لغز ........... جديد .. (( تم الحل بواسطة بو عبدالرحمن))

[العـــسر]

السلام عليكم ورحمة الله وبركاته

مساكم الله بالخير

لغز من بدع راسي ..

ويقــــــــــــــول :

بنشدْك عن رجل ٍ له إمن المواليف=واجد ... ولا قد والفوه النشايط
من شهْرته .. ماهوب يحتاج تعريف=إتعلّق إصورّه على كل حايط
لو إنّه إملحّق على كرشة حنيف=خلاّ له إفتوق ٍ مهي تنتخايط

من اللي بيسبق أبو عبد الرحمن

[ابوعبدالرحمـن]

وعليكم السلام ورحمة الله وبركاته


لاهنت يا العــسر على ذاللغز العسر

وانا طال عمرك عندي رمعتين هاذي الأولى ؛ والثانيه بخليها سبير

جاب العسر لغز كما جمرة الصيف = عسرٍ وصاطي بين الألغاز صايط
فإن كان يقصد راعي الكيف بـ(حنيف) = بتعوّد الصعبه علينا بسايط
اللي شرب خمسة عشر يومه الضيف = ومعزّبه عوّد عليه يتشايط
الرمعه الببسي .. وإذا تسمح آضيف = ويش انت تقصد يوم قلت .. (النشايط)!!

[العـــسر]

أرررحب يا أبو عبد الرحمن

وإستلم

يالهاجس البطران ... لك جايد الكيف=وإتدل دربك دون رسم وخرايط
سوق التراحيب الجزال المراديف=للي يحل إمعقدات الشرايط
يا إمدمر الألغاز من دون تكليف=حليتها .. يالقرم ... وإلا ( النشايط )
هاذيك جاتك ( للنشيطين ) تعريف=وفاللغز ... عاسفها على قاف ( آيط )
لاهنت وأبياتي .. تزيد إبك تشريف=وتمّت .... وجت فوق الحروف النقايط

[ابوعبدالرحمـن]

لاهنت يا ذيبان

الكاتب عسر واللغز عسر وردّك التالي عسر

تسجيل إعجاب

[فهد ال مفرح الضاعني]

الله يعطيك العافيه ومشكور على هذا الغز

[الطرقــي]

هالله هالله يالعســر صح السانك وعتلى شـانك

ولاهنت على اللغز العسـر؟

ونتنا جديــدك طال عمـرك ....


أخـوي ابو عبدالرحمن لاهنت على حل اللغز

وصح السانك وعتلى شانك

واهنيك ع المخ الجيد ههههههه

[العـــسر]

أررحب يا ابو عبد الرحمن

ولا أنت يا ذيب



أنا شاكر لك هذا المرور المميّز وهذه المشاركه الرائعه








تحياتي لك

[العـــسر]

فهد الضاعني


لاهنت على مرورك الكريم

شـكــ وبارك الله فيك ـــرا لك ... لك مني أجمل تحية .

[العـــسر]

مرحبا بك يالطرقي


ولاهنت على هذا المرور المميّز



شـكــ وبارك الله فيك ـــرا لك ... لك مني أجمل تحية .

[مسعطر]

العسر , بو عبدالرحمن
^
^
^
جعل ابو عدوكم للضو منشطكم
تف تف ماااا شاء الله عليكم و عيني عليكم بارده