سلطان بن شويمي القحطاني - شيلة الهلاك

[عمَرس]

شيلة الهلاك
كلمات محمد العرجاني
أداء سلطان بن شويمي
...................................
ياصاحبي وشبك علي تخطي وانا تجاهل خطاك
الاوله مشيتها والثانيه عديتها
وش غيرك ياصاحبي وش جاك مني وش بلاك
زلة ورى زلة بلا سبه علي أركيتها
الاوله شفنا تقرب منك لا تبعد وراك
عطني يمينك بعدما يمناي لك مديتها
والثانيه لامن تعرضة المخاطر ولهلاك
فلا تقول اني لجل غيرك قبل سويتها
والثالثه لاقلت أحبك لاتلقيني قفاك
وتصد وتقفي وكنك دمعتي ماوحيتها
وان كان تبغي دمعتي تنزل لجل تثبت غلاك
لاوالله بتبطي عظم لك دمعتي ماسخيتها
ياصاحبي ماني ضعيف لك ولانبهي رجاك
لاشك تشفع لك عيونك كل مالديتها
مادام هذي غايتك ياصاحبي بعشق سواك
سيوف الخيانه دون دمعة محجري سليتها
كنت اتغاضى عنك وادمح زلتك واطلب رضاك
واليوم لو شفتك تولع نار ماطفيتها
بزيدها نار وحطب حتى تواقد في حشاك
وان جات بترمد رجعت وبالحطب شبيتها

وسلامتكم

[عليل المحبه]

ياسسسلام يا عمَرس

اعجبتني الشيله

وصح الله السان العرجاني
وصوت الشويمي


لاهنت

[مسعطر]

الله الله الله ,,,

صح لسانك و ألسنت الربع ,,,

كلمات + أداء + تصوير = إبداع ,,,

صح لسان محمد بن سالم العرجاني ,,

و صح لسان و حنجرة سلطان بن شويمي القحطاني ,,

و تسلم يدين فهد بن مشبب العاصمي القحطاني على التصوير و الخلفية الرائعة ,,


تقديري يا ابو محمد ,,