تتبعني البلاوي كالظلالي\\

[ماجد حمد الزيد الخالدي]

السلام عليكم ورحمة الله وبركاته:
اضع بين يديكم هذه المتواضعة واتمنى ان ترتقي لذائقكم

تتبَّعني البلاوي كالظلالي=ولكني صبور(ن)لا ابالي
وغيري يجزع من ادناة حاجة=وأنا بالصبر يامطول حبالي
كليت الحنظل العلقم شربته=بسنين(ن)ترَّث العقل الهبالي
تصبَّحني البلاوي لين تمسي=وانا امسي داله(ن) ويا الجزالي
تركت الشعر مالي فيه حاجة=ويلحقني يبي بلوغ العلالي
واشوم عن الهزايل في قصيدي=واجيب من الحكي خير المقالي
الا ياطول ليلي في البرايا=تلحفت الزمن والوقت بالي
طويل(ن)ليل من طال الثريا=ثقيل(ن)همَّه بثقل الجبالي
تعليت النجوم بصغر سني=واشوفي1 في سما عمسا لحالي
عسفت الجدي وسهيل اليماني=اغير بهن كغارات الهلالي
تعديت المدى ثم عدت عنَّه=لاجل يُــجهل على الواشي السؤالي
اخاطر في حياتي..... في حياتي=مصير الحي يتلاه الزوالي
اكر على المصائب في عصائب=بني عمَّــي ولوهم في ظلالي
واغير على المنايا ما احسب=تعداني أو ارخت في مجالي
ضربت الارض لين الارض صارت=تعرف نعول غيري عن نعالي
اذا كان الخلاوي بلا قبيلة=فنا ماني مثل ذاك الخلاوي
عمامي من بني خالد خوالد=ومن خير الخوالد جو خوالي
سفيه العقل يحسب بي سفاهه=وراعي العرف يعرف من قبالي
تحزمت السماء واسرجت دهري=وسليت المنايا من خيالي
اشوم عن الردى مادام راسي=واجنب رجلي عن درب الخمالي
الا يامشغلت عصم الشوارب=الا كرَّي فلا مثلك ببالي
اذا تبغين قلب تلاعبينه=فدونك من غشى قبله خبالي
عليك الله وامانه فارقيني=فراق الي الامن قال قالي
وسمَّي السرمدي ماشيتي فإنَّه=أخو خضراء يشوم عن الهزالي
طويت الارض في كل الزوايا=غرب شرق(ن) جنوب(ن)مع شمالي
وايقنت ان من رام الطويلة=فلايحيا الا من عاش سالي
انام وعيني ماترتاح تطرف=وقلبي ينبض بحب العوالي
رضعت المجد حتى صرت احسب=بأن ملوك يعرب من عيالي
فلا راس(ن)يساوي مي راسي=ولا طيب(ن)والا هو حلالي
اذا شحت على الناس الدراهم=فأسمي ثورتي وهو راس مالي
خشم سنار2 لاجيته تراعف=يقول ارحم يبو الجيلان جالي
وياما سجت بكتوف النوايف=لما صارت تخاضع لي الطوالي
ولكن يكتف جنوني زمان(ن)=زمان(ن)زال زول(ن)مايزالي
الا يال العجايب في زمان(ن)=تفرس 3 الذيب دنسات الثعالي
زمان(ن)يذبح قلوب الذيابه=وتشرب دم سرحان الصخالي
الا يالي بك الهقوات تكبر=الا يامن تحت ظله ظلالي
اخوي وتاج راسي ومسند(ن)لي=الا قامت تخطفني الليالي
فديتك يابعد راسي فديتك=الا يامزبن قروم الرجالي
توردني المنايا حين تامر=ولاجلك يحلى في عيني اعتقالي
تبي نغزي الى الفسطاس قدها=على طوعك نوصلها المحالي
الا من صار مثلي بطوع مثلك=فهذي اعظم ايات الكمالي
تتبعني البلاوي كالظلالي=واحدرها كما المي الزلالي

2خشم سنار موضع لجال في شرق الجوف وهو من اكبر جيلان القريَّة
3تفرس بفتح الفاء وتسكين الراء

[عبدالله آل عامر]

عسفت الجـدي وسهيـل اليمانـي***اغيـر بهـن كغـارات الهـلالـي
تعديـت المـدى ثـم عـدت عنَّـه***لاجل يُجهل على الواشي السؤالـي

صح لسانك يا ماجد الخالدي ولاهنت على هذه الرائعة

[مهرة النسيان]

صح لسانك ولاهنت على ذائقتك الجميله ,,,

[سعود الخويطري]

اذا كـان الخـلاوي بـلا قبيـلـة
فنـا مانـي مثـل ذاك الـخـلاوي
عمامي مـن بنـي خالـد خوالـد
ومن خيـر الخوالـد جـو خوالـي
سفيه العقـل يحسـب بـي سفاهـه
وراعي العرف يعرف مـن قبالـي




كفو كفو وونعم بك وبربوعك




وصح الله لسانك يـ ماجد حمد الزيد




قصيدة جزلة وحضور دائما له جزالته وبيض الله وجهك



وتقبل سلامي واشواقي

[عايض ال مطلق]

ماجد الخالدي

قصيده جزله

افتخار بالنفس والقبيله العزوه

ونعم فيك وفي قبيلتك بني خالد

وصح لسانك

والله لاهانك ولا هان مقدارك

وننتظر منك الجديد والمميز

تقبل تحياتي

[بندر العجمي]

صح لسانك على القصيدة الجزلة




والله لايشينك وننتظر جديدك طال عمرك



اخوووووووووووكـ

[سعود بن تركي ( العديم )]

صح الله لسانك ولا هنت



وقمة الروعه والابداع يالخالدي


مع الود

اخــوك : العديم

[ابومحمد الشامري]

عمامـي مـن بنـي خالـد خوالـد
ومن خير الخوالـد جـو خوالـي

ونعم في الخوالد وصح لسانك اخي العزيز ماجد الخالدي صح لسانك على القصيدة الرائعة

[شيهانه]

صح لسانك يا ماجد الخالدي ولاهنت على هذه الرائعة

تبارك الله قصيدة رائعة وإلقاء أروع ، ربي يحفظك

[ماجد حمد الزيد الخالدي]

الاخ الفاضل عبدالله ال عامر تشرفت بمرورك طال عمرك وصح بدنك