موعد زفافك

[عبدالله ابوعجيم]

المـوت .. ماهـو لا انتهـى عـمـر انـسـان=
المـوت .. لا صرتـي لغيـري وانـا اشــوف=
تضـحـك لــه الدنـيـا وانــا كـلــي احـــزان=
ويـاخـذك مـنـي والسـبـب قـسـوة ظـــروف=
محبوبـتـي .. مـوعـد زفـافـك لـيــا حـــان=
ابنسـحـب .. واتركـلـك دمـوعــي ظـيــوف=
جعـل الفـرح يعـزف عـلـى دربــك الـحـان=
وعيـنـك بـعـد فـرقــاي ماتـبـكـي حـســوف=
خــلان .. نـبـقـى لاخـــر الـعـمـر خـــلان=
وان مـا كسبـتـك قــرب ؟ تكفيـنـي طـيـوف=
انتي .. زرعتي الحـب فـي قلـب مـا خـان=
واخــر حـصـادي صــار للـغـيـر مـقـطـوف=
وانــا .. وفـيـت وحــظ دنـيــاي مـاصــان=
جيـتـك طلـيـق افــراح واقفـيـت مـكـسـوف=
مـانـي بلـومـك !! لاكــن الــوم مــن كـــان=
يسـعـى عـلـى فـرقــى المحـبـيـن مـلـهـوف=
القصـد .. واضـح مـاهـو بحـاجـة اعــلان=
ومــا ظنـتـي لـلـي عـلــى مـثـلـك أتـطــوف=
يكـفـيـك عـــن قـولــي تعـابـيـر الاعـيــان=
وإنـــي احـــس بـداخـلـي حـرقــة الـجــوف=
لا تحسـبـيـن الـحــب تـالـيـه نـسـيــان !!؟=
وإلا يـغـطـي شـمـسـك بـعـيـنـي اكــســوف=
انـتـي غــلا يبـقـى عـلـى مـــر الازمـــان=
وانـتـي قصـيـده قلتـهـا بـصــادق حـــروف=
والموت .. ماهو لا طوى جسمي اكفان ؟؟=
المـوت .. لا صرتـي لغيـري وانـا اشــوف=