماباقي الا أسجل أسمك وسط كرت العايله

وســــــــــلامتـكــــــــم

الكاتـب : محمـد الشــامري