ملاااويح الغلااااا

[نفل بن فهد]

السلام عليكم وحمة الله وبركاته

اخواني رواااد هذا المنتدى العزيز والغالي على قلوبنا اقدم لكم آخر جديدي واتمنى ان ينول اعجابكم وذاىْقتكم الراقيه

ارفع ملاويح الغلا لنداوي=والحب له هجمه وصده وغاره
امٌا شهر راع الجناح الرهاوي=ولا على ماكره يبقى وقاره
عجل بمنطوق الهوى للهواوي=بشرني بصوتك وهاك البشاره
الوقت طرف واسود الليل ضاوي=لا يجزع النادر وبيدك قراره
شمس النهار مهرفه لا تراوي=موجب وضيعت الوحش ياخساره
الشمس هفت والوحش هف هاوي=وأتلا العهدبه بين قاره وقاره
في عرض شاهوق الشرف له حراوي=تحت الشفق كنه يبعثر شقاره
لا عاد تنشد ياعيون المهاوي=عليك راج وراج بأول نهاره
وصكت طواريح الشبك وانت غاوي=منا ومنا بين تاره وتاره
وأن زرقوله طير شلوى غناوي=لو ماتعشى فوق راس الزباره
من زوعته تخفخ كبار العزاوي=كفه شطير وهدته من شطاره
نشٌر مواميه الطويلات لاوي=ويفرٌق متون السحايب طياره
لويكسر الحومه بعيد الهقاوي=ماينقله راع الولع بالصقاره
بينك وبينه يقنب الذيب عاوي=والموج يزمي بين دارك وداره
خلي سباريت الخلا للخلاوي=وسمي وصلي ركعتين استخاره

تمت

[عليل المحبه]

الله الله

حزين القوافي

جزل جزل طال عمرك

وبيض الله وجهك على النص

اللي ماهوب غريب عليك



لاهنت

[شامخه بعز ابوهاااا]

صح لسانك قصيده روعه ..

بنتظـآر جديدك ..

[مترك العمره]

الله الله

صح الله السانك على هذه الجزله

مبدع لله درك

وشوقتنا لمخزونك الشعري

تحياتي لك وتقديري

[king الوادي king]

الله الله

صح لسانك ولا هنت على القيده وتسلم وننتظر الجديد

[بندر العجمي]

ياسلاااااااام


وصح الله لسانك



والله لايشنيك وجززله من جزل



اخيكـ

[نفل بن فهد]

عليل المحبه

صح الله ابدنك ولاهنت على المرور

[نفل بن فهد]

الشامخه انتي الاروع

وصح ابدنش

[نفل بن فهد]

اخوي مترك صح الله ابدنك ولاهنت

[نفل بن فهد]

كنق الوادي صح الله ابدنك