توصيني يالغالي وأنا العام أوصيك.. شيلة رائعة من كلمات وأداء نايف العتيبي

[عبدالله آل عامر]

بسم الله الرحمن الرحيم
:
أسعد الله أوقاتكم جميعاً بكل خير أعضاء وزوار مجالس قبيلة العجمان
:
أقدم لكم في هذا الموضوع قصيدة للشاعر: نايف العبيد العتيبي
:
وهو قام بتلحينها وأداءها.. أتمنى تحوز على اعجابكم..
:

توصيني يالغالي وأنا العام أوصّيـك=وأنا اللي هويتك دون هـذي وذيّـه
تراني على ظنّك ولا أخلف هقاويـك=لو تقول هات الروح جاتـك هديّـة
قويّة عزومي وأنـت ربّـي يقوّيـك=وتبقـى علاقـات المحبّـة قـويّـة
على قدر ما تنطيني يا زيـن أبنطيـك=وبوفي لكم ما دامـت الـروح حيّـة
لأنّـي أحبـك يا بعـد قلـب مغليـك=ولا أشوف مثلك وسـط نجـد العذيّـة
يوم إن المطيّة نوّخت فـي مراعيـك=ألا ليتهـم شـدّوا خطـام المطـيّـة
دروبي ليا غابت طيوفـك مشاويـك=وتبقى صحاصيح الحشـى جرهديّـة
ليا بانت الغـرّة وعينـي تراعيـك=أبهّـر فناجيـل الشعـر شاذلـيّـة
يبين الغلا فينـي ليـا حـلّ طاريـك=ومن حولي يكشفني ليـا لـدّ فيّـه
أقلّب رسايل واردي ميّـتٍ فيـك=ما غير أنقل الجوال صبـح وعشيّـة
ذبحنـي تغنّجـك وغلاك وتغلّيـك=وأنـا ما لـي الحيلـة ولا مقدريّـة
صحيح إنك حبيّب وأنا مغرمٍ بيـك=غرام الملوّح فـي هـوى العامريّـة
ولكن ترفقّ بـي عسـى الله يخليـك=ولا تتركن مجثـي وروحـي شقيّـه
ترى بدنيتي ما أغليت أنا كثر ما أغليك=أنا أغليك حتّى قبـل تلبـس عبيّـة
من الناس والعربان ماحدٍ يساويك=وزيلانهـم ما صـار لـه قابلـيّـة
حرام القصايد دون وصفك رواكيـك=حـلاة القصايـد فيـك والسامريّـة
تعال اسمع آخر ما انكتب في معاليك=بيوت العتيبـي فيـك يا حـي حيّـه

:

:
للتحميل اضغط هنا
:
تقبلوا تحياتي وتقديري
:

[هادي بن فهاد]

تسلم تسلم

لاهنت يابـوسـراج على نقل الشليه عساك ع القوة

[ليــه يازمـــن]

مشكور وماقصرت

والله يعطيك العافيه

[الريمي 2009]

مشكور وماقصرت

تقبل مروري

[EmpeRoR]

أختيار موفق أخوي عبدالله ال عامر..
لا هنت ويعطيك العافية على الشيله الرائعة.
تقبل مروري.

[عبدالله آل عامر]

لاندمتوا والله يعافيكم.. نورتوا الموضوع
:

[ثامر الشميعان]

لا هنت يا عبدالله ويعطيك العافية على الشيله الرائعة

[عبدالله آل عامر]

لاندمت والله يعافيك يا ثامر
:
شرفت يالغالي
:

[عمر الرشيدي]

لاهنت الاخ ][ عبدالله آل عامر ][

صح السان الشاعر ][ نايف العتيبي ][

يعطيك الله الف عافيه على النقل الجميل

تقـبل تحيـأتي ][ عــمر الرشــيدي ][

[عبدالله آل عامر]

لاندمت والله يعافيك أخوي عمر الرشيدي
:
نورت الموضوع
: