اكتب اسم الشاعر واللي بعدك يكتب قصيدة لهذا الشاعر ~

[العوصا]

8

أحسنتي اختيار القصيده

تعبت أسافر في عروقي ومليت =من جلدي اللي لو عصيته غصبني
ياما تجاوزت الجسد واستقليت =عن الألم .. لاشك جرحي غلبني
أنا سجين الحال .. مهما تسليت =وانا الطليق وكل شيٍٍ قضبني
حريتي لاعل .. يا كود ياليت =اما شفت حيٍٍ جاد لي ماسلبني
وليت يا ليل التباريح وليت =اما محاني الحزن والاكتبني
كل السما في دفتري وان تجليت =مثل الشموس .. غبار قبري حجبني
لي صاحب وان ما تخلى تخليت =لا بد ما نهدم .. ولا بد نبني

محمد بن علوش

[{عـالـي مستــواهـ}]

اول مره اسمع فيه



خالد الفيصل ..

[فهـد العجمي]

إرفعي سهم المنايا يالعيون = مابقى فيني مكان(ن) للطعون
كل شبر(ن) في حياتي إنجرح = و الذي شقّوا خفوقي يشتكون
يا العيون الطاغيه خفّي علي = كبرت اللّي باوّل ايامي تهون
في عيوني دمعتين واقفه = ردّت الايام دمعي بالجفون
بالغَت فيني تباريح الهوَى = وأستبدّت بي المواجيع الظنون
خبّريني يا غرام العاشقين = كيف يستهوي هل العشق المُنُون
إرحمي قلب(ن) تجاريبه قست = في زمان(ن) ماعرف يوم(ن) حنون
اللسان يخون و البسمه كُذُوب = واصدق التعبير نظرات العيون

عطونا لمحمد بن الذيب

[ِِِAL 3ajmiah]

ماهوب صح الله لسانـك ياجـراح
يكفي مـن العلّـه ثلاثيـن علّـه

أنته وحكامك هـل الكـاس لا لاح
والا سلاطيـن الجزيـره لا بـلّـه

حكام نجد اللّي ورا هضبـة رمـاح
ضلالهـم مثـل الجبـال المضلّـه

صغيرهم يلعب بكم لعـب مسبـاح
ويسد فاه أهـل القلـوب المغلّـه

إن مد كف الطيب ماهوب شحـاح
والـى تعـزوا دولـةٍ مستقـلـه

مانيب أزكيهم من جـا ومـن راح
يمكن يجي في صفة القـوم خلّـه

وان كان هرجك لي ولا انته بمزاح
يما حلا بعض الحكي فـي محلّـه

ما نشرب إلا البن الأشقر إلى فـاح
والا حليب بكار فـي وسـط ملّـه

رجل وطموحي من ورا النجم لا لاح
أكبر من اني أشتهر فـي المجلـه

يكفيني مـن المعرفـه والتمـداح
إني إلى ضاقت علـي قلـت : يالله

الوضع ذا مزعجني ولا نيب مرتاح
بـروح واخلـي لـك دبـي كلّـه



أبي للشاعر طلال الرشيد رحمه الله ~

[{عـالـي مستــواهـ}]

(..علمتني..)

"علمتني وشلون احب..

علمني كيف انسى..

يابحر ضايع فيه.. الشط والمرسى..

علمتني وشلون احن.. علمني كيف اقسى..

سير علي .. بس امسح دموعي وروح..

سير علي .. جب لي معك قلب وروح..

سير علي .. اذا تذكرت الجروح..

ياطاغي النظرة .. خطا..!!

تجزى بهالبخل العطا..

وانااللي اهديتك أمن.. عين وجفن..

هذي فراش وذا غطا..

ياجرح من وين ابتدي..

وانت معي من مولدي..

وعيت يدي .. على وداعك تهتدي..

بس انت علمني الجفا..

دامني عجزت اعلمك .. كيف الوفا..

علمتني كيف السهر.. ونسيتني الممسى..

علمتني وشلون احب..

علمني كيف انسى"


محمد جارالله السهلي

[قضى ليل الهوى طلابه]

مرحبـــااا

ياغايبٍ رجعك عقب البطى خوفك =في كل مرّه تجي وتعاود الكرّه
وتكـبّر العـذر قـبل تـكثر حلـوفك =ولا ضر قلبي كبر عذرك ولا سرّه
قلبي نسيته سنه في راحة كفوفك =طالبك ردّه عليّ والا أكفني شرّه
الله لا يسامح الاشواق وطيوفك =وياويل قلبي من الحرمان والحرّه
ياليتها في يديّ وأغير ظروفك =او ليتني ماعرفت الحب بالمرّه
العام في كل لحظه اقدر اشوفك =واليوم ماقدر اشوفك بالعمر مرّه

اب يابيات لـ متعب التركي

[لبيك]

يا هلا
و استلمي هذا متعب التركي ,,,

وين هالغيبه عسى ماهي إفـراق=ليه تبخل بالمجـي خلّـك كريـم
خابر ان الجرح لا صابه حـراق=مـا يفيـده طـبّ والله العظيـم
ينشدوني وين من رمشه دقـاق؟=قلت مدري ذاك خبري بـه قديـم
الغلا راعيـه لـه قلبـن رقـاق=لو جفيته صارت ضلوعه هشيـم
لو زعل لو شال غيضه واستضاق=ما يخرّبهـا وجرحـه بالصميـم
ادمـح الـزلاّت زلاّت الرفـاق=خصّ لا من صار راعيها حشيـم
واكره الخـوّان كرهـي للعـراق=واعشق الوافين عشقـي للقصيـم
عند اهلها غاليه وضـح النيـاق=وانت عندي يمكن اغلا يا وسيـم
ان بغيت افراقنـا هـاك الفـراق=وش نبي بالحب دام الحب ضيـم

والي بعدي ((مدغم ابو شيبه)) سمي الزعفران

[{عـالـي مستــواهـ}]

رجم الهوى اللي لعـن كوثـر جماهيـره
عـز الله أنّـه مايستاهـل تعـب ساقـي
أتعبتهـا فــي مراقـيـه ومشـاويـره
ذي جرتي نـازل .. وذي جرتـي راقـي
لبيه يا (سـاره) .. ولبيـه يـا (منيـره)
في مهبل الناس مدري ويش أنا لاقـي !!
صدر الشمالـي عليهـن فـك أزاريـره
اللـي مـن آدم وحـوّا مابعـد ضـاقـي
جن المدينـه علـى غفلـه مـن الديـره
وتورّطـن بالرومنسـيّـه والأشـواقـي
مايكتـبـنّ أساميـهـن بالطبـاشـيـره
بيعلمنّـك عـن الموضـه والأذواقـي !!
وجيههـن طالعـات مــن الكوافـيـره
من كثر الألوان كنْهـا (سبحـة عراقـي)
مافيـه داعـي أجاملـهـن بتكشـيـره
وأقول مشتـاق .. لـو مانيـب مشتاقـي
ماهن بكفو السهر .. والحزن .. والغيـره
ودموعي .. وشعري الموزون .. وأوراقي
(كرت أحمر) و (باب طيّاره) و (تسفيره)
في (قلعة الوادريـن) و (بألـف طقّاقـي)
الهنـدي و وايتـه !! والعـود وبعيـره
هـذا مـدوّر ذهيـب !! وذاك سـوّاقـي
لو ما أنصفتني سنيـن العمـر الآخيـره
ماطبّقت عينـي أحداقـي علـى أحداقـي
قفلت سيرة علاقـات .. وبـدت سيـره
اللـي عليهـا الكـلام وهقـوة الهـاقـي
أبرك ضيوف الهوى !! وأغلى مساييـره
ريحانـةٍ تقطـف اللهفـه مـن أعماقـي
ماهيب من قوم : (ابـو دقّـه وتسكيـره)
من قوم : (لاحاسبـت ماتاخـذ الباقـي)
لهـا علـى الزيـن تهليلـه وتكبـيـره
أنعم مـن الـورده اللـي فـأوّل الساقـي
مهيـب أميـره لكنْهـا جنـب الآميـره
ذات الحسب والنسب والمستوى الراقـي
من (أغنياء الرياض) ومـن (هواميـره)
شركات أبوهـا بضايعهـا فالأسواقـي !!
يومي لهـا الغصـن وتغنّـي عصافيـره
والأمـر ينقـاد لرضـاهـا وينسـاقـي
غيداءٍ سهـم عينهـا مـن قـوّ تأثيـره
مخسرٍ سـوق الأسهـم عنـد الإغلاقـي
البـدي والهيكـل اللـي ماتبـي غيـره
(أصطب) و (أستبنتين) و (قير علاقي) !!
مازيّـن أخـلاقـي الـطـب بعقاقـيـره
لـولا عقاقيـرهـا مـازانـت أخـلاقـي
من قبلهـا الحـظ مـن جفـره لدحديـره
ليـن أوعـزت للزمـان وحـرر وثاقـي
وأعتضت عن قوم : (ابو دقّه وتسكيـره)
باللي : (ليـا حاسبـت ماتاخـذ الباقـي)



سعد علوش

[شيخة الغلا]

{ تعبت } .. لـ بو جابر

اببكي على صدر الحقيقه بدون دموع= لان الحقيقه ماهي بحاجه لـ اقناع
تعبت الحياه فعالم الكذب والممنوع = انا انسان في عصر المماليك والاقطاع
ابا موت ناقص عمر لكن نادر نوع = وانا داري ان موتي بسبة ردى الانواع
اذا قلّو اشباهك تشوف الفروق جموع = تحس انّ كل الناس ضدّك وبـ الاجماع
فريد الطباع اليا تواجه مع المشروع = يـ /انه يجن او ايتنازل عن الاطباع
ياربي وانا عبدك عسى صوتي المسموع = هذي دعوتي ويالله يالله تجيب الداع
اخذني من الدنيا موحّد وطاهر شوع = ولانيب ماكل حق مسلم ولا خدّاع
ودخلني الجنه مع محمّد ويسّوع = انا بالفعل ماحس بالدنيا باستمتاع
يقولون لاتامن من الضبع والمفجوع = وانا اقول موت اشرف ولا اتعيش بين ضباع

ابي للشاعر ... / محمد بن ساقان

[البندري القحطاني]

ســـمـي .. وهذي حبيبي الحــزن .. لأبو روز

حبيبي الحزن لاقلطتك عيوني .... رتب شنب ضحكتي في مجلس اهدابي
وتمرك اشجان الحنايا وافرش شجوني .... انت المعزب وضيفك باقي اعصابي
مابعدك الا التعب واقصاك من دوني.... وماقبلك الا الضغون الصبر وركابي
وهذي فراغات عيني من ورى نوني .... تعرف من الصمت دمع وتسقي كتابي
والصمت عشعش على شفاهي ومكنوني.... قام يتعرش من الحسره جذع نابي
وجريده وجهي عسيبه يبس ومزوني ..... جهت قبل لاتلقح بكره ترابي
والشمس ترقى السما وتهل بجفوني..... قطره عرق من جبين الوقت تندابي
والمغرب اللي يصب من الغسق لوني ..... وشلون يمحي الضيا في لوحه غيابي
حبيبي الحزن بسولف على ظنوني .... مليت اسولف على غيري وانا مابي
برد تنحنح وحيفه وارعب غصوني .... واشعلت من منقد العشاق مشهابي
وكن تبغ والوجع ويكح غليوني .... من مابي اللي يضيق بكثر مابي
والصبر مفتاح والضيقات صكوني ... من وين بالقى الفرج لا سكروا بابي
مليت اجي لك من الضيقه على ....هوني ومليت اروح وانا اتعابي هي اتعابي
قلت اتوكا على اصحابي وهدوني .... ومليت اروح وانا اتعابي هي اتعابي
عرفت ان الوجيه اشباه بعيوني.... اصحاب حزني ولا لاحزاني اصحابي
حبيبي الحزن تدري ويش بردوني .... شئ سترته على ردونك وعرابي
ثيابي اول افصالها على متوني ...ومتوني اليوم افصلهاعلى ثيابي


أمـمـم .. ولاعليج\ك أمـر ..

أبي هــلال المطيـري