مدري وش اللي ينقمه ابن زلفه !!!!!

[قديم الشوق]

لا يفتأ هذا المأفون الأشيمط البغيض _ ابن زلفة _ بمناسبة وبدون مناسبة إلا ويتحدث بكل جراة

عن موضوع قيادة المرأة للسيارة _ والمحسوم شرعا ً من قبل علمائنا الأجلاء _ وأنه _ أي موضوع القيادة _

جزء لا يتجزأ من حقوقها الشرعية وكأنه أصبح وصيا ً على نساء المسلمين بل كأنه أصبح هو وزمرته

من العلمانيين اللبراليين _ أعداء البلاد والعباد _ أعلم بها وبشؤونها منها ذاتها ومن علمائنا الأفاضل

ولهذا كله ولتطاول المذكور على أمور الدين التي ليست من شأنه ولايفقهها , جادت قريحتي بهذه القصيدة ..

مدري وش اللي ينقـمه ابن زلفه=يومه يدّور بالردى بنت الاجواد
دينه ودين الدين واللي بصفه=حظه ردي وممتلي قلبه احقاد
دامه غـشـيم ومالقى أي حرفه=أخير له لوبدل هباله رقاد
قولوا لابن زلفه إذا فـيه خفه=ياخذ له قـراية مع حبة ْرشاد
ياهـوه مثلك ماتهنى بشفه=وان كان ماقـيدت نفـسك بتنقاد
بدال ماتاقـف مع الدين وقـفه=أصبحت واهل الدين في حرب وجهاد
عـندك بناتك ياقليل المعرفه=حقق لهن على يدك حلم ومراد
ظهر بناتك دون بشت ٍ وغـدفه=وركبهن الموتر كذا كبر وعـناد
وعلمهن(التفحيط) في كل لفه =واشتر ( مواترهن ) وكاله بالاقـساد
عساك واهل العلمنة بالف ذلفه=واللي يبي صيد الستيرين ينصاد
كلام راعي العقـل ايطيح نصفه=وطحت انته بكبرك من عـيون الاشهاد
ذولا بنات رجال ياابن آل زلفه=ربوا هـنـّيا ماربوا بارض الالحاد
تري المرة درة مصونة وتحفه=ربي حماها وصانها والله الهاد
وتراك وان كبرت علابيك نتفه=ولا انت محسوب ٍ من عداد الاجواد
أخير لك لو شفـت لك أي صرفه=وأخير لك وقـف قـبل يقـدح زناد
وفي وقـتها لاتحسب العلم صدفه=وترى النشاما وافـيين ٍ بالاوعاد
خيبت ظن النايف اللي تعرفه=أميرنا المحبوب لطام الاوغاد
أميرنا اللي عمّـك بزود عـطفه=يومه يظن انك خبير ٍ وأستاد
نزوتك أعـمت قـلبك وجتك خلفه=لاهـمك بلاد ٍ ولا هـمك عـباد
من حارب الله ياهـو بيشوف كلفه=والله للباغـين دايم بمرصاد
من حارب الله يختزي رغم أنفه=وياويله اللي عن دروب الهدى حاد
ومن دّور الشينه على كل ترفه=بيلقى العقـوبة في بنات ٍ وأولاد
اسلومنا ماهي عـن العين طرفه=وعاداتنا عادات الآبا والاجداد
الدين هـذبها طهارة وعـفه=والمسلم المومن بدين الولي ساد
من منهل العـفة خذ اليوم رشفه=جرب لعل الله ييسر لك الزاد
أغواك شيطان الهوى وانت خلفه=حفـك بشهوات ٍ وكبلك باصفاد
ياكبر حلم الله وياكثر عـطفه=لولا الولي ماشالتك أرض وبلاد
والدلة اللي ماتقـنــّد بقـرفه=وهيل ٍ ترى مابه لها شف ومراد
مثل الرجل لا قـل بالدين عرفه=ماكنه الا زل بن ٍ بلا قـناد
ياخبل من يحفـر بكفـيه حتفه=عنك ان ماله مع هـل الخير مقعاد
واللي انغمس بالزيغ ياصعب عـسفه=يقعد له ابليس ٍ على خيل وشداد
ويالله عـز الدين وانصره واكفه=من كل علماني ومن كل ........ ؟
يالعبد ياللي كنت مضغة ونطفه=الله يتوب وإنت بالباطل تحاد
قوتك في الباطل تورثك ضعفه=وبيلحقـك منها الردى والتنقـّـاد
حكامنا رجال بهم زود رأفه=ودستورهم شرع الله والله الباد
وعـدو رب الكون لوزاد قـصفه=ماعـندهم له غـير سيف ٍ وجلاد
الله يعز الدين واللي بصفه=وينصر هـل العوجا عـظيمين الامجاد

قديم الشوق