قصيدة الفريدي والميزاني في مدح الشيخ طلال بن فيصل بن خرصان

[Al-Ajmi]

سليم لاتبحث خفايا بناخيك=خذ الجواب وصامل العلم ينصاك
شجون شاعر مايبي منك تحريك=تحركه نوح الحمامه على آلراك
ياركب إلي مايبي زود تشييك=أميزاته بذن خالقك تحماك
تلفي على إلي حاملا رتبة البيك=بيكا صحيح ماهو ببيك كلاك
طلال تختال المدايح لطاريك=يالعنبو من لا يتنومس بطرياك
نهلت من نبع المراجل بياديك=بلغت علو المرتبة وأنت بصباك
كم واحدا وده بفعله يجاريك=وده ولاكن أتعبه كثر الأنهاك
كم واحدا لحاجته قلت لبيك=وان قال ابن خرصان جيته من أقصاك
جدك جذبك وجاذبا قبلك أبيك=وأبيك دقق باختياره لمجناك
طلال يا جعل الليالي تخليك=وأطلب من المولى عسى الموت ينساك

الشاعر تركي بن قبلان الفريدي الحربي

هيضتني يا بادع القاف بالقاف=يا شاعرن من بيت شعر ورجوله
وحولت بي وانا على حيد مهياف=في قاع بحرن ما حدن قاس طوله
ونويت اسويلي بيوتن على آف=وكمالته برهان هرجن نقوله
المدح ‏​في الطيب اليا صار بنصاف=يستاهله ﻻ قيل ‏​في بن الحموله
وطلال له وقفات تعرف وتنشاف=وحقن علينا نمدحه ‏​في فعوله
من ساس بيتن من على عهد الأشراف=مثل جبل سنجار تذري كفوله
اهل شدادن ‏​في المغازي والانكاف=دايم ذلوله للزوم معقوله

سعيد سعد الميزاني المطيري

اهداء للشيخ طلال بن خرصان

[مناجي@@]

صح لسان الفريدي والميزاني والشيخ طلال بن فيصل يستاهل مليون مره والمدح ينصى اهله قصائد جزله لاهنتم......@،£

[العاتي]

صح لسان الحربي والمطيري ويستاهل الشيخ طلال بن خرصان المدح والله يقدره على فعل الخير

[اسكيت]

الطيبين يستاهلون المدح والقصيد الطيب

صح لسان الشعراء الحربي و المطيري وابن خرصان يستاهل ولا هيه غريبه عليه


\ اسكيت

[سعود الضاعني]

صح لسانه ويستاهل المدح

[الحر الاشقر]

صح لسان الحربي والمطيري ويستاهل الشيخ طلال بن خرصان المدح والله يقدره على فعل الخير

[عجمي النسب]

يستاهل المدح كفوووو يالعجمااان