قصيدة مهدي ال حيدر الوايلي في شاعر المليون

[صقر وايلة]

قصيدة ولدنــــــــــــا مهدي القصيده الحـــــــــــــــــــــــره بعنوان


الوطــــــــــــن

يا وطن حييت بالخير و عيون الصبايا = ما بعد عزتك عزه و لا بعدك رفاعه
و الله ان الشعر يآتي على عذب السجايا =كل ما ابحرنا لعينك و فلينا شراعه
فإن كتبنا عن عطاياك يا سيد العطايا =نزبن اللي ظامه الوقت و أظنته المجاعه
و ان كتبنا عن مزاياك يا كثر المزايا =يكفي ان النور منك ملا الدنيا شعاعه
قادك رجال ٍ ليا وقفت سوّت سوايا =نسل شيخ ٍ ما تقاصر على الطولات باعه
علمونا ان الوطن دم و رجاله خلايا =و ان من يرخص دمه ما على وجهه شفاعه
يا وطن لا عز شعب ٍ تروعه المنايا =و المنايا دون حدك لنا حق ٍ و طاعه
قربوا منا الدهايا و احساس الدهايا =ما ربينا في ترابك على غير الشجاعه
و الحسود اللي حكا فيك شغله بالحكايا =هذي اطباعه و اذا ودك ، نغيّر اطباعه !!
من بلانا راح ما عاد من عز به بقايا =قام من هجعة منامه يدوّر للفراعه
يا وطنا والله انا على صدق النوايا =من تقوّد له ذراعه كسرنا له ذراعه !!
و البشر ما تجهل إنا إذا جينا فدايا =نقلب الدنيا على راسها في نصف ساعه !!
دام حبك في دمانا و يلعب بالحنايا =والله ان تبقى على عز و امجاد و مناعه
قالوا إنا بدو ؟! قلنا على روس البرايا =بدو نعرف نقطع الراس ! لا حان انقطاعه !!
و ان بغينا ، شمّخ الروس نجعلها وطايا =ما علاها الأرض مثل السعودي و ارتفاعه

اخوكم



صقر وايلـــــة

[سمو^المشاعر]

شكرا عالقصيدة الجميله ..

مامعنى كلمة البرايا ؟؟ اول مره اسمع فيها .

[صقر وايلة]

البرايا والعلم عنده الله انها الناس او البر وحده من هالثنتين


قالوا إنا بدو ؟! قلنـا علـى روس البرايـا


بدو نعرف نقطع الراس ! لا حان انقطاعه !!

[سمو^المشاعر]

الورى المقصود فيها الناس

ولكن البرايا الله واعلم اول مره اسمع في هالكلمه

ما اعتقد يقصد البر لان المعنى موراكب مع البيت ..

وجاري البحث عنها .....

عالعموم شكرا عالتوضيح

[فيصل المخيال]

قلنا على روس البرايا >>> على روس البشر
و تأتي متشابهات لها حسب القافية مثل الأشهاد والعباد والأنام وغيرها
:
الغالي والمحترم
صقر وايلة
:
لا هنت لجلب هذه القصيدة الرائعة
للشاعر مهدي الحيدر
:
تقبل
ودي وتقديري

[سمو^المشاعر]

طلب من صاحب الموضوع

نبي قصيدته اللي عن التسامح

[صقر وايلة]

المشاركة الأصلية كتبت بواسطة متفائلة

الورى المقصود فيها الناس

ولكن البرايا الله واعلم اول مره اسمع في هالكلمه

ما اعتقد يقصد البر لان المعنى موراكب مع البيت ..

وجاري البحث عنها .....

عالعموم شكرا عالتوضيح

والله العالم اختي الكريمه ان معنى البرايا هي مثل رب البرية يعني رب الناس

البرايـــــــــــــا = هم الخلق او الناس

اعتقد انها هي الاقرب للصح

[فـارس]

صقر وايله

شكرا لك على نقلك لقصيدة الشاعر مهدي ال حيدر .. وصح الله لسانك ولسانه

ونتمنى له التوفيق

[عبدالله آل عامر]

صح لسان الشاعر مهدي آل حيدر الوايلي ولاهنت يا صقر وايلة على النقل الطيب

[الشاعر المبدع]

عزاللة مهدي البيرق بنفسة اللة يوفقة ...