قصيده في حمود بن مسامح <~ لمحمد بن فالح بن طفله ..~

[ابن طفله]

السلام عليكم ورحمه الله وبركاته



هذه القصيده كتبت في عام 1981 في حمود بن مسامح

حينما اصيب بن طفله بمرض العصب السابع ( ابو وجه )

يقول فيها :

ابروح صوب حمود ابتهمج =من ضيقة في الصدر مـعها انـحراجه
حمود دونك وجهي السمح معوج =عقب السماحه صار فيه انعواجه
وجـه لـيـا شـاف ابـن عـمه ايـتـبـلج =مهو بيدنق لا بغى منه حاجه
لا ثـور الـدخـان ثـور الـعـج =فـلـه مـوقـف مـع فـهـود الـزراجـه
يـقـولـه اللـي لا تـهـيـض تـهرج =لـكن مدح الرجل روحه سماجه
انـا بـوجه اللي له نصوم ونـحـج =وليـا دعي ياتـي سريع انفراجه
منشي القنوف اللي بروقه تلاعج =يمطر وسيله يعجبك بإنزعاجه
ادعيه وانا من دعى الله ماسج =ماخاب من عنز على الله حجاجه
موحـد ربـي من الشـرك بـاهـج =وايضى اخـو شبـرم تركنا علاجه
هـنـي مـن عـدى طـويـل مدملج =في ديـره العجمان سوجه وموجه
فـي ديـرة لا جـيـتـها بتفرج =وقـلـبي مـع العـجـمـان واتـبـع مزاجه
كـم حـاكـم من ضربهم دمه يـزج =وكـم حاكم طفو مضاوي سراجه
لا زعـزعوا مرزوق ثـم ثور العج =الارض تـثـور عجها بارتعاجه
من عرضها بن عريعر وينهو دج =من عقب ماياخذ على الناس باجه
والـحـضـر والـبدو واتراك وافرنج =ياما سهجهم جمعنا بانسهاجه
جـمـع لامـنـه مـشى خـجـهم خج =لا سمـع طـرياه المعادي خجاجه
خـيـل تعـالج بـالأعـنه تماوج =والـجمـع يـاطـا روسـهـم في مـداجه
هـذي بـرامـجـهـم لاجـات البرامج =ماهي سرابيت صجاج ولجاجه
صـلاة ربـي عـد من طـاف واحـتـج =عـلـى نـبـي لـبـس الـدين تاجه

<><><><><><><><><><><><><><><>

,,,, ودمتم بود .. وسيكون هناك موضوع توضع به الروابط لجميع القصائد
ليكون موسوعه لجميع قصائد الشاعر محمد بن فالح بن طفله رحمه الله ..|~

[بندر العجمي]

زعـزعوا مرزوق ثـم ثور العج ..@.. الارض تـثـور عجها بارتعاجه
من عرضها بن عريعر وينهو دج ..@.. من عقب ماياخذ على الناس باجه
والـحـضـر والـبدو واتراك وافرنج ..@.. ياما سهجهم جمعنا بانسهاجه
جـمـع لامـنـه مـشى خـجـهم خج ..@.. لا سمـع طـرياه المعادي خجاجه


الله الله




صح الله لسانك يابن طفله




والله يرحم الشايب محمد فالح ال طفله ويسكنه الجنه





قصيده ووااااااااااافيه وحضووووورك وافي ومعك متابعين يابن طفله

[ابن طفله]

صح الله بدنك ..~

ولاهنت على المرور العطر ..|~

وان شاءالله تكون القصايد متتابعه في المنتدى ,, وبندر لاهنت اذا تعرف احد من الاداره عشان اقدر اعدل على الموضوع الرئيسي واحط روابط القصايد فيه عشان تكون موسوعه بالموضوع هذاك ويتثبت نظرا لان عندي مجمووعه كبيره من القصائد ,., وابي الفايده للجميع ,., ولاهنت مره اخرى ..\~

[بندر العجمي]

هذا بعد مده ياطويل العمر



تلقا المشرفين يجمعون روابط مواضيعك ويحطونها بالموضوع الاصلي



او انت تقدر بعد ماتحط كميه كبيره من القصايد تحطلك موضوع خاص وعنوانه : ديوان محمد فالح...ألخ



وازهل الربع بدون وصاه يابن طفله بس انت لاتوقف وحنااااااااا متابعين

[ثامر الشميعان]

صح الله لسانك يابن طفله




والله يرحم الشايب محمد فالح ال طفله ويسكنه الجنه



ولاهنت

[هادي بن فهاد]

صح الله لسانك يابن طفله




والله يرحم الشايب محمد فالح ال طفله ويسكنه الجنه

لاهنت اخوي‏ابن طفله على ايراد القصيدة
:
اما بالنسبه للموسوعه حين اكتمال القصائد راح اضبط الرابط انشالله

[ابن طفله]

بندر العجمي <~ لاهنت على التوضيح ,,

ثامر الشميعان <~ :

لاهنت على المرور ,, وصح الله بدنك
ويرحم والديك وجميع المسلمين

[ابن طفله]

هادي ..
لاهنت على التوضيح
وان شاءالله بكمل لكم الموسوعه وكل يوم او يومين بنزل قصيده
وهذا بسبب ظروف الدراسه

[محمد بن منيخر]

صح الله لسسسســــإنك
يـــآبن طفــله
ومشـــكور ع هـ القصيــده اللي آكثـر من رآئعـــه


تقــبــل مروري

[ابن طفله]

صح بدنك
ولاهنت على المرور العطر