قســم بالله ما تدخـل عليـها لو عـلى رقبتي

[غرور]

السلام عليكم ورحمه الله وبركاته

قصيدة يفوح منها عطر الجمال لشاعر راقــي هو(( مــحــمــد الــشــهــــري ))

أترككم مع عبيرها ..


أبد .. ما جيت أبارك ولــكن جيــــت بأوصــيك
............. على اللي ناويٍ تدخل بها الليلة .. "معذبتي"

ترى لولا الظروف اللي عطتك وحدت محاكيك
................ قســم بالله ما تدخل عليــها لو على رقبـــتـــي

ولكن النصيب أقوى ولا أدري ويش أسوي فيك
............... نعم .. صارت معزّبتك .. ولا صارت مـعزّبتي

كذا شـاءت بنا الأقــدار تحـرمني لأجل تعطيك
............. كذا لازم عشان تفوز أنت ... وأخسر بتجربتي

تراهـا غالـيه جداً ... وتـكــفى ... والله يخـليك
.......... تــدللــها ... تــدلــعــها .. تنسيها مصاحبتــــي

أنا من كثر ما أغليها أحس إني بديت أغليـــك
............ ولا تسأل بأية حق ..؟ ولا وش مــناســبـتـي

لإنك لو بتسألني بتسمــع شيء ما يرضيــــك
............. لذا يا خوي لا تسأل ولا تسمـع لأجـــوبـتــي

أبيك تحطـها في داخل عيونك وبين ايديــــك
......... وهي دلـــوعه اعتــادت على كثـرة مــداعبــتي

فداعبها شوي شوي حـتى تشتهي طـــاريك
.......... وشاغبها إلين تقـول لك : بّطــــل مشاغــبــتـي

وإذا هي مالها خلقك ولا تضحك ولا تسليك
........... تحمّلها وإسألها : يا عمــري لــيه عصبـتـي..؟

وبالك أسمع أنك يوم تضربها وهي تشكيك
............ ما يحتــاج أوري لــك بفــن الضرب موهـبتـي

صحيح إنك بتملكها وعك العقد بالتمليـــك
........... وأنا عــارف حـــدود الله ومن حقــك معاقبــتي

ولكن قلّها المجنون وصّاني وهـــو يعنيــك
............ يقـــول إنه بينــتظرك ولـو شــيّـب وشــيّــبـتـي

وأنا مجنونها اللي ما نساها وأنت ما يمديك
......... تغطـّي ذكرياتي في هــواها .. وربــع تجربتـــي

أحس إني تماديت بكلامي والغضب حاديك
......... لو إنــك فـي مكاني ما تـفـكــّر في محـاســبتـي

كفاك إني تركت الليلة أشغالي عشان أجيك
........... دخلت القــاعـة برجلي ولا أدري ويش عاقبتــي

وأنا ما جيت أخّــرب عرسك الليلة ولا أذّيك
............. أنا جيـتك عشـان أخاطبـــك وتسمع مخـاطبتــي

توصـّى وانتبــه وإحرص عليها والله يهنيك
............. ترى كل الكلام اللي طلع من ضـيقي وكبــّتــــي

ولكن ما قدرت إني أقوله وأنت ما يخفيك
.............. أخاف إني إذا قلته تقــــوم وتـــقطع رقبـــتــــي

[ضيدان بن مترك]

قســم بالله ما تدخـل عليـها لو عـلى رقبتي ]]]]]]]]]]]]]]]]]]]]]
ألأخت..غرور..
مشكوووووره.الله لايهينك وصح السان الشاعر الله يوفقه اميييييييييييييييييييييييين.

[محمد الشامري]

صح الله لسانش ياغرور ولسان الشاعر محمد

شاعر اثبت نفسه في فتره وجيزه

ولاهنتي على النقل

[غرور]

صحت أبدانكم جميعااا

[الراجح]

غرور

صح السانش ولسان شاعرها

وتسلمين

على الاختيار الرائع

والله يعطيش العافيه

[الوافـي]

اختي غرور صبحك الله بالخير
ومشكوووره على القصيده
بس مسبوقه عليها
على الرابط هذا
http://www.alajman.ws/vb/showthread.php?t=14613