دنيا(ن) كفي الله شرها غرت الناس

[البركان الثائر]

يا بو فهد تشكي وأنا أقول لا باس=لا باس يا اللي مبتلش بالكفاله
يقبل ويقفي بك من الهم هوجاس=سويت مثل اللي خسر راس ماله
حنا بشر والناس بشعور وحساس=محد(ن)علي الدنياء من الهم داله
دنيا(ن) كفي الله شرها غرت الناس=تردي الردي ما فيه طيب وجماله
صحيح فعل الخير والطيب نوماس=غير إحترص تري الحثاله حثاله
إن جاك محتاج(ن) من الناس منحاس=لا تنهر السائل وجاوب سؤاله
أعطه من الميسور يا طيب الساس=تجنّب التوقيع للكمبياله
وإن كنت كافل و الكفاله علي ساس=أنت إنتبه تصيب نفسك جهاله
ما ينفعك لا وقع الفاس فالراس=تاجب عليك ومنت ماكل حلاله