بيان تبرأنا من موقف النائب خالد العدوة في جلسة الاستجواب

[محمد الهتلاني]

يعطيكم العافيه

[الملك ..&]

عجمي ونقابي

اني على يقين انني الصائب في كلامي ووجهة نظري

[سعد فهد العجمي]

وصب القهوه لاصار في ديوانك من علوم الرياجيل وفخر الرجال تشب ضوه لكن ان يكون عبد للدينار ويلهث وراء هل الفلوس ويصير فداوي عند ناس هم اساسا فداويه مصيبه

[بنت عربها]

بسم الله الرحمن الرحيم

يا جماعه انا ابي اعرف انتو ليش مخدوعين بلي اسمه مسلم وجماعته التكتل الشعبي ذوووله اهم شي مصلحتهم وموقف خالد العدوة والله صائب صائب صائب
والي قثني اكثر هل الاخوان الي يقولون احنا معاكم على هل البيان شنو اذا ما تعرفون شي لا اتجاوبون والله انتو منخدعين وكل واحد عاجبه الاستجواب والله يكوون منخدع وموفاهم شي بسياسة ...
وابي الي يقول انه خالد العدوة يركض ورى الدينار والله ثم والله انه ان شخصيا لو يقولولك اخذ مليون بس خلك ويانا تقول حاضر على هل الخشم.

[الملك ..&]

خالد العدوه فارس المجلس

ومنبر الكلمة

وأسد المجلس

وان كان عندكم كلام روحوا للرجّال وواجهوه بدل التخفي

وراء الكواليس والتبرقع وراء الشاشات ، ترى ديوان العدوة

مفتوح على طول ... قلطوا عليه وقولوا اللي عندكم وابتعدوا

عن الذم ....... اللهم عذب المنافقين والدجالين الذين لا هم لهم

الا النفاق والحقد والكذب ...... آآآآآآمين

انا بسأل .. انتوا شلون تنامون وترتاحون بعدما ترتكبوا جرائمكم

بالنفاق والكذب .. ؟ ما تخافقون ينقلب هالحسد على اهلكم واخوانكم

خافوا الله ............................

واعيد واكرر خالد العدوة = النائب القدوة ..... والوعد قدام

حينما تسود وجوهكم حقدا ويبيض وجهه الكريم نصرة وشموخ

واللي مو عاجبه كلامي ........ دعني اواجهه

7
7
7
وليخسأ الخاسئون

[ال دبسه]

فارس على شنو ؟!

فارس بدون فرس

قدوه سيئه

[معيضي]

الملك يسعدمسااااك واركد شوي يا أخوك تراك تراهن على انسان فاقد للمصداقية ومواقفة في الاونة الاخيرة مخزية والناس اللي حولك في هالمنتدى ماتكلمت من فراغ ولكن للاسف شي واضح للجميع وترانا مثلك خالد العدوة ابن عم وطيبة ينومسناولكن العدوة تغيروأصبح مسير على حسب مصالحه الخاصة

[صاحب السمو]

السلام عليكم

ما أقول غير الله يهدي من كتب البيان! عسى ماتعب عمره بس!!!
وربعنا حيل متكلفين آنا معكم آنا معكم (مع الخيل ياشقرا)!

آنا بسأل أنتوا حضرتوا الاستجواب وإلا لأ ؟!

أولا للتوضيح بس الرجاااال هو اللي يقول الحق ما يكذب ويألف ويفسر على هواه .
أما الحاقد والله إن يبطي ما وصل مواصيل العدوه .


ثانيا العدوه معارض على فكرة الاستجواب
نفسه ، وأقر بأن الجراح أخطأ من خلال) تصريح لجريده ( ورجع اعتذر فنعطيه فرصه يصحح وينجز بوزارته ليش نستجوبه وهو ما صارله أكثر من 52 يوما بمنصبه!!

بس مايحتاج قام السعدون وأمر فداويته بالاستجواب واحداث ضجه ليلهي الناس ويشغلهم عن فضايحه وتجاوزاته هو ابنه!!!!
والبراك وأعوانه سووا الاستجواب وطلع ضعيف مهزوز يفتقر للأدب والاحترام للحضور ولقاعة عبدالله السالم وللمشاهد بعد !!!

كنا نعرف غرض الشعبي من الاستجواب:
حل الحكومه / رئاسة السعدون / دخول وليد الجري

والعدوه تكلم بحكمه فالجلسه وبين موقفه بأنه معارض لاستجواب وزير عمره 52يوم!!
أما البراك بعد ما لعلع ونفخ وصجنا يرفع عقاله وكأنه فاتح الأندلس!!

ياااا ناااس خافوا ربكم بنفسكم كل حرف تكتبونه بتحاسبون عليه عند الواحد الأحد .

وحكي الذم اللي يكتبه هذا وذاك الكل يعرف
انه شخص واحد وله أكثر من اسم!!

وهالعدوه ربي موفقه وحافظه تدرون ليه؟!
لأن )) وعلى نياتكم ترزقون (( .

تذمون الرجاال وسوا وحط وشال وعنده
ياخي نظفوااا قلوبكم عشان ربي يرزقكم ويفتحها بوجهكم.

[abdo0o]

يا صاحب السمو انت ويا الملك لو انكم ساكتين ابرك والله العظيم ... ليش هالاستماته بالدفاع عن خالد ؟؟؟ خالد باعها وخلص وواضح انكم اقرباء لخالد وهذا سبب الدفاع ... ياخي ملينا من خالد حكومي بحت ذبحنا وهو يدافع عن الجراح ومن قبله عن النوري وزير الماليه .. على منوا كلامكم هذا .. اقول استريحوا بس

[المرجله أخلاق]

شكرا على الموضوع