قصيده من كلمات خادم الحرمين الشرفين الملك فهد رحمه الله

[شاعره]

هذا قصيده قالها الملك فهد رحمه الله يوم كان مريض في لندن

عام 1385 للهجرى

وبعثها للأمير الر احل فهد بن سعد رحمه الله يشتكي من قسوة المرض
0000000000000


يقول بقصيدته00

يابو سعد صارت على أخوك غارات=شهرين اقاسي من شديد الغرابيل
سو المرض يحمل على أخوك حملات=مافي يدي حيله ولا في يدي حيل
والله فزع من فوق سبع السماوات=وانا الحمد لله يوم صارت تساهيل
ماينفع الخايف والايام عجلات=الخوف ماينفع ولا القول والقيل
حنا هل العوجا ولابه مروات=شرب المصايب مثل شرب الفناجيل
لاشك انا مشغول في كل الاوقات=على الذي حنا بظله رجاجيل
ماني على نفسي كثير الحسافات=لاسلم راسه روسنا رفاع بالحيل
حامي حمانا بالليالي المخيفات=لو صار بالعالم كثير الزلازيل
فخر العروبه بالعدل والمساواه=هذاك هو فيصل ولافيه تشكيل
يشهد له اللي شاهدوا منه ليات=ويشهد له التاريخ جيل بعد جيل

وسلامتكم

[ناثرة الورد]

.
.


الله الله

ابيات تحمل الكثير من الروع ــه

دمتـِي بـ هذآ التميـز

.
.

[هادي بن فهاد]

الله يرحمه ويسكنه الجنه ولاهنتي على النقل بارك الله فيش

[ليــه يازمـــن]

صـــح الله لســـانه

والله يــرحمه

مشـــكوره والله يعــطيكِ العــافيه

[الفند اليزيدي]

حنا هل العوجا ولابه مروات
شرب المصايب مثل شرب الفناجيل


كفوووو وستين نعم بالرجال الحشام

جعلك فالفردوس يارب

[شاعره]

مشكورين على مروركم الطيب

[مسعطر]

حنا هل العوجا ولابه مروات=شرب المصايب مثل شرب الفناجيل

الله الله ,,
جعله فالجنة ابو فيصل حتى قصيدته فيها دهاء ,,

مشكوره يا شاعره ,,

كثّري من الإنتقاء الرائع

تقديري و إحترامي ,,

[الرسام]

الله الله




الله يرحمه ويسكنه فسيح جناته



لا تملك حروفي الابجديه ما يليق بهكذا قصيده





شاعره



ذوق رفيع وعالي



يجبرني على الاعجاب بما تخطين

والمتابعه




ودّي

[shmoo5_ al_ajmy]

الله يرحمه ياارب

وتسلمين علي الذوق الرائع