وش ذا ..؟! وش ذا ..؟! ( يستغفلونك لأبعد الحدود )

[سمو الرووح]

السلام عليكم ورحمة الله و بركاته

كيف الحال ؟؟ شخباركم ؟؟


هذا موضوع ملاحظ في الآونـة الأخير كثرته و حبيت أكتب عنه .. طبعا الفكرة منقولة


( شد لي و أقطع لك ) ..!!

" للي ما يعرف هالمصطلح تراه ينقال بالبلوت يعني ألعب أنت كبير و ا......ب و أنا مالت على خشتي بعطيك الشين )

عموما هذا العنوان إللي ببتدي به الموضوع ^ـ^

في عز الظهرر .. أو الساعة عشر بالليل .. في وسط زحمـة السيارات .. و كلن يتحدى من أعلى صوت بوري .. و إللي من داخل سيارته يهاوش و أنت تطالع فيه و تبتسم ..( انتبه يشوفك ^ـ^ )

قلت يا ولد مالك إلا الراديـو ..
اقصّر الوقت و أضيّعه .. و أنقذ نفسي من الإزعاااج ..

وطلعت لي ذيك المذيعة الحبوبة و الطيوبـة إللي تبي تحل مشكلة واحد ضعيّف – الله يكون بعونـه - .. و تشد من همّة المستمعين و تطلب منهم يرسلون الحلول لهالمسيكين برسالة جوّال ..!!

و طول البرنامج إللي مدري كم يوم و هي على هالحال ( ارسلوا على الرقم الفلاني ... ارسلوا على الرقم الفلاني )

غيرت الإذاعـة و كلي أمل بأن ألقى شيء مثل الأوادم .. و نفس الحالة جايتني ذيك المذيعة إللي تشحذ الناس برسايل عشان يصوتون لذي الأغنية ولا ذيك الأغنية !!

لحووول خلاص ما عاد نبي راديـو و يا زين الأشرطة , طوط طوط >> نغمة رسالة

" لقد ربحت معنا ملياار دولاار و دولتين بأهلهـا ,, ما عليك إلا أن ترسل لذا الرقم "

و عقبها على طول جتني رسالة تقول " هل تزعجك الرسائل , نعم=1 , لا=2 أرسل الإجابـة على هالرقم "

وجـع هبال هو !!

تونا مخلصين من استغفال الـ700 و هاذانا نبدأ من جديد باحتيال رسائل !!

ترى كل شيء بحدود و اذا مسخت مسخت ..!!

و المشكلة ان الرسالة الوحدة عليها اقل شيء ( 5 ريال ) و المستفيد الأكبر هالشركات المشبوهة !!

و أنت يالمواطن العادي ما جبت خبرهم و آخرتها تنصدم من الفاتورة آخر الشهر .. الين متى الاحتيال ؟؟؟!!!
سؤال ينسدح ما يلقى من يرفعــه !!

لكن بما أنه ما فيه رقابــة و توعيــة عنهم كل مالنا بنشوف طرق جديدة و غريبـة للاحتيال على المواطن .. و ( شفط ما في مخباته ) و مجتمع بسيط على نياته مثل مجتمعنا بيئـة خصبة ( لديها القابلية ) لمثل هالاحتيالات ,, خصوصا لما ترتبط بأمور قد تكون مكبوته في صدر الشخص ( تعبير عن الرأي ,, مشكلة تواجه المجتمع و لديك الحل ,, حلمك و طموحك ...إلخ )

من النماذج من طرق الاحتيال غير ما ذكر :-

+:. أنت وطيت هالبلاطـة الذهبية يا معجزة يا إللي حظّك لو ينزل على المنتخب أخذ كاس العالم .. ربحت معنا تذاكر سفر للبندقية بإيطاليـا أنت ألحين ادفع خمسين ريال عربون ,, همن تعال لمكتبنا فيذاك عشان تآخذ التذاكـر ..
( و المشكلة تنصدم لما تعرف ان هالسفرة على حسابك , و لا فيه بندقية , و حتى خمسينك الله يخلف )

+:. أهلا بك يا امبراطور الحظ العالمي لقد جتك من السماء هالجائزة الثمينة فقط اتصل على ××××700 لمعرفتهـا ..
( و يضيع الوقت بهالدعايات . و تدخل السحب . و المفاجئة فاتورتك )

+:. أنت ربحت عزيمـة فاخرة و اكلن طيب في مطعم أوكييييه أنت تعال و جب عايلتك معك ..
( و بعدين اذا شبعت تجيك الفاتورة !! , طيب وين العزيمة الأوكيييه ؟ " فيه ايه يا استاز طلباتك أنت و المدام مش تبع العزيمـة )


و ياما و ياما نشوف من نماذج كثيرة جدا جدا ..
مابي اطول الموضوع فيهــا ,,

^ـ^


مع خالص شكري لكل من تابع الموضوع ..
بالتوفيق للجميع

صراحة .. هذا الموضوع شد انتباهي وحبيب اشوف رايكم فيه

احترامي وتقديري لكم الجميع

منقول للأمانه

[الخديدي]

خدمة ال700 وكذلك الرسائل القصير (sms)التى نشاهدها على القوات كلها تصب فى أناء واحدهو
سحب اموال الناس بأي طريقه كانت...
مشكوره اختي فضه على النقل المميز...

[عجميه الرس]

فضه


بصراحه كلام صحيح 100%
بس من وجه نظري ان اغلب الناس صارت تفهم وتعي هالاشياء
وان كل همهم اللعب في عقول هالعالم
والله يعطيك العافيه ولاتحرمينا يالغلا من مواضيعك الروووعه :005:

[سعيّد ابوجعشه]

مشكوره اختي فضه على النقل المميز...


تحياتي للجميع

[مهرة النسيان]

سؤال ينسدح ما يلقى من يرفعــه !!
هههههههههههههه عجبني الاسلوب جداا,,
فيه وعي بلاشك في المجتمع ’’
تسلميين خيتو ,,

[د.فالح العمره]

لا هنتي

احتيال بس بأدب

[ابو سمران]

مشكور يالغالي على موضوعك الحلووووو لكن انا اكثر حاجة استغربتها رسالة جاتني ارسل اسمك او اسم حبيبك ونعطيك اللون حقك مدري صارت الالوان ارقام جوال كل واحد له لون والمشكلة بعد حتى امريكا صارو يستعملونها علينا جتني رسالة على الايميل اشتراك في بطاقة ااتمانة يقولون مبرووك تم اختيارك ضمن خمسين الف شخص تعيشون في امريكا بس انت اطلب بطاقة وتعال

[سمو الرووح]

لا حول ولا قوة إلا بالله - هذه مصيبه يا أخواني

بالأمس جالي مسج على الجوال توقعوا ايش فيه .. يقول المسج عزيزي المشترك ارسل اسمك الكامل ورقم بطاقتك الشخصية وربما تفوز معنى في احد المسابقات أو الجوائز من كيوتل .. ؟؟؟

هل - يوجد احتيال أكثر من كذا صراحة شيء عجب والله

وفي احد دول الخليج وبعد ما تدخل الدوله في نفس اليوم أو اليوم الثاني يصلك اتصال عزيزي انت ربحت معنى جولة حول العالم أو انت معزوم على العشاء وبعده اجتماع لفوزك ببعض الجوائز وهي كلها نصب وظلم وعلى ظهرك يا مسكين .. ولا نقدر انقول إلا حسبي الله ونعم الوكيل على اهل النصب والحتيال هذا ؟؟؟؟

شاكر لكم الجميع مروركم وردودكم الرائعه .. ولا هنتوا


احترامي للجميع