هل جربت الحب يا فالح ؟؟؟؟ومنذ متى؟؟؟؟؟!!!!!

[د.فالح العمره]

	هذا الموضوع كان عباره عن سؤال احد الاعضاء في منتدى آخر وكانت اجابتي له س- هل انت تحب ومن متى ؟ بدون احراج وخذني على قد عقلي ! لا هنت يا السنافي ولا فيه احراج وهذه اجابتي ج- نعم حبيت يا السنافي وعشقت , واغرمت في وحده انت مما تتوقعها , ولو انك ما سألت ما جاوبت ولكن علشانك وعلى قولتك بدون احراج!!!!! حبيت وحده واغرمت فيها , جميله واصيله ولكنها صعبة المراس , والمشكله اني ما عرفتلها, مره معي زينه ما أحلى منها ومره تنقلب علي وتتغير تصرفاتها , صرت أسايرها من حبي لها وعشقي وغرامي بها, حبيتها وانا صغير وطحت في هواها , وانت تدري الحب في الصغر كالنقش في الحجر , وكل يوم عن الثاني اتولع فيها , طبعا هي استغلت حبي لها وشوقي وغرامي فيها , وصارت تتغلى علي وتتدلع وطبعا هذا طبع الحسنوات, صارت تهجرني وتبعد عني كل ما قربت منها , وانا احترق شوق وقهر وذله من تصرفاتها فيني وعدم رحمتها لي وبحالي , واللي قهرني زياده وابكاني وخلاني اطيح على وجهي وما شالتني رجيلي , اني شفتها تضحك مع غيري وتحب غيري , بعدها صحيت وانا في المستشفى!!!!!!!!!!!! قمت قالوا اللي يحبوني الحمدلله على السلامه !!!؟؟؟ قلت انا شفيني , قالوا تجاوزت مرحلة الخطر , قلت اي خطر قالوا: صارلك اسبوع في غيبوبه تبكي وتصيح بإسم وحده!!!؟؟؟, واذا كلمناك ماترد وتسكت , والحين الحمدلله يقول الدكتور انك طيب وبخير , انا قمت وتذكرت اللي مضى , وتذكرت محبوبتي وضحكاتها مع غيري وعاهدت ربي وأقسمت على نفسي اني اجيب راسها واعسفها وانا فالح راحت الايام ومضت الليالي , واجهتها نعم واجهتها قلت لها : ليه تسون فيني كذا ؟ وليه تتلذذين في اهانتي؟ , وانا اللي كنت احبك اكثر من نفسي!!!!! وقالت وهي تسخر مني ما انت بكفو لي !!!!!!!!!؟؟؟؟؟؟؟؟ انت ضعيف جبان ولا انت بقدي شوف غيري تحبه ويحبك!!!!!!!!!! طبعا طار الشرر من عيني , واحتمى راسي , وحلفت بالله اني لأروضها واعسفها دست المكايد علشان اتحداها , وركبت بحور الخطر علشان اعلمها من انا !!!!؟؟ صرت اواجها في كثير من الاماكن والمحافل وتضحك في وجهي وانا ما اراها شي , وصارت تتقرب مني وتلاطفني , قلت لها انا ماني كفو لك , قالت انت الحين غير !!!!!؟؟؟؟؟ انت وصلت الآن الى طموحي , والحين اقدر اعطيك شي من حناني !!!!؟؟؟؟ قلت لها :انتي ما انتي بكفو اعطيك وجه, انا همتي وعزتي تفرض علي اني اتعداك بكل قوه , لأني الى الأن ما لقيت معشوقتي اللي تليق فيني, قال نسيت الحب والغرام والعشق , ؟؟!! قلت: ما نسيت , بس انا صرت ابحث على من هو اعلى منك قدر ومنزله ؟؟!!! تدري من معشوقتي ومحبوبتي يا السنافي ؟؟؟؟؟؟؟؟؟؟!!!!!! انها القمه وعلو الهمه والرفعه والأنفه, عشقتها حتى اقسمت ان احوزها هذا حبي الاول والاخير وما زلت اعيش هذه الغراميات والرومانسيه حتى يقضي الله امرا كان مفعولا شكرا يا السنافي على سؤالك وعساني وفقت في الاجابه والله المستعان