قصيدة قديمة للصومالي يمدح ال عامر وابن شويل بعد وقعة الغريميل

[اليامي2]

هذه القصيدة للشاعر حمد بن سعيد الصومالي اليامي
يمدح ال عامر والقايد عبدالله بن شويل بعد معركة الغريميل سنة 1404 هـ التي وقعت بين السعودية واليمن وقد قتل من ال عامر عبدالله بن شويل وعزران بن عسكر ومبارك بن مانع بن دواس أما اليمنيون فقد قتلوا جميعا وعددهم أحد عشر رجل وكان عبدالله بن شويل والقوات السعودية قد استولوا على عدة مراكز واجبروا اليمنيين على التراجع إلى داخل اليمن
يقول الشاعر[
العين تشكي وكن في طرفها ملة
عقب المناعير نوم العين قاذيها
مبدى الغريميل علمك وين عبدالله
ياوين ربعن نهار الضيق ندعيها
أنشهد إنهم هل النالات والشلة
يستاهل المدح والنالات راعيها
ربع نهار اللقا تروي السلة
أسقوا هل الجيب مر عقب حاليها
حرابنا في ظلام الليل نندله
لو كان داره بعيدة لازم نجيها
مانبغي الصلح لين البقع نحتله
لين راعي الكرم يعرف قوافيها
نبغي التقدم على اللي مالهم حلة
نروي كبود ظماها باقي فيها
ياطارش صوب مجخر بالخبر قله
زيوده اللي دعـاهـــا لا يخليها
ثلث مصوب وثلث لارحمه الله
والثلث الآخر أسير عند حاميها
حطواسلبهم على اللي حاضر وشله
و مدرعتـهم خذيناها ومـا فيها
نعرف طريق الخطأ والعمد والزلة
قال المثل من حفر حفرة وقع فيها
قل للطحامي وابن ثلة أو ربع له
بلادنا ما اخبل اللي طامـع فيها
حدك رشامة وجارد والسهل خله
من كان عيا فيحضر والوعد فيها
الحد صعبن على اللي ناوي حلة
أجدادنا ما عطوها فكيف نعطيها
لاتحسبنها سواليف على الدلة
واكذابك اللي على ربعك تسويها
يابو جديل على الأمتان منهلة
غني لمن في اللقا يحمي مجاريها
اللي حضر من الامارة والخفر كله
واللي حضرمن مواطن واشترك فيها[/frame][/poem]

[راكان اليامي]

لاهنت ياليامي وبيض الله وجهك والله يرحم ابن شويل وسبعين نعم في ال شويل

والله يرحم ابن شويل وجميع المسلمين

[بدر العرجاني]

لا هنت ياليامي

والله يرحم اللي مات وعز الله قصيدة جزلة

[سعود الخويطري]

لاهنت ياليامي


ونعم في ال عامر , وسلمت يمناك



تقبل سلامي

الخويطري

[خالد بن جديعان]

قصيدةجزلة من الصومالي وهو بالمناسبة من قبيلة آللهندي وكان في ذاك الوقت سائق في سلاح الحدود بنجران

[حبيب]

اليامي صح السانك والسان الصومالي

والله يرحم اللي توفى

[الدب القطبي]

لاهنت ياليامي
وبيض الله وجهك ووجيه ال عامر فهي ليست بغريبة عليهم فهم أهل الشهرة والدم المنثور
فقد كان هناك قوات سعودية كثيرة على الحد من كثير من قبائل المملكة ولكن لم يشترك في المعركة إلا ال عامر
ولذلك كان القتلي الثلاثة من الجانب السعودي من ال عامر
وقيل فيهم قديما أهل الشهرة والحمرة والدم منهم وفيهم
وقبلها كانت معركة دواثر بين يام وقحطان من جهة وقبائل اليمن من جهة أخرى وانتصرت يام وقحطان فيها حيث قتل من خصمهم 28 رجل تقريبا ومنهم 3 رجال من ال عامر أيضا
قال احد الشعراء بعد وقعة الغريميل
بيض على حد السعودي تبنا ...............والبيض الأخرى في دواثر تلالي

[السنافي]

المشاركة الأصلية كتبت بواسطة اليامي2

هذه القصيدة للشاعر حمد بن سعيد الصومالي اليامي
يمدح ال عامر والقايد عبدالله بن شويل بعد معركة الغريميل سنة 1404 هـ التي وقعت بين السعودية واليمن وقد قتل من ال عامر عبدالله بن شويل وعزران بن عسكر ومبارك بن مانع بن دواس أما اليمنيون فقد قتلوا جميعا وعددهم أحد عشر رجل وكان عبدالله بن شويل والقوات السعودية قد استولوا على عدة مراكز واجبروا اليمنيين على التراجع إلى داخل اليمن
يقول الشاعر[

[/frame][/poem]

لاهنت ياليامي رقم اثنين على القصيده الجزله
والله يرحم شهداء الوطن

[فهد بن محسن]

لاهنت ياليامي

والله يرحم اللي توفى

تحياتي لك

[خالد بن جديعان]

تشهد لنا هياتنا والغريميل...........وأيام قبله ما تغط الشهادة