السلام عليكم ورحمة الله وبركاته(( جديد الشاعر عامر الحجرف

[عامر الحجرف]

السلام عليكم ورحمة الله وبركاته من جديد الشاعر عامر الحجرف نهدي هذه القصيده الى جميع متابعي الشعر النبطي

عفوا ترا الماضي دعاني وجيته=اشكي زمانٍ لاعني وانت غايب
حتى مكان اول لقا مانسيته=يوم احتميتك عن جميع المصايب
حضك رمابك في طريقن سريته=ضايع اوتنخي من يفك النشايب
جيتك وانا اللي لاطلبته لقيته=طلابك من الذل مهزوم خايب
حتى خصيمك من حياتي نفيته=وجازيتني بالهجر وانت السبايب
خذيت كاسك يوم كاسي خذيته=حتى احتضنتك شوق مولع اوذايب
وزرعت لك بالقلب وردٍ سقيته=مثل الزهر يسقيه وبل السحايب
وبيت الغرام اللي بقلبي بنيته=في وجه صكات الزمن والهبايب
لاتشتكي همي وانا ماشكيته=لوتفتش العالم لقيت العجايب
عطيتك اغلى ماطلبت اوخذيته=وياليت مزعلت الاهل والقرايب

[سمو الرووح]

صح الله السانك وتسلم يمناك على القصيدة الجزله ولاهنت

لك كل الشكر والتقدير والاحترام.

[غصون]

صح لساانك وع شاانك


لاهنت قصيد جميله وجزله

تحيااتي لك وتقديري

[عامر الحجرف]

السلام عليكم ورحمة الله وبركاته
شكرا لاخواني الافاضل على مروركم الكريم
المشرفه العامه : سمو الرووح
والعضو الخاص : غصون شكرا للجميع على المتابعه تقبلو تحياتي الخاصه اخوكم الشاعر عامر الحجرف

[على دروب الغانمين]

وعليكم السلام ورحمة الله وبركاته
صح لسانك واعتلا شانك على القصيده العذبه والمعبره
وانت من الشعراء المبدعين ولكنك مقل في نشر القصايد

وحنا من متابعين شعرك من زمان

[عامر الحجرف]

السلام عليكم اخوي المتابع على دروب الغانمين لا هنت على المتابعه اسعدنا مرورك الكريم وان قلت المشاركه فانا معكم ولاكن ضروف الحياه والاعمال اخذتنا عنكم ولاكنكم فالقلب وان شاء الله لن انقطع عنكم ابشرو بالخير تقبل تحيات اخوك : الشاعر عامر الحجرف دمتم سالمين متابعين صفحة الشعر النبطي والقائمين عليها.