مايموت الامل ...!!

[الرحال2006]

بسم الله الرحمن الرحيم

اهدائي
لمن يهمه الامر اولا
واليكم اخواني الاعضاء ثانيا
اقول:

ربي ادعيك في ساعة توخي الاجـــــــابــه = يا مخرج الادمي من بين صلب وترايب
يللي لك العين تشخص والكف يرفع طلابه= والعبد ما بين راجي فيك يالله وهـــــايب
وكل منهو رجــــا بك ما تجيـــه الغلابــــــه= ما يعود من ترجــــاك يا رب خـــــــايب
كن بسمعي وكن بالناظر اللي ارى بــــــــه = اعوذ بك واستجيرك من شرورالمصايب
وبيوم ما ينفع الانــــســـان الا زهــــــــابه = الوذ بك يا رب من شــــديد اللهـــــــأيـــب
والبارحه ضيفي سهر والنوم طــول غيابه = امحق ضيافة ضيف حلّ عيني غصايب
وعقبه لفا ضيف ثاني ساق يمّي ركــــابه = ساقها من بنات الفـــكر واغلى النجـــايب
والقلم فزّ من شوقه للــــــورق والكتابــه = وصب حبـــره عليهـــا مثل وبل السحايب
يلثم الخد من شوقـــه ويشــــكي مصابه = مثل واحـــــد عشيـره صار له وقت غايب
بين هم الفـــراق وبين حــــزن وكـــآبه = والفـــرح ما له الا ســــــطر بين الكــتايــب
ابلج الصبح والليل بـــــعيــونه تــشابه = عاشـــــق مفارق ويشـــــكي فراق الحبايب
يضحك بســـــنّه ويخفي بقلبه صـوابه = لجل ما يفـــرح العاذل ويلقى الــــسبــــايب
ادري انهم كثيـــر وكلّن يحـــدّ نــابــه = والمصيبه كبيره يوم هـــم له قـــــــرايــب
ما دروا بنّ هذا الشخـص عالي جنابه= عوده اقسى من الصـــــوّان عند النوايـــب
شارب علوم الرجوله ومتقهوي ذرابه= من جدوده خذاهـــا شايب(ن) بعد شايـــب
وحكمته في الحـــياه الله ما صك بابه = من يبي يوصل القمه يشـــيل الضـــرايب
وانت ياللي بعيني ما حصل لك مشابه = في خفوقي مقرّك بالســـعه والـــرحــايب
قلبي الله عطــاك وقلبك الله جـــــابه = انت ميّت ولع فينــــي وانا فيــك ذايـــــــب
ما حصل قبلك ولا صار بعدك ومابه= غيرك انت بحياتي حــــاكم بدون نــايب
ما يموت الامل لو يندفن في ترابــه = خلّ عندك امل واقنــــــع بما الله جـــــايب
تحت سبحــانة الله لا تزيد الرقـــابه= والفرج دايما ياتـــي مع ام الكـــــرايــــــب

,,, وسلامتكم ,,,

[&آهــــات الحــــزن&]

ما يموت الامل لـو يندفـن فـي ترابـه==خلّ عندك امل واقنـع بمـا الله جايـب
تحـت سبحانـة الله لا تزيـد الرقـابـه==والفرج دايمـا ياتـي مـع ام الكرايـب
" سبــــــــــــحانه"

صـــــــــــــــح لـــــــــــــــــسانك قـــــــصيده جـــــــــــــــزله وبيض الله وجهــــــك

[علي آل زايد المري]

الرحـــــــال بيض الله وجهك....


وصح السانك...


والله لا يحرمنا من جديدك...



وتقبل مروري

[الاحرش]

صح لسانك أخوي و تقبل مروري دمت بود ...

[الرحال2006]

هلا والله اهاااااات
اسعدني تواجدش ومرورش الاول
بيض الله وجهش وماقصرتي

[الرحال2006]

علي المري
ووجهك ابيض يالسنافي
ولامنك يالغالي

[الرحال2006]

الاحرش
صحت ابدانك يالغالي
ولا هنت ع المرور

[محمد نادر سويد]

شاعرنا الرحال

صح لسانك

ولاهنت وجزله

من راس جزل

والابداع ملحوض

في انحاء القصيده

وهذا ان دل

دل على شاعر متمكن

جزل حرف ومعنا

تقبل تحياتي

[الرحال2006]

محمد النادر

اخجلتني يا طويل العمر

كل الكلام اللي قلت عني هو وسام شرف لي

من كل قلبي اشكرك ع الاطاء والثناء اللي هو من طيب اصلك

شرفتني ونورت صفحتي شكرا لمرورك