سلام رديـةٍ مـن طيبهـا تنبـت نواويـر=في مجلسٍ شيّدوه وله على الطالـه مجالـي
جينا على الوعد وآفرح بالرياجيل المناعير=حاسب حساب الدراهم والتجر والسوق غالي
يامرحبا مثلها ياهل الوفـا حشمـه وتقديـر=في مجلس(ن)فيه تلقا الطيب وعلوم الرجالي
يوم اجتمعنا على الميعاد بوجيـه مسافيـر=ياما على البال ياشهم النبـا يامـا طرالـي
دام البقا ياسعيد ودامهـا الدنيـا تياسيـر=لابيض الأيـام نامنهـا ولاسـود الليالـي
يوم إجتمعنا على الميعاد لو جامنك تاخيـر=يالله عسى اللي على بالك يشيله وسع بالي
من عصر ياصاحبي جانا المبشر والتباشير=ياشاعر تاصل الحروه وترقا كل عالي
في كل تاخيرة(ن)خيره عساها خير في خير=والمشكله في جواب(ن)مالقيناله سؤالي
البارد الحلو والموت الحمر جوف المعاصير=أحدٍ يرد للفنا وأحـدٍ يـرد للمـا الزلالـي
ماني بعاكس طريقي والعرب تمشي طوابير=واللي يذوق بلسانه مايقـول المـر حالـي
النقش فوق الصخر ماهو مثل كتب الطباشير=يابدو ياللي سبرتو البرق في غزر المخالـي
انته وانا ياعبيـدالله علـى كـف المقاديـر=ولا نحلـل حـرام ولا نحرمـك الحلالـي
ياطير ياللي جناحينك معك ماودك تطير=والشر والخير موجودين مافيها جدالـي
اللي ورى الضلع عيّت لاتقربه المناظير=دونه يحول الجبل وسعيد عينه للموالي
خيال ولا حقيقـه مالهـا معنـا وتفسيـر=اتقنت فن المعاني فلسفة شاعـر خيالـي
مثل ماقال المثل والسر يابو زيد في ا لبير=والبير جمة صفا يللي جبدتو الدلو خالـي
ياللي بيدك القلم وش لون خانتك التعابيـر=وإنته تمد اليمين ولانمـد إلـك الشمالـي
جساس مايدري إن كليب وصىّ سالم الزير=ياسعيد ابو ديه المـا ماجذبـه ألا حبالـي
21-06-2006, 12:14 AM
العرض العادي
المواضيع المتشابهه
